ബിജെപി പ്രവേശനത്തിന് മുന്നോടിയായി ഹർദിക് പട്ടേൽ വീട്ടിൽ നടത്തിയ പൂജ | Photo: ANI
ന്യൂഡല്‍ഹി: കോണ്‍ഗ്രസ് വിട്ട പട്ടേല്‍വിഭാഗം നേതാവ് ഹര്‍ദിക് പട്ടേല്‍ വ്യാഴാഴ്ച ബി.ജെ.പി.യില്‍ ചേരും. രാവിലെ 11 മണിയോടെയാണ് സംസ്ഥാന ബി.ജെ.പി. ഓഫീസില്‍ അനുയായികള്‍ക്കൊപ്പം ഹര്‍ദിക് ബി.ജെ.പി.യില്‍ ചേരുന്നത്.
ഹര്‍ദിക്കിന്റെ പാര്‍ട്ടി പ്രവേശനത്തില്‍ ബി.ജെ.പി.ക്കുള്ളില്‍ അസ്വസ്ഥത പുകയാന്‍ തുടങ്ങി. ബി.ജെ.പി.ക്കും ആര്‍.എസ്.എസിനുമെതിരേ 2015 മുതല്‍ നിശിതവിമര്‍ശനമുയര്‍ത്തിയ ഹര്‍ദിക്കിനെ പാര്‍ട്ടി അംഗമാക്കുന്നതില്‍ ബി.ജെ.പി.യുടെ ഗുജറാത്ത് ഘടകത്തിനുള്ളില്‍ ശക്തമായ വിയോജിപ്പുണ്ട്. എന്നാല്‍, കേന്ദ്ര നേതൃത്വത്തിന്റെ തീരുമാനത്തിനെതിരേ തുറന്ന എതിര്‍പ്പുയര്‍ത്താന്‍ സംസ്ഥാന നേതാക്കള്‍ തയ്യാറായിട്ടില്ല.
2015-ല്‍ സംവരണവിഷയമുയര്‍ത്തി പട്ടേല്‍ പ്രക്ഷോഭത്തിന് നേതൃത്വംനല്‍കി പൊതുരംഗത്തെത്തിയ പാട്ടിദാര്‍ സമുദായ നേതാവായ ഹര്‍ദിക് പട്ടേല്‍ 2019-ലാണ് കോണ്‍ഗ്രസില്‍ ചേര്‍ന്നത്. 2020-ല്‍ ഗുജറാത്ത് സംസ്ഥാനകമ്മിറ്റിയുടെ വര്‍ക്കിങ് പ്രസിഡന്റായി. കഴിഞ്ഞദിവസം കോണ്‍ഗ്രസ് നേതൃത്വത്തിനെതിരേ കടുത്ത വിമര്‍ശനമുന്നയിച്ച് പാര്‍ട്ടിയില്‍നിന്ന് രാജിവെച്ചു.
ദേശീയ നേതാക്കള്‍ പങ്കെടുക്കില്ലെന്ന് സൂചന
അഹമ്മദാബാദ്: വ്യാഴാഴ്ചത്തെ അംഗത്വദാന ചടങ്ങില്‍ ദേശീയ നേതാക്കളൊന്നും പങ്കെടുക്കില്ലെന്നാണ് സൂചന.
ഇഫ്കോ ചെയര്‍മാനും പട്ടേല്‍ സമുദായത്തില്‍നിന്നുള്ള മുതിര്‍ന്ന ബി.ജെ.പി. നേതാവുമായ ദിലീപ് സംഘാനി ഒരുമാസം മുന്നേ ഹര്‍ദിക്കിന്റെ പാര്‍ട്ടിപ്രവേശത്തെ എതിര്‍ത്തിരുന്നു. 2017-ലെ നിയമസഭാ തിരഞ്ഞെടുപ്പില്‍ ധരി മണ്ഡലത്തില്‍ മുന്‍ മന്ത്രികൂടിയായ സംഘാനി തോല്‍ക്കാന്‍ മുഖ്യകാരണം പട്ടേല്‍ സംവരണപ്രക്ഷോഭമാണ്.
ഇപ്പോഴത്തെ ആരോഗ്യമന്ത്രി ഋഷികേശ് പട്ടേലിന്റെ ഓഫീസും കാറും 2015-ല്‍ വിസ്നഗറില്‍ ആക്രമിച്ച കേസിലാണ് ഹര്‍ദിക്കിന് രണ്ടുവര്‍ഷം തടവുശിക്ഷ വിധിച്ചത്. രാഷ്ട്രീയപ്രവേശത്തോടെ ഹര്‍ദിക്കിന്റെ വിശ്വാസ്യത പോയെന്നും കാലുമാറ്റത്തോടെ തകര്‍ച്ച പൂര്‍ണമായെന്നും സര്‍ദാര്‍ പട്ടേല്‍ ഗ്രൂപ്പ് നേതാവും വിസ്നഗര്‍ കേസിലെ കൂട്ടുപ്രതിയുമായ ലാല്‍ജി പട്ടേല്‍ പറഞ്ഞു.
Content Highlights: hardik patel will join bjp today
Also Watch
RELATED STORIES
.jpg?$p=df273aa&f=1x1&w=100&q=0.8)
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5d7e19c&f=1x1&w=100&q=0.8)
.jpg?$p=a80322e&q=0.8&f=16x11&w=104)
.jpg?$p=1990e2a&q=0.8&f=16x11&w=104)
.jpg?$p=d711aab&q=0.8&f=16x11&w=104)
.jpg?$p=fdf1e0b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..