പ്രതീകാത്മകചിത്രം| Photo: PTI
ന്യൂഡല്‍ഹി: രാജ്യത്ത് പുതുതായി റിപ്പോര്‍ട്ട് ചെയ്യുന്ന കോവിഡ് കേസുകളുടെ എണ്ണത്തില്‍ തുടര്‍ച്ചയായ കുറവ്. കഴിഞ്ഞ 24 മണിക്കൂറിനിടെ 18,833 പേര്‍ക്കാണ് പുതുതായി രോഗബാധ സ്ഥിരീകരിച്ചതെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ചൊവ്വാഴ്ചത്തേതിനെ അപേക്ഷിച്ച് കേസുകളുടെ എണ്ണത്തില്‍ നേരിയവര്‍ധന (2.65%) ഉണ്ടെങ്കിലും രോഗബാധിതരുടെ എണ്ണം ഇരുപതിനായിരം കടന്നിട്ടില്ല.
രാജ്യത്തെ ആകെ രോഗികളുടെ എണ്ണം 2,46,687-ലേക്ക് എത്തിയിട്ടുണ്ട്. കഴിഞ്ഞ 203 ദിവസങ്ങളിലെ ഏറ്റവും കുറഞ്ഞ സംഖ്യയാണിത്. കഴിഞ്ഞ 24 മണിക്കൂറിനിടെ 24,770 പേരാണ് കോവിഡില്‍നിന്ന് മുക്തി നേടിയത്. സജീവ കേസുകള്‍, ആകെ കേസുകളുടെ ഒരു ശതമാനത്തില്‍ താഴെയാണെന്നും നിലവില്‍ ഇത് 0.73 ശതമാനമാണെന്നും ആരോഗ്യ മന്ത്രാലയം വ്യക്തമാക്കിയിട്ടുണ്ട്.
നിലവിലെ പ്രതിവാര പോസിറ്റിവിറ്റി നിരക്ക് 1.86 ശതമാനമാണ്. കഴിഞ്ഞ 103 ദിവസങ്ങളെ അപേക്ഷിച്ച് മൂന്നുശതമാനം കുറവാണിത്. അതേസമയം, പ്രതിദിന പോസിറ്റിവിറ്റി നിരക്ക് കഴിഞ്ഞ 37 ദിവസമായി മൂന്നുശതമാനത്തിന് താഴെയാണ്, നിലവില്‍ ഇത് 1.34 ശതമാനമാണ്. ഇപ്പോള്‍ രാജ്യത്ത് കേരളത്തിലാണ് ഏറ്റവും കൂടുതല്‍ സജീവ കേസുകളുള്ളത്.
content highlights: india covid 19 update
RELATED STORIES
.jpg?$p=7e4c243&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..