സമരം ചെയ്യുന്ന കര്‍ഷകനെ ബിജെപി എം.പിയുടെ വാഹനം ഇടിച്ചിട്ടു; സംഭവം ഹരിയാനയില്‍


കാര്‍ഷിക നിയമത്തിനെതിരെ ഇവിടെ ദിവസങ്ങളായി കര്‍ഷകര്‍ സമരത്തിലാണ്. പരിപാടി കഴിഞ്ഞ് മടങ്ങുന്നതിനിടെയാമ് എം.പിയുടെ വാഹനം കര്‍ഷകനെ ഇടിച്ചിട്ടത്.

സംഭവത്തിൽ പ്രതിഷേധിച്ച് കർഷകർ നടത്തിയ സമരം Photo: twitter.com|AdityaBidwai

ചണ്ഡിഗഢ്: ഉത്തര്‍പ്രദേശിന് പിന്നാലെ ഹരിയാനയിലും സമരം ചെയ്യുന്ന കര്‍ഷകര്‍ക്ക് നേരെ ബി.ജെ.പി എം.പിയുടെ വാഹനം ഇടിച്ചു കയറിയതായി ആരോപണം. സംഭവത്തില്‍ ഒരു കര്‍ഷകന് പരിക്കേറ്റു. ബി.ജെ.പി എം.പി നയബ് സൈനിയുടെ വാഹനമാണ് സമരം ചെയ്യുന്ന കര്‍ഷകനെ ഇടിച്ചത്.

പരിക്കേറ്റ കര്‍ഷകനെ ആശുപത്രിയില്‍ പ്രവേശിപ്പിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. സമരം ചെയ്യുന്ന കര്‍ഷകര്‍ക്ക് സമീപത്തുകൂടെ പോകുകയായിരുന്ന എം.പിയുടെ വാഹനം തന്നെ ഇടിച്ചിടുകയായിരുന്നെന്ന് പരിക്കേറ്റ കര്‍ഷകന്‍ പറഞ്ഞു. കുരുക്ഷേത്ര എം.പിയാണ് നയബ് സൈനി.



നയബ് സൈനിയും സംസ്ഥാന ഖനി വകുപ്പ്‌ മന്ത്രി മൂള്‍ ചന്ദ് ശര്‍മയും മറ്റ് നേതാക്കളും അംബാലയില്‍ ഒരു പരിപാടിയില്‍ പങ്കെടുക്കാന്‍ വന്നതായിരുന്നു. കാര്‍ഷിക നിയമത്തിനെതിരെ ഇവിടെ ദിവസങ്ങളായി കര്‍ഷകര്‍ സമരത്തിലാണ്. പരിപാടി കഴിഞ്ഞ് മടങ്ങുന്നതിനിടെയാണ്‌ എം.പിയുടെ വാഹനം കര്‍ഷകനെ ഇടിച്ചിട്ടത്.

നേരത്തെ ഉത്തര്‍പ്രദശിലെ ലഖിംപുരില്‍ കര്‍ഷക സമരത്തിന് നേരെ കേന്ദ്ര മന്ത്രിയുടെ മകന്റെ വാഹനം ഇടിച്ചു കയറ്റി നാല് കര്‍ഷകര്‍ കൊല്ലുപ്പെട്ടിരുന്നു. സംഭവത്തില്‍ രാജ്യവ്യാപകമായി പ്രതിഷേധം കനക്കുന്നതിനിടെയാണ് ഹരിയാനയിലും സമാനമായ സംഭവമുണ്ടായത്.

Content Highlights: Hit By BJP MP's Convoy During Protest In Haryana, Say Farmers, 1 Injured


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022

Most Commented