റണ്‍വേയിലെ പക്ഷിശല്യം ഒഴിവാക്കാന്‍ മുഡ്‌ഹോള്‍ ഹൗണ്ടുകള്‍; വ്യോമസേന പരിശീലനം നൽകും


റൺവേ (പ്രതീകാത്മക) ചിത്രം | ANI

ബെംഗളൂരു: വിമാനങ്ങളുടെ സഞ്ചാരത്തിന് തടസ്സം സൃഷ്ടിച്ച് വിമാനത്താവളങ്ങളിലെ റൺവേകളിൽ അലയുന്ന പക്ഷികളുടേയും മൃഗങ്ങളുടേയും ഒഴിവാക്കാൻ രാജ്യത്ത് ആദ്യമായി പരിശീലനം നൽകിയ നായകളെ ഉപയോഗിക്കാനൊരുങ്ങുന്നു. മുഡ് ഹോൾ ഹൗണ്ട് എന്ന ഇന്ത്യൻ ഇനത്തിൽ പെട്ട നാല് നായകളെ ഇന്ത്യൻ വ്യോമസേന ഇതിനായി ഏറ്റെടുത്തു.

രണ്ട് പെൺനായ ഉൾപ്പെടെ നാല് മുഡ്ഹോൾ അഥവാ മറാത്ത ഹൗണ്ട് ഇനത്തിൽ പെട്ട നായക്കുട്ടികളെ കർണാടകയിലെ കനൈൻ റിസർച്ച് ആൻഡ് ഇൻഫർമേഷൻ സെന്ററിൽ(സിആർഐസി) നിന്ന് സംസ്ഥാന ഉപമുഖ്യമന്ത്രി ഗോവിന്ദ് എം കരാജോൾ വെള്ളിയാഴ്ച ഇന്ത്യൻ വ്യോമസേനയ്ക്ക് കൈമാറി.

ഏത് കാലവസ്ഥയോടും ഇണങ്ങുന്നതും കുറഞ്ഞ പരിശീലനം കൊണ്ടു തന്നെ മിടുക്കരാവുന്നതുമാണ് മുഡ്ഹോൾ ഹൗണ്ടുകൾ. നല്ല ആരോഗ്യവും ബുദ്ധിസാമർഥ്യവും പ്രകടിപ്പിക്കുന്ന ഈയിനത്തെ കരസേന, സിആർപിഎഫ്, ബിഎസ്എഫ്, എസ്എസ്ബി, ഐടിബിപി, പോലീസ് തുടങ്ങിയ സേനാവിഭാഗങ്ങൾ നേരത്തെ തന്നെ സേവനത്തിനായി സ്വന്തമാക്കിയിട്ടുണ്ട്.

വിശ്വസ്തതയും മികച്ച സേവനവും ഈയിനത്തെ സേനകൾക്ക് പ്രിയങ്കരമാക്കിയിട്ടുണ്ടെന്ന് സിആർഐസി മേധാവി മഹേഷ് ആകാശി വ്യക്തമാക്കി. നല്ല ഓജസ്സും കൂർമതയും ചുറുചുറുക്കുമുള്ള ഇവ നല്ല നായാട്ടുകാർ കൂടിയാണ്. ഇവയുടെ സേവനം വിലമതിക്കാനാവാത്തതാണെന്നും മഹേഷ് ആകാശി കൂട്ടിച്ചേർത്തു.

ഏഴ് നായക്കുട്ടികളെയാണ് വ്യോമസേന ആവശ്യപ്പെട്ടിരുന്നതെങ്കിലും മൂന്ന് മാസം പ്രായമുള്ള നാല് കുട്ടികളെയാണ് ആഗ്ര എയർഫോഴ്സ് സ്റ്റേഷനിലെ ഉദ്യോഗസ്ഥർക്ക് കൈമാറിയത്. ബാക്കി മൂന്നെണ്ണത്തിനെ കൂടി ആറുമാസത്തിനുള്ളിൽ നൽകും. പക്ഷികളെ ഓടിക്കാൻ മുഡ്ഹോൾ ഹൗണ്ടുകൾ മിടുക്കരാണെന്ന് വ്യോമസേന ഉദ്യോഗസ്ഥർ പറയുന്നു. റൺവേകളിൽ കൃത്യമായ ഇടവേളകളിൽ ഇവയുടെ നടപ്പ് ശീലമാക്കുന്നതോടെ പക്ഷികളുടെ ശല്യം കുറയുമെന്നാണ് നിഗമനം.

Content Highlights: IAF Inducts Mudhol Hounds to Rule Out Bird Hits on Runways

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented