ബി.ജെ.പിയോട് മൃദുസമീപനമില്ല; പക്ഷെ, യെദ്യൂരപ്പ സര്‍ക്കാരിനോടുണ്ട്- കുമാരസ്വാമി


എച്ച്.ഡി. കുമാരസ്വാമി | Photo: Pics4News

ബെംഗളൂരു: ബി.ജെ.പിയോട് തനിക്ക് മൃദുല സമീപനമില്ലെന്നും എന്നാല്‍ സംസ്ഥാന സര്‍ക്കാരിനോട് അതുണ്ടെന്നും കര്‍ണാടക മുന്‍മുഖ്യമന്ത്രിയും ജെ.ഡി.എസ്. നേതാവുമായ എച്ച്.ഡി. കുമാരസ്വാമി. ഡെക്കാന്‍ ഹെറാള്‍ഡിനു നല്‍കിയ അഭിമുഖത്തിലാണ് കുമാരസ്വാമി നിലപാട് വ്യക്തമാക്കിയത്.

എ.പി.എം.എസ്. നിയമ ഭേദഗതി, ഭൂപരിഷ്‌കരണ നിയമ ഭേദഗതി എന്നിവയ്‌ക്കെതിരെ കോണ്‍ഗ്രസ് വലിയ പ്രതിഷേധം നടത്തിയപ്പോള്‍, താങ്കള്‍ ആക്രമണോത്സുകമായ നിലപാട് സ്വീകരിച്ചില്ല. മുഖ്യമന്ത്രി ബി.എസ്. യെദ്യൂരപ്പയുമായുമായുള്ള കൂടിക്കാഴ്ചകള്‍ ബി.ജെ.പിയോട് മൃദുസമീപനം സ്വീകരിക്കുന്നെന്ന ഊഹാപോഹങ്ങള്‍ക്ക് ആക്കം കൂട്ടുന്നല്ലോ എന്ന ചോദ്യത്തിനായിരുന്നു കുമാരസ്വാമിയുടെ മറുപടി.

"ഭരിക്കുന്ന പാര്‍ട്ടിയോട് എനിക്ക് മൃദുസമീപനമല്ല ഉള്ളത്. പക്ഷെ സംസ്ഥാന സര്‍ക്കാരിനോടുണ്ട്. അതില്‍ വ്യത്യാസമുണ്ട്. തിരഞ്ഞെടുപ്പ് നടക്കാന്‍ ഇനിയും രണ്ടുവര്‍ഷത്തില്‍ അധികമുണ്ട്. അതിനു മുമ്പ് സര്‍ക്കാര്‍ വീഴുമെന്ന മിഥ്യാധാരണയൊന്നും എനിക്കില്ല. ആക്രമണോത്സുകനായിട്ട് എനിക്കൊന്നും നേടാനില്ല." സര്‍ക്കാരുമായി സഹകരിച്ച് പ്രവര്‍ത്തിക്കാനും അതിലൂടെ തങ്ങളുടെ പാര്‍ട്ടി പ്രതിനിധീകരിക്കുന്ന മണ്ഡലങ്ങളിലെ വികസനം ഉറപ്പുവരുത്താനുമാണ് ശ്രമിക്കുന്നതെന്നും കുമാരസ്വാമി പറഞ്ഞു.

എ.പി.എം.സി., ഭൂപരിഷ്‌കരണ ഭേദഗതികള്‍ക്കെതിരെ ജെ.ഡി.എസ്. സ്വീകരിച്ച നടപടികളെ കുറിച്ചും കുമാരസ്വാമി പ്രതികരിച്ചു. ഭേദഗതികള്‍ക്കെതിരെ കോണ്‍ഗ്രസ് പ്രതിഷേധിച്ചപ്പോള്‍, സിദ്ധരാമയ്യ സര്‍ക്കാരിന്റെ കാലത്ത് ഈ ഭേദഗതികള്‍ എങ്ങനെയാണ് രൂപവത്കരിച്ചതെന്ന് വ്യക്തമാക്കിക്കൊണ്ട് റവന്യൂമന്ത്രി ആര്‍. അശോക നിയമസഭയില്‍ കോണ്‍ഗ്രസിനെ തുറന്നുകാണിച്ചു. ഇത് അവരുടെ ഇരട്ട നിലപാടിനെയാണ് കാണിക്കുന്നത്. ആവശ്യമുള്ള സമയത്ത് സര്‍ക്കാരിന്റെ തീരുമാനങ്ങളിലെ പഴുതുകള്‍ ചൂണ്ടിക്കാണിക്കാറുണ്ടെന്നും കുമാരസ്വാമി പറഞ്ഞു.

Courtesy: deccanherald.com

content highlights: i am not going soft on bjp; but on government says hd kumaraswamy


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented