ചരക്കെത്തിക്കാന്‍ 'പിസ ഡെലിവെറി' മാതൃക; താമസിച്ചാല്‍ നഷ്ടപരിഹാരവുമായി റെയില്‍വെ


-

ന്യൂഡൽഹി: ചരക്ക് കടത്തിലൂടെ വരുമാനം വർധിപ്പിക്കുന്നതിന് 'പിസ ഡെലിവറി' മാതൃക സ്വീകരിക്കാനൊരുങ്ങി റെയിൽവേ. ചരക്കുകൾ സമയബന്ധിതമായി എത്തിക്കുന്നത് ഉറപ്പാക്കുകയും അഥവാ താമസം നേരിട്ടാൽ മതിയായ നഷ്ടപരിഹാരം നൽകാനുമാണ് റെയിൽവേയുടെ നീക്കം.

ഇപ്രകാരം ചെയ്യുന്നതിലൂടെ ചരക്കുനീക്കത്തിലൂടെ വരുമാനം വർധിപ്പിക്കാനാകുമെന്നാണ് റെയിൽവേയുടെ കണക്കുകൂട്ടൽ. നഷ്ടപരിഹാരം നൽകുന്നത് മണിക്കൂർ അടിസ്ഥാനത്തിലായിരിക്കും. അതായത് ഉല്പന്നം വിതരണം ചെയ്യുന്നതിനുളള സമയപരിധി കഴിഞ്ഞാൽ വൈകുന്ന ഓരോ മണിക്കൂറിനും നിശ്ചിത അടിസ്ഥാനത്തിൽ നഷ്ടപരിഹാരം നൽകാനാണ് റെയിൽവേയുടെ തീരുമാനം.

ഉദാഹരണത്തിന് മുംബൈയിൽനിന്ന് ഡൽഹിയിൽ മൂന്നു ദിവസത്തിനകമാണ് (അതായത് 72 മണിക്കൂറിനുളളിൽ)ചരക്ക് എത്തിക്കേണ്ടതെങ്കിൽ, നിശ്ചിതസമയത്തിനുളളിൽ ചരക്ക് എത്തിക്കുന്നതിൽ പരാജയപ്പെട്ടാൽ വൈകുന്ന ഓരോ മണിക്കൂറിനും റെയിൽവേ നഷ്ടപരിഹാരം നൽകും.

പരിമിതമായ ഒരു മേഖലയിൽ പദ്ധതി നടപ്പാക്കാനാണ് റെയിൽവേയുടെ തീരുമാനം. 2021 ആകുന്നതോടെ ഇത് വിപുലീകരിക്കാമെന്നും റെയിൽവേ കരുതുന്നു. ആശയവുമായി മുന്നോട്ടുപോകാൻ റെയിൽവേ മന്ത്രി പിയൂഷ് ഗോയൽ പച്ചക്കൊടി കാട്ടിയതായാണ് വിവരം.

സ്റ്റീൽ, കൽക്കരി, ഇരുമ്പയിര്, സിമന്റ് കമ്പനികളെ ആകർഷിക്കുന്നതിന് വേണ്ടിയാണ് റെയിൽവേയുടെ പുതിയ നീക്കമെന്ന് അറിയുന്നു. ഇ കൊമേഴ്സ് കമ്പനികളേയും ഓട്ടോ മേഖലയെയും ഫാർമ മേഖലയെയും റെയിൽവേ ലക്ഷ്യമിടുന്നുണ്ട്. രാജ്യത്തെ ചരക്കുനീക്കത്തിൽ കമ്പനികൾ റെയിൽവേയെ ആശ്രയിക്കുന്നതിനായി കുറഞ്ഞ നിരക്ക് മുതൽ സമയബന്ധിത ചരക്കെത്തിക്കൽ ഉൾപ്പടെ ആനുകൂല്യങ്ങളുടെ ഒരു നിര തന്നെയാണ് റെയിൽവേ പ്രഖ്യാപിച്ചിട്ടുളളത്.

കടപ്പാട്: https://zeenews.india.com/

Content Highlights:Indian Railway to adopt pizza delivery model to boost freight revenue


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Mallikarjun Kharge, VD Satheesan

1 min

ഖാര്‍ഗെയെ പിന്തുണയ്ക്കും, അദ്ദേഹം കോണ്‍ഗ്രസ് അധ്യക്ഷനാകുന്നത് അഭിമാനകരം - വി.ഡി. സതീശന്‍

Oct 1, 2022

Most Commented