Photo: Mathrubhumi
ന്യൂഡല്ഹി: വിരമിച്ച ജുഡീഷ്യല് ഓഫീസര്മാരുടെ പെന്ഷന് ഉയര്ത്തണമെന്ന നിര്ദേശം നടപ്പാക്കാത്ത കേരളം ഉള്പ്പടെയുള്ള സംസ്ഥാന ചീഫ് സെക്രട്ടറിമാരെ വിളിച്ചുവരുത്തേണ്ടി വരുമെന്ന് സുപ്രീം കോടതി. കോടതി ഉത്തരവ് മാനിക്കുന്നില്ലെങ്കില് കോടതിയലക്ഷ്യ നടപടിയല്ലാതെ മറ്റ് വഴിയില്ലെന്ന് ജസ്റ്റിസ് ബി..ആര്. ഗവായ് അധ്യക്ഷനായ ബെഞ്ച് വ്യക്തമാക്കി.
1996 ജനുവരി ഒന്നിന് ശേഷം വിരമിച്ച ജുഡീഷ്യല് ഓഫീസര്മാരുടെ പെന്ഷന് വര്ധിപ്പിക്കാന് സുപ്രീം കോടതി 2012-ല് ഉത്തരവിട്ടിരുന്നു. കര്ണാടക മോഡലില് പെന്ഷന് നിശ്ചയിച്ച ജുഡീഷ്യല് ഓഫീസര്മാരുടെയും പെന്ഷന് വര്ധിപ്പിക്കാന് കോടതി നിര്ദേശിച്ചിരുന്നു. 3.07 മടങ്ങിന്റെ വര്ധനവാണ് നിര്ദേശിച്ചത്. വഹിച്ചിരുന്ന തസ്തികയുടെ പരിഷ്കരിച്ച ശമ്പള സ്കെയിലിന്റെ ചുരുങ്ങിയത് അമ്പത് ശതമാനം എങ്കിലും പെന്ഷനായി നല്കണമെന്നും കോടതി നിര്ദേശിച്ചിരുന്നു.
ഈ നിര്ദേശം മൂന്ന് മാസത്തിനുള്ളില് നടപ്പാക്കണമെന്ന് കഴിഞ്ഞ വര്ഷം സെപ്റ്റംബറില് സംസ്ഥാന സര്ക്കാരുകളോട് സുപ്രീം കോടതി നിര്ദേശിച്ചിരുന്നു. എന്നാല്, കേരളം ഉള്പ്പടെയുള്ള ചില സംസ്ഥാനങ്ങള് ഇപ്പോഴും നിര്ദേശം നടപ്പാക്കിയിട്ടില്ലെന്ന് അമിക്കസ് ക്യുറി സുപ്രീം കോടതിയില് ചൂണ്ടിക്കാട്ടി. തുടര്ന്നാണ് ഉത്തരവ് നടപ്പാക്കാത്ത കേരളം ഉള്പ്പടെയുള്ള സംസ്ഥാനങ്ങളിലെ ചീഫ് സെക്രട്ടറിമാരെ വിളിച്ച് വരുത്തേണ്ടിവരുമെന്ന് സുപ്രീം കോടതി മുന്നറിയിപ്പ് നല്കിയത്.
Content Highlights: Judges' pension, Supreme Court, Kerala Chief Secretary
Also Watch
Share this Article
Related Topics
RELATED STORIES
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..