വരുന്നു ഇലക്ട്രിക് ഹൈവേകള്‍; വാഹനങ്ങളുടെ ചാര്‍ജിങ്ങിന് ഓവര്‍ഹെഡ് പവര്‍ലൈനുകളും


പ്രതീകാത്മകചിത്രം | Photo : PTI

ന്യൂഡല്‍ഹി: രാജ്യത്ത് ഇലക്ട്രിക് ഹൈവേകള്‍ വികസിപ്പിക്കാന്‍ സര്‍ക്കാര്‍ പദ്ധതിയിടുന്നതായി കേന്ദ്ര സര്‍ക്കാര്‍. സൗരോര്‍ജ്ജ അധിഷ്ഠിത വൈദ്യുത ദേശീയപാതകളാണ് (electric highways) വൈകാതെ സജ്ജമാകുക വലിയ വാഹനങ്ങളായ ട്രക്കുകളും ബസുകളും ഉള്‍പ്പെടെ ചാര്‍ജ് ചെയ്യാനുള്ള സൗകര്യവും ഇത്തരം ദേശീയപാതകളില്‍ ലഭ്യമാക്കും.

കേന്ദ്രമന്ത്രി നിതിന്‍ ഗഡ്കരിയാണ് തിങ്കളാഴ്ച ഇക്കാര്യം അറിയിച്ചത്. ഇന്തോ-അമേരിക്കന്‍ ചേമ്പര്‍ ഓഫ് കൊമേഴ്‌സ് സംഘടിപ്പിച്ച പരിപാടിയില്‍ പങ്കെടുത്ത് സംസാരിക്കുകയായിരുന്നു ഗഡ്കരി. രാജ്യത്തിന്റെ പൊതുഗതാഗതസംവിധാനം പൂര്‍ണമായും വൈദ്യുതിയിലേക്ക് മാറണമെന്നാണ്‌ സര്‍ക്കാര്‍ ആഗ്രഹിക്കുന്നതെന്ന് അദ്ദേഹം ആവര്‍ത്തിച്ചു വ്യക്തമാക്കി.

ഗതാഗതമേഖലയില്‍ സൂര്യപ്രകാശത്തില്‍ നിന്നും കാറ്റില്‍ നിന്നും ഉത്പാദിപ്പിക്കുന്ന വൈദ്യുതി ഉപയോഗപ്പെടുത്തുന്നതിനെ സര്‍ക്കാര്‍ പരമാവധി പ്രോത്സാഹിപ്പിക്കുന്നതായി ഗഡ്കരി പറഞ്ഞു. വൈദ്യുത ദേശീയപാതകള്‍ വികസിപ്പിക്കാനുള്ള പദ്ധതികള്‍ പരിഗണനയിലാണെന്നും അദ്ദേഹം കൂട്ടിച്ചേര്‍ത്തു. സൗരോജ്ജത്താല്‍ പ്രവര്‍ത്തിക്കുന്ന ടോള്‍പ്ലാസകളും സര്‍ക്കാര്‍ പ്രോത്സാഹിപ്പിക്കുന്നതായി ഗഡ്കരി പറഞ്ഞു.

കടന്നുപോകുന്ന വാഹനങ്ങള്‍ക്ക് സഞ്ചരിക്കാനാവശ്യമായ ഊര്‍ജ്ജം വിതരണം ചെയ്യാന്‍ പര്യാപ്തമായ ദേശീയപാതകളാണ് വൈദ്യുത ദേശീയപാതകള്‍. വാഹനങ്ങള്‍ക്ക് മുകളിലൂടെ സജ്ജീകരിക്കുന്ന പവര്‍ലൈനുകളിലൂടെ ഉള്‍പ്പെടെയുള്ള ചാര്‍ജിങ് സംവിധാനങ്ങള്‍ ഇലക്ട്രിക് ഹൈവേകളില്‍ ഉണ്ടായിരിക്കും. ഇലക്ട്രിക് ഹൈവേകളില്‍ വാഹനങ്ങള്‍ക്ക് ഓട്ടത്തിനിടയില്‍ തന്നെ ചാര്‍ജ് ചെയ്യാന്‍ സാധിക്കുന്ന തരത്തിലാണ് പദ്ധതി വിഭാവനം ചെയ്യുന്നത്‌.

പിഎം ഗതി ശക്തി മാസ്റ്റര്‍ പ്ലാന്‍ നടപ്പാക്കുന്നതോടെ റോഡ് നിര്‍മാണ പദ്ധതികള്‍ പതിന്മടങ്ങ് വേഗത്തില്‍ പൂര്‍ത്തിയാകുമെന്നും അതിലൂടെ നിര്‍മാണചെലവ് കുറയ്ക്കാനാവുമെന്നും ഗഡ്കരി പറഞ്ഞു. 26 ഗ്രീന്‍ഫീല്‍ഡ് അതിവേഗപാതകള്‍ ഉടനെ പൂര്‍ത്തിയാകുമെന്നും അദ്ദേഹം അറിയിച്ചു.

Content Highlights: Govt Working, Developing, Electric Highways, Solar Energy, Nitin Gadkari


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


vadakkenchery accident

1 min

ഉറങ്ങിപ്പോയിട്ടില്ല, അപകടകാരണം KSRTC ബസ് പെട്ടെന്ന് ബ്രേക്കിട്ടതിനാലെന്ന് അറസ്റ്റിലായ ഡ്രൈവര്‍

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented