ഇന്ത്യ എന്നാല്‍ രാജ്യമോ ഭൂപ്രദേശമോ എന്നതിനെക്കാള്‍ വിശാലമായ ഒന്നാണ് - പ്രധാനമന്ത്രി മോദി


ഓരോ വെല്ലുവിളികള്‍ നേരിടേണ്ടിവരുന്ന സാഹചര്യത്തിലും പ്രതികൂലമായ പ്രവചനങ്ങള്‍ പലതും വരുന്നുവെങ്കിലും ഇന്ത്യമാത്രം കൂടുതല്‍ ശക്തമായി മുന്നോട്ടു വരുന്നതാണ് കാണാന്‍ കഴിയുന്നതെന്നും പ്രധാനമന്ത്രി പറഞ്ഞു.

Prime Minister Narendra Modi | Photo - ANI

ന്യൂഡല്‍ഹി: ഇന്ത്യയെന്നാല്‍ രാജ്യമോ ഭൂപ്രദേശമോ എന്നതിനെക്കാള്‍ വളരെ വിശാലമായ ഒന്നാണെന്ന് പ്രധാനമന്ത്രി നരേന്ദ്ര മോദി. ഭാരതത്തെക്കുറിച്ച് അറിയുന്നവര്‍ക്ക് അത് മനസിലാകുമെന്ന് സ്വാമി വിവേകാനനന്ദന്‍ തുടങ്ങിയ 'പ്രബുദ്ധ ഭാരത' എന്ന പ്രസിദ്ധീകരണത്തിന്റെ 125-ാം വാര്‍ഷികാഘോഷ ചടങ്ങില്‍ സംസാരിക്കവെ പ്രധാനമന്ത്രി പറഞ്ഞു.

ഇന്ത്യയുടെ ആത്മാവ് എന്തെന്ന് വ്യക്തമാക്കാനാണ് സ്വാമി വിവേകാനന്ദന്‍ പ്രസിദ്ധീകരണത്തിന് 'പ്രബുദ്ധ ഭാരത' എന്ന പേര് നല്‍കിയത്. ഉദ്ബുദ്ധമായ ഇന്ത്യയെ സൃഷ്ടിക്കാനാണ് സ്വാമി വിവേകാനന്ദന്‍ ആഗ്രഹിച്ചത്. ഭാരതത്തെ മനസിലാക്കിയിട്ടുള്ളവര്‍ക്ക് ഇന്ത്യ എന്നത് ഒരു രാജ്യമോ ഭൂപ്രദേശമോ എന്നതിനെക്കാള്‍ വിശാലമായ ഒന്നാണെന്ന് വ്യക്തമാകും.

നൂറ്റാണ്ടുകളായി ജനങ്ങള്‍ ജീവിക്കുകയും ശ്വസിക്കുകയും ചെയ്യുന്ന സാംസ്‌കാരിക ബോധം എന്ന നിലയിലാണ് സ്വാമി വിവേകാനന്ദന്‍ ഇന്ത്യയെ കണ്ടത്. ഓരോ വെല്ലുവിളികള്‍ നേരിടേണ്ടിവരുന്ന സാഹചര്യത്തിലും പ്രതികൂലമായ പ്രവചനങ്ങള്‍ പലതും വരുന്നുവെങ്കിലും ഇന്ത്യമാത്രം കൂടുതല്‍ ശക്തമായി മുന്നോട്ടു വരുന്നതാണ് കാണാന്‍ കഴിയുന്നതെന്നും പ്രധാനമന്ത്രി പറഞ്ഞു.

ഉത്തരാഖണ്ഡില്‍ അദ്വൈത ആശ്രമമാണ് ചടങ്ങ് സംഘടിപ്പിച്ചത്. സ്വാമി വിവേകാനനന്ദന്‍ 1896 ല്‍ തുടങ്ങിയ മാസികയാണ് പ്രബുദ്ധ ഭാരത. സാംസ്‌കാരികവും ചരിത്രപരവും സാമൂഹ്യശാസ്ത്രപരവും മനഃശാസ്ത്രപരവുമായ ലേഖനങ്ങളാണ് മാസികയില്‍ ഉള്‍ക്കൊള്ളിച്ചിരുന്നത്.

Content Highlights: India much more than just political or territorial enttiy - PM Modi

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


Vairajathan Temple

ചിട്ടി കാരണം അനാഥമായിപ്പോയൊരു ദൈവം | നാടുകാണി

Sep 11, 2021

Most Commented