വാക്‌സിനെടുക്കുന്നവര്‍ക്ക് മാത്രം സൗജന്യ ഭക്ഷ്യധാന്യങ്ങൾ നല്‍കിയാല്‍ മതിയെന്ന് ഗുജറാത്ത് മന്ത്രി


പ്രതീകാത്മകചിത്രം | Photo: AFP

അഹമ്മദാബാദ്: കേന്ദ്രവിഹിതമായി ലഭിക്കുന്ന സൗജന്യഭക്ഷ്യധാന്യങ്ങള്‍ സംസ്ഥാനത്തെ ജനങ്ങളില്‍ കോവിഡ് വാക്‌സിന്‍ സ്വീകരിച്ചവര്‍ക്ക് മാത്രം അനുവദിക്കണമെന്ന് ഗുജറാത്ത് മന്ത്രി യോഗേഷ് പട്ടേല്‍. സംസ്ഥാനത്ത് വാക്‌സിന്‍ സ്വീകരിക്കുന്നവരുടെ നിരക്ക് വര്‍ധിപ്പിക്കാനുതകുന്ന പദ്ധതിയാണിതെന്നാണ് മന്ത്രിയുടെ വാദം. മുഖ്യമന്ത്രി വിജയ് രൂപാനിയും സ്വന്തം മണ്ഡലമായ വഡോദരയിലെ പുതിയ ജില്ലാ കളക്ടറുമായി ഇക്കാര്യം ചര്‍ച്ച ചെയ്യുമെന്നും പട്ടേല്‍ അറിയിച്ചു.

എന്നാല്‍ പട്ടേലിന്റെ പ്രസ്താവന അനുവദിക്കാവുന്നതല്ലെന്ന് പ്രതികരിച്ച് പ്രതിപക്ഷകക്ഷിയായ കോണ്‍ഗ്രസ് രംഗത്തെത്തി. കേന്ദ്രസര്‍ക്കാര്‍ കോവിഡ് വാക്‌സിന്‍ നിര്‍ബന്ധിതമാക്കുകയോ സാമൂഹികക്ഷേമ പദ്ധതികളില്‍ ഉള്‍പ്പെടുത്തുകയോ ചെയ്യാത്തതിനാല്‍ ഭക്ഷ്യധാന്യങ്ങള്‍ തടഞ്ഞു വെക്കുന്ന തരത്തിലുള്ള നടപടി സംസ്ഥാനസര്‍ക്കാരിന് സ്വീകരിക്കാനാവില്ലെന്ന് കോണ്‍ഗ്രസ് പ്രതിഷേധിച്ചു.

ദീപാവലി വരെ രാജ്യത്തെ ആവശ്യക്കാരായ എണ്‍പത് കോടിയോളം ജനങ്ങള്‍ക്ക് സൗജന്യ ഭക്ഷ്യധാന്യ വിതരണം നടത്തുമെന്ന് കേന്ദ്രസര്‍ക്കാര്‍ ഈ മാസം ആദ്യം പ്രഖ്യാപിച്ചിരുന്നു. കോവിഡിന്റെ രണ്ടാം തരംഗത്തെ തുടര്‍ന്ന് ജനജീവിതം കൂടുതല്‍ ദുസ്സഹമായ സാഹചര്യം കണക്കിലെടുത്താണിത്. എന്നാല്‍ ഈ സൗജന്യ ഭക്ഷ്യധാന്യ വിതരണം വാക്‌സിന്‍ സ്വീകരിച്ചവര്‍ക്ക് മാത്രമായി പരിമിതപ്പെടുത്തണമെന്നാണ് പട്ടേല്‍ ആവശ്യപ്പെടുന്നത്. ഇത് വാക്‌സിന്‍ സ്വീകരിക്കാന്‍ പ്രോത്സാഹനമാകുമെന്നാണ് പട്ടേലിന്റെ വിശദീകരണം.

പട്ടേലിന്റെ ഈ ആശയം തികഞ്ഞ 'അസംബന്ധ'മാണെന്ന് വഡോദരയില്‍ നിന്നുള്ള മുതിര്‍ന്ന കോണ്‍ഗ്രസ് നേതാവും വഡോദര മുന്‍സിപ്പല്‍ കോര്‍പറേഷന്‍ പ്രതിപക്ഷ നേതാവുമായ അമി റാവത്ത് പ്രതികരിച്ചു. പാവങ്ങള്‍ക്ക് സൗജന്യമായി ഭക്ഷ്യധാന്യം ലഭ്യമാക്കുമെന്ന് കേന്ദ്രത്തില്‍ ബിജെപി പ്രഖ്യാപിക്കുമ്പോള്‍ പ്രാദേശിക ബിജെപി നേതാക്കള്‍ പാവങ്ങള്‍ക്ക് ലഭിക്കുന്ന സൗജന്യം ഇല്ലാതാക്കാന്‍ ശ്രമിക്കുകയാണെന്നും റാവത്ത് കൂട്ടിച്ചേര്‍ത്തു.

Content Highlights: Gujarat minister suggests vaccination as precondition for free Central grains

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022

Most Commented