ന്യൂഡല്‍ഹി:സുപ്രീം കോടതിയുടെ അടുത്ത ചീഫ് ജസ്റ്റിസായി ദീപക് മിശ്രയെ നിയമ മന്ത്രാലയം അംഗീകരിച്ചു. ഏറെ കോളിളക്കം സൃഷ്ടിച്ച നിര്‍ഭയ കേസിലെ വിധി പ്രഖ്യാപനം നടത്തിയ ബെഞ്ചിന്റെ തലവനാണ് മിശ്ര.

നിലവിലെ ചീഫ് ജസ്റ്റിസ് ജെ.എസ്.ഖെഹാര്‍ ഈ മാസം 27ന് വിരമിക്കുന്ന ഒഴിവിലേക്കാണ് മിശ്രയുടെ നിയമനം. 2018 ഒക്ടോബര്‍ 2 വരെയാണ് മിശ്രയുടെ കാലാവധി. 63-കാരനായ മിശ്രയെ ജനകീയ ന്യായാധിപന്‍ എന്നാണ് സഹപ്രവര്‍ത്തകര്‍ വിശേഷിപ്പിക്കുന്നത്. 

മുംബൈ സ്‌ഫോടന കേസില്‍ വധശിക്ഷക്ക് വിധേയനായ യാക്കൂബ് മേമന്റെ ശിക്ഷാവിധി നടപ്പാക്കുന്നതിന്റെ തൊട്ടു മുമ്പ് അദ്ദേഹത്തിന്റെ ഹര്‍ജി അര്‍ദ്ധരാത്രിയില്‍ പരിഗണിച്ചത് മിശ്രയടക്കമുള്ള മൂന്ന് ജഡ്ജിമാരായിരുന്നു.