ഉത്തര്‍പ്രദേശ് തദ്ദേശ തിരഞ്ഞെടുപ്പ്; വരാണസിയിലും അയോധ്യയിലും ബിജെപിക്ക് കനത്ത തിരിച്ചടി


യോഗി ആദിത്യനാഥ് |ഫോട്ടോ:PTI

ലഖ്‌നൗ: ഉത്തര്‍പ്രദേശ് പഞ്ചായത്ത് തിരഞ്ഞെടുപ്പില്‍ ശക്തി കേന്ദ്രങ്ങളില്‍ ഭരണകക്ഷിയായ ബിജെപിക്ക് കനത്ത തിരിച്ചടി. വരാണസിയിലും അയോധ്യയിലും അഖിലേഷ് യാദവിന്റെ നേതൃത്വത്തലുള്ള സമാജ് വാദി പാര്‍ട്ടി നേട്ടമുണ്ടാക്കിയപ്പോള്‍ മഥുരയില്‍ മായാവതിയുടെ ബിഎസ്പിയും അജിത് സിങിന്റെ ആര്‍എല്‍ഡിയും വിജയംകൊയ്തു. ബിജെപിക്ക് രാഷ്ട്രീയപരമായി നിര്‍ണായകമാണ് ഈ മൂന്ന് ജില്ലകളും. യോഗി ആദ്യത്യനാഥ്സര്‍ക്കാര്‍ കഴിഞ്ഞ നാല് വര്‍ഷക്കാലം ഈ ജില്ലകളില്‍ പ്രത്യേക ശ്രദ്ധ കേന്ദ്രീകരിച്ചിരുന്നെങ്കിലും പഞ്ചായത്ത് തിരഞ്ഞെടുപ്പ് ഫലം ബിജെപിക്ക് തിരിച്ചടിയായി.

പ്രധാനമന്ത്രി നരേന്ദ്ര മോഡിയുടെ മണ്ഡലമായ വരാണസി ജില്ലാ പഞ്ചായത്തിലെ 40 സീറ്റുകളില്‍ എട്ടിടത്ത് മാത്രമേ ബിജെപിക്ക് ജയിക്കാന്‍ സാധിച്ചുള്ളൂ.സമാജ് വാദി പാര്‍ട്ടി 14 സീറ്റുകള്‍ നേടി. ബിഎസ്പി അഞ്ചിടത്തും ജയിച്ചു. അപ്‌നാദള്‍ (എസ്) മൂന്ന് സീറ്റു നേടി. ആം ആദ്മി പാര്‍ട്ടിക്കും ഇവിടെ അക്കൗണ്ട് തുറക്കാന്‍ സാധിച്ചിട്ടുണ്ട്.

മഥുരയിലും ബിജെപി എട്ട് സീറ്റിലൊതുങ്ങി. ഇവിടെ ബിഎസ്പി 12 സീറ്റിലും ആര്‍എല്‍ഡി ഒമ്പത് സീറ്റിലും ജയിച്ചു. അതേ സമയം എസ്പിക്ക് ഒരിടത്ത് മാത്രമേ മഥുരയില്‍ ജയക്കാന്‍ സാധിച്ചിട്ടുള്ളൂ. കോണ്‍ഗ്രസ് ഒരു സീറ്റ് പോലും നേടിയില്ല. മൂന്ന് സ്വതന്ത്രരും ജയിച്ചു.

40 സീറ്റുള്ള അയോധ്യ ജില്ലാ പഞ്ചായത്തില്‍ 24 സീറ്റുകള്‍ നേടി എസ്പി തൂത്തുവാരി. ബിജെപി ആറിലൊതുങ്ങി. ബാക്കി സീറ്റുകളില്‍ സ്വതന്ത്രരാണ് ജയിച്ചത്.

ഇതിനിടെ ഉത്തര്‍പ്രദേശിലെ മൊത്തം പഞ്ചായത്തുകളിലേക്ക് നടന്ന തിരഞ്ഞെടുപ്പ് ഫലത്തില്‍ മുന്നില്‍ തങ്ങളാണെന്ന് ബിജെപിയും എസ്പിയും ഒരുപോലെ അവകാശവാദം ഉന്നയിച്ചു. കഴിഞ്ഞ മാസം നടന്ന തിരഞ്ഞെടുപ്പിന്റെ വോട്ടെണ്ണല്‍ മെയ് രണ്ടു മുതലാണ് ആരംഭിച്ചത്. പലയിടത്തും ഇപ്പോഴും പുരോഗമിക്കുകയാണ്.

ഇതുവരെ 2.32 ലക്ഷം ഗ്രാമപഞ്ചായത്ത് അംഗങ്ങള്‍, 38,317 ഗ്രാമപഞ്ചായത്ത് തലവന്‍മാര്‍, 55,925 ക്ഷത്ര പഞ്ചായത്ത് അംഗങ്ങള്‍, 181 ജില്ലാ പഞ്ചായത്ത് അംഗങ്ങള്‍ എന്നിവരെ തെരഞ്ഞെടുത്തതായി തിങ്കളാഴ്ച സംസ്ഥാന തിരഞ്ഞെടുപ്പ് കമ്മീഷന്‍ അറിയിച്ചു.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


Rocketry The Nambi Effect, Sasikumar former ISRO chairman against Nambi Narayanan, Madhavan Film

2 min

ആ പാവം മാധവനെ പറ്റിച്ച് കോടിക്കണക്കിന് രൂപ ചെലവഴിപ്പിച്ചിരിക്കുകയാണ് നമ്പി നാരായണന്‍- ശശികുമാര്‍

Aug 11, 2022

Most Commented