ജേവാര്‍ വിമാനത്താവളം; പദ്ധതി വൈകിയാല്‍ കരാര്‍ കമ്പനിക്ക് പിഴ പ്രതിദിനം 10 ലക്ഷം രൂപ


വിമാനത്താവളത്തിൻറെ മോഡലിന് സമീപം പ്രധാനമന്ത്രി നരേന്ദ്ര മോദി, ഉത്തർപ്രദേശ് മുഖ്യമന്ത്രി യോഗി ആദിത്യനാഥ് എന്നിവർ | ചിത്രം: ANI

നോയിഡ: നിശ്ചിത സമയത്തിനുള്ളില്‍ ജേവാര്‍ വിമാനത്താവളത്തിന്റെ നിര്‍മാണപ്രവര്‍ത്തനങ്ങള്‍ പൂര്‍ത്തിയാക്കിയില്ലെങ്കില്‍ കരാര്‍ ഏറ്റെടുത്ത കമ്പനിയില്‍ നിന്ന് പിഴയായി ഈടാക്കുന്നത് ഭീമന്‍ തുക. പദ്ധതി വൈകുന്ന ഓരോ ദിവസവും 10 ലക്ഷം രൂപയാണ് പിഴ ചുമത്തുക. 2024 സെപ്തംബര്‍ 29നാണ് പണി പൂര്‍ത്തിയാക്കാനുള്ള തീയതി നിശ്ചയിച്ചിരിക്കുന്നത്.

പദ്ധതി വൈകുന്ന ഓരോ ദിവസവും കെട്ടിവെച്ച ബാങ്ക് ഗ്യാരന്റിയുടെ 0.1 ശതമാനം നല്‍കാന്‍ കമ്പനി ബാധ്യസ്ഥരാകുമെന്ന് കരാറുകാരായ സൂറിച്ച് എജിയും യുപി സര്‍ക്കാരും ഒപ്പുവെച്ച അന്തിമ കരാറില്‍ വ്യവസ്ഥയുണ്ടെന്ന് അധികൃതര്‍ അറിയിച്ചു.



ബാങ്ക് ഗ്യാരണ്ടിയായി സൂറിച്ച് എജി 100 കോടി രൂപയാണ് നിക്ഷേപിച്ചിരിക്കുന്നത്. അതായത് ഏതെങ്കിലും കാരണത്താല്‍ പദ്ധതി 2024 സെപ്തംമ്പര്‍ 29ന് പൂര്‍ത്തീകരിക്കാനാകാത്ത സാഹചര്യമുണ്ടായാല്‍, 100 കോടി രൂപയുടെ 0.1 ശതമാനമായ 10 ലക്ഷം രൂപ പ്രതിദിനം കമ്പനി പിഴയൊടുക്കേണ്ടി വരും.

സൂറിച്ച് എജിയുടെ അനുബന്ധ സ്ഥാപനമായ യമുന ഇന്റര്‍നാഷണല്‍ എയര്‍പോര്‍ട്ട് പ്രൈവറ്റ് ലിമിറ്റഡിനാണ് വിമാനത്താവളത്തിന്റെ നിര്‍മാണ ചുമതല. ടെര്‍മിനല്‍ കെട്ടിടം, മെട്രോയ്ക്കും അതിവേഗ റെയിലിനുമുള്ള സ്റ്റേഷനുകള്‍, എയര്‍ ട്രാഫിക് കണ്‍ട്രോള്‍ ടവര്‍, കാര്‍ഗോ ആന്‍ഡ് ലോജിസ്റ്റിക് സെന്റര്‍, 186 എയര്‍ക്രാഫ്റ്റ് സ്റ്റാന്‍ഡുകള്‍, ഹോട്ടലുകള്‍ എന്നിങ്ങനെ പദ്ധതിയുടെ വിവിധ ഘട്ടങ്ങളുടെ നിര്‍മാണങ്ങള്‍ പൂര്‍ത്തിയാക്കുന്നതിന്റെ സമയക്രമം അടങ്ങുന്ന ഒരു പ്ലാന്‍ ഡിസംബര്‍ 15-നകം യമുന ഇന്റര്‍നാഷനല്‍ എയര്‍പോര്‍ട്ട് പ്രൈവറ്റ് ലിമിറ്റഡ് സര്‍ക്കാരിന് സമര്‍പ്പിക്കുമെന്നാണ് കരുതുന്നത്.

Content Highlights: jewar airport builders to pay rupees ten lakhs per day for delay in project


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


അര്‍ജന്റീനന്‍ ടീം| photo: Getty Images

1 min

സൗദിയെ വീഴ്ത്തി പോളണ്ട്; ഇനി അര്‍ജന്റീനയുടെ ഭാവി എന്ത്?

Nov 26, 2022

Most Commented