പ്രണയിനിയെ സ്വന്തമാക്കാന്‍ ഇന്ത്യക്കാരന്‍ ബംഗ്ലാ അതിര്‍ത്തി കടന്നു;മടങ്ങിവരവില്‍ ഇരുവരും അറസ്റ്റില്‍


ജയ്കാന്തോയും പ്രണയിനിയും ബിഎസ്എഫ് ജവാന്മാരോടൊപ്പം | Photo : Screengrab | YouTube Video

കൊല്‍ക്കത്ത: അനധികൃതമായി രാജ്യാതിര്‍ത്തി കടന്ന ഇരുപത്തിനാലുകാരനേയും പതിനെട്ടുകാരിയേയും പശ്ചിമബംഗാളിലെ നാദിയ ജില്ലയില്‍ നിന്ന് അതിര്‍ത്തിരക്ഷാസേന ശനിയാഴ്ച അറസ്റ്റ് ചെയ്തു. ഇരുവരേയും കസ്റ്റഡിയിലെടുത്ത് ചോദ്യം ചെയ്തപ്പോഴാണ് അതിര്‍ത്തി കടന്നുള്ള പ്രണയകഥയിലെ നായികാ നായകന്‍മാരാണ് ഇവരെന്ന കാര്യം വ്യക്തമായത്. ഓണ്‍ലൈനിലൂടെയുള്ള പരിചയവും സൗഹൃദവും പ്രണയമായി തീരുകയും ഒടുവില്‍ വിവാഹത്തിലെത്തിച്ചേരുകയുമായിരുന്നുവെന്ന് ഇവര്‍ അറിയിച്ചു.

നാദിയയിലെ ബല്ലവ്പുര്‍ സ്വദേശിയായ ജയ്കാന്തോ ചന്ദ്ര റായും ബംഗ്ലാദേശുകാരിയായ പെണ്‍കുട്ടിയുമാണ് അറസ്റ്റിലായത്. പെണ്‍കുട്ടിയുടെ പേര് വെളിപ്പെടുത്തിയിട്ടില്ല. ജൂണ്‍ 26-ന് ബിഎസ്എഫിന്റെ ഇന്റലിജന്‍സ് വിഭാഗം നല്‍കിയ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് അതിര്‍ത്തിപാതയില്‍ ഇവരെ കണ്ടെത്തിയത്. തുടര്‍ന്നുള്ള ചോദ്യം ചെയ്യലില്‍ യുവാവ് ഇന്ത്യക്കാരനാണെന്ന് തിരിച്ചറിഞ്ഞെങ്കിലും പെണ്‍കുട്ടിയുടെ വ്യക്തിവിവരങ്ങള്‍ വെളിപ്പെടുത്താത്തതിനാല്‍ സംശയത്തിന്റെ അടിസ്ഥാനത്തില്‍ ഇവരെ അറസ്റ്റ് ചെയ്യുകയായിരുന്നു.

ഫെയ്‌സ്ബുക്കിലൂടെയാണ് പെണ്‍കുട്ടിയുമായി പരിചയത്തിലായതെന്ന് ജയ്കാന്തോ പറഞ്ഞു. പിന്നീട് പ്രണയം മൂര്‍ച്ഛിച്ചതോടെ ഇരുവരും വിവാഹത്തിലൂടെ ഒന്നാകാന്‍ തീരുമാനിക്കുകയായിരുന്നു. തുടര്‍ന്ന് താരക്‌നഗറിലുള്ള ഒരു ബ്രോക്കറുടെ സഹായത്തോടെ ജയ്കാന്തോ മാര്‍ച്ച് എട്ടിന് അതിര്‍ത്തി കടന്ന് ബംഗ്ലാദേശിലെത്തി. മാര്‍ച്ച് പത്തിന് ഇരുവരും വിവാഹിതരാവുകയും ചെയ്തു. ജൂണ്‍ 25 വരെ ബംഗ്ലാദേശില്‍ കഴിഞ്ഞ ശേഷം ഭാര്യയുമൊത്ത് നാട്ടിലേക്ക് മടങ്ങാനുള്ള ജയ്കാന്തോയുടെ ശ്രമത്തിനിടെയാണ് ഇരുവരും അതിര്‍ത്തി രക്ഷാസേനയുടെ പിടിയിലായത്.

താന്‍ ബംഗ്ലാദേശ് സ്വദേശിയാണെന്നും ഭര്‍ത്താവിനൊപ്പം ഇന്ത്യയിലേക്ക് പോവുകയായിരുന്നുവെന്നും പെണ്‍കുട്ടി അറിയിച്ചു. രാജു മണ്ഡല്‍ എന്ന ബംഗ്ലാദേശി ബ്രോക്കറിന് തങ്ങളെ അതിര്‍ത്തി കടത്താന്‍ 10,000 ബംഗ്ലാദേശി ടാക്ക പ്രതിഫലമായി നല്‍കിയതായും ഇവര്‍ പറഞ്ഞു.

ദമ്പതിമാരെ പിന്നീട് ഭീംപുര്‍ പോലീസ് സ്‌റ്റേഷനിലെത്തിച്ചു. 82 ബറ്റാലിയന്റെ കമാന്‍ഡിങ് ഓഫീസര്‍ സഞ്ജയ് പ്രസാദ് സിങ് സംഭവം സ്ഥിരീകരിച്ചു. ഇന്ത്യാക്കാരന്‍ അതിര്‍ത്തി കടന്നത് ബംഗ്ലാദേശി പെണ്‍കുട്ടിയെ വിവാഹം കഴിക്കാന്‍ മാത്രമാണെന്നും സംഭവത്തില്‍ മറ്റ് അവ്യക്തതകളില്ലെന്നും അദ്ദേഹം പ്രതികരിച്ചു. എന്തായാലും പ്രണയത്തിന് മുന്നില്‍ യാതൊന്നും പ്രതിബന്ധമല്ലെന്നുള്ള വാദം ഒരിക്കല്‍ കൂടി ശരിവെക്കുകയാണ് ജയ്കാന്തോയും ബംഗ്ലാദേശി പ്രണയിനിയും.

Content Highlights: Indian man crosses border to marry Bangladeshi woman both arrested on return


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023

Most Commented