പാകിസ്താനില്‍ ഇറാന്റെ സര്‍ജിക്കല്‍ സ്‌ട്രൈക്ക്: തീവ്രവാദികള്‍ തടവിലാക്കിയ സൈനികരെ മോചിപ്പിച്ചു


റവലൂഷണറി ഗാർഡ് സേനാംഗങ്ങൾ (ഫയൽ ചിത്രം) | photo: Reuters

ടെഹ്റാൻ: പാകിസ്താനില്‍ സര്‍ജിക്കല്‍ സ്‌ട്രൈക്ക് നടത്തി തടവിലായ സൈനികരെ മോചിപ്പിച്ച് ഇറാന്‍. വഹാബി തീവ്രവാദികള്‍ തടവിലാക്കിയ രണ്ട് അതിര്‍ത്തി സേനാംഗങ്ങളെ രഹസ്യ നീക്കത്തിലൂടെ മോചിപ്പിച്ചതായി ഇറാന്‍ സൈന്യം പ്രസ്താവനയില്‍ അറിയിച്ചു.

ചൊവ്വാഴ്ച രാത്രിയായിരുന്നു ഇറാന്റെ സൈനിക നടപടി. രണ്ടര വര്‍ഷമായി തീവ്രവാദികളുടെ തടവില്‍ കഴിയുന്ന സേനാംഗങ്ങളെ രക്ഷപ്പെടുത്താന്‍ ഇറാന്റെ സായുധ സേനാവിഭാഗമായ ഐ.ആര്‍.ജി.സി (ഇസ്ലാമിക് റവലൂഷണറി ഗാര്‍ഡ് കോര്‍പ്‌സ്) സംഘമാണ് സര്‍ജിക്കല്‍ സ്‌ട്രൈക്കില്‍ പങ്കെടുത്തത്. രക്ഷപ്പെടുത്തിയ രണ്ട് സൈനികരേയും ഇറാനിലേക്കെത്തിച്ചു.

പാകിസ്താനിലെ വഹാബി തീവ്രവാദ ഗ്രൂപ്പായ ജെയ്ഷ് ഉല്‍ അദില്‍ 2018 ഒക്ടോബര്‍ 16നാണ് ഇറാന്റെ 12 ഐ.ആര്‍.ജി.സി സേനാംഗങ്ങളെ തട്ടിക്കൊണ്ടുപോയത്. ഇറാനും പാകിസ്താനും തമ്മില്‍ അതിര്‍ത്തി പങ്കിടുന്ന മേഖലയില്‍ നിന്നാണ് സൈനികരെ തടവിലാക്കിയിരുന്നത്. ഇവരെ മോചിപ്പിക്കാനായി ഇരുരാജ്യങ്ങളും തമ്മില്‍ സൈനിക തലത്തില്‍ സംയുക്ത സമിതികളും രൂപീകരിച്ചിരുന്നു.

2018 നവംബര്‍ 15ന് അഞ്ച് സൈനികരുടെ മോചനം സാധ്യമായി. 2019 മാര്‍ച്ച് 21ന് പാകിസ്താന്റെ സൈനിക നടപടിയിലൂടെ നാല് സൈനികരെയും രക്ഷപ്പെടുത്തിയിരുന്നു.

content highlights: Iran conducts surgical strike in Pakistan, frees border guards held by Baloch terrorists


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented