വാക്‌സിന്‍ കയറ്റുമതി പുനരാരംഭിക്കാനൊരുങ്ങി ഇന്ത്യ


പ്രധാനമന്ത്രി നരേന്ദ്ര മോദിയുടെ അമേരിക്കന്‍ സന്ദര്‍ശനം ആരംഭിക്കാന്‍ ഒരു ദിവസം മാത്രമുള്ളപ്പോഴാണ് കേന്ദ്ര സര്‍ക്കാരിന്റെ നടപടി.

പ്രതീകാത്മകചിത്രം | Photo : AFP

ന്യൂഡല്‍ഹി: വാക്‌സിന്‍ കയറ്റുമതിയും മറ്റ് രാജ്യങ്ങള്‍ക്കുള്ള വാക്‌സിന്‍ സംഭാവന നല്‍കലും പുനരാരംഭിക്കാനൊരുങ്ങി ഇന്ത്യ. കേന്ദ്ര ആരോഗ്യമന്ത്രി മന്‍സൂഖ് മാണ്ഡവ്യ അറിയിച്ചതാണ് ഇക്കാര്യം. രാജ്യത്ത് രണ്ടാം തരംഗം ഉണ്ടായതിനെതുടര്‍ന്ന് കേന്ദ്ര സര്‍ക്കാര്‍ വാക്‌സിന്‍ കയറ്റുമതി നിര്‍ത്തിവെച്ചിരുന്നു. പ്രധാനമന്ത്രി നരേന്ദ്ര മോദിയുടെ അമേരിക്കന്‍ സന്ദര്‍ശനം ആരംഭിക്കാന്‍ ഒരു ദിവസം മാത്രമുള്ളപ്പോഴാണ് കേന്ദ്ര സര്‍ക്കാരിന്റെ നടപടി.

രാജ്യത്തെ ജനങ്ങള്‍ക്ക് വാക്‌സിന്‍ നല്‍കുന്നതിനാണ് സര്‍ക്കാര്‍ മുന്‍ഗണന നല്‍കുന്നതെന്നും കേന്ദ്ര ആരോഗ്യ മന്ത്രി പറഞ്ഞു. രാജ്യത്തിന്റെ ആവശ്യത്തിന് ശേഷം വരുന്ന വാക്‌സിന്‍ കയറ്റുമതി ചെയ്യും. അയല്‍രാജ്യങ്ങള്‍ക്കാവും പ്രധാന പരിഗണ നല്‍കുക. അടുത്ത മാസം രാജ്യത്ത് 30 കോടി വാക്‌സിന്‍ ഉത്പാദിപ്പിക്കും.

വാക്‌സിന്‍ കയറ്റുമതി നിര്‍ത്തുന്നതിന് മുന്‍പ് ഇന്ത്യ നൂറോളം രാജ്യങ്ങള്‍ക്കായി 6.6 കോടി വാക്‌സിന്‍ വിതരണം ചെയ്തിരുന്നു. തുടര്‍ന്ന് രാജ്യത്ത് രണ്ടാം തരംഗം ആഞ്ഞടിച്ചതിനെ തുടര്‍ന്നാണ് വാക്‌സിന്‍ വിതരണം നിര്‍ത്തിവെച്ചത്. വാക്‌സിന്‍ കയറ്റുമതി വലിയ വിമര്‍ശനത്തിന് ഇടയാക്കിയിരുന്നു. രാജ്യം പ്രതിസന്ധിയിലൂടെ കടന്ന് പോകുമ്പോള്‍ വിദേശ രാജ്യങ്ങള്‍ക്ക് വാക്‌സിന്‍ നല്‍കുന്നതിനെതിരെ പ്രതിപക്ഷ പാര്‍ട്ടികള്‍ രംഗത്ത് വന്നിരുന്നു. ഇതേ തുടര്‍ന്നാണ്‌ വാക്‌സിന്‍ കയറ്റുമതി നിര്‍ത്തിവെച്ചത്.

അമേരിക്ക ഉള്‍പ്പടെയുള്ള രാജ്യങ്ങള്‍ ഇന്ത്യ വാക്‌സിന്‍ കയറ്റുമതി പുനരാരംഭിക്കണമെന്ന് ആവശ്യപ്പെട്ടിരുന്നു. ലോകത്ത് ഏറ്റവും വലിയ വാക്‌സിന്‍ ഉത്പാദന രാജ്യമായ ഇന്ത്യ വാക്‌സിന്‍ കയറ്റുമതി നിര്‍ത്തുന്നത് ആഗോള തലത്തില്‍ സമ്പൂര്‍ണ വാക്‌സിന്‍ ലക്ഷ്യത്തിലെത്തിക്കാന്‍ തടസ്സമാവുമെന്നായിരുന്നു അമേരിക്കയുടെ വിലയിരുത്തല്‍.

Content Highlights: India To Resume Export Of Surplus Covid Vaccines, Donations Next Month


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented