സര്‍ക്കാര്‍ അഭിഭാഷകരുടെ കാലാവധി ഒരു മാസം നീട്ടും; 3 മാസം നീട്ടണമെന്ന ആവശ്യം തള്ളി


ബി.ബാലഗോപാല്‍/മാതൃഭൂമി ന്യൂസ്

കേരള ഹൈക്കോടതി | Photo: Mathrubhumi

ന്യൂഡല്‍ഹി: കേരള ഹൈക്കോടതിയിലെ സ്പെഷ്യല്‍ ഗവണ്‍മെന്റ് പ്ലീഡര്‍മാര്‍ ഉള്‍പ്പടെ 112 സര്‍ക്കാര്‍ അഭിഭാഷകരുടെ കാലാവധി ഒരു മാസം കൂടി നീട്ടി നല്‍കും. മൂന്നുമാസം കാലാവധി നീട്ടണം എന്ന അഡ്വക്കേറ്റ് ജനറല്‍ ഗോപാലകൃഷ്ണക്കുറുപ്പിന്റെ ആവശ്യം മുഖ്യമന്ത്രി തള്ളി. ഒരു മാസത്തേക്ക് മാത്രം കാലാവധി നീട്ടിയാല്‍ മതിയെന്ന് മുഖ്യമന്ത്രി ഫയലില്‍ രേഖപ്പെടുത്തി. തീരുമാനം ജൂണ്‍ 30-ന് ചേരുന്ന മന്ത്രിസഭാ യോഗത്തില്‍ ഉണ്ടാകും.

കേരള ഹൈക്കോടതിയിലെ 16 സ്പെഷ്യല്‍ ഗവണ്‍മെന്റ് പ്ലീഡര്‍മാര്‍, 43 സീനിയര്‍ ഗവണ്‍മെന്റ് പ്ലീഡര്‍മാര്‍, 51 ഗവണ്‍മെന്റ് പ്ലീഡര്‍മാര്‍ എന്നിവരുടെ കാലാവധി മൂന്ന് മാസത്തേക്ക് നീട്ടണം എന്നാവശ്യപ്പെട്ട് നിയമ സെക്രട്ടറി വി. ഹരി നായര്‍ക്ക് അഡ്വക്കേറ്റ് ജനറല്‍ കത്ത് നല്‍കിയിരുന്നു. കേരള അഡ്മിനിസ്ട്രേറ്റീവ് ട്രിബ്യുണലിലെ രണ്ട് ഗവണ്‍മെന്റ് പ്ലീഡര്‍മാരുടെ കാലാവധിയും മൂന്ന് മാസത്തേക്ക് നീട്ടണം എന്നും കത്തില്‍ അഡ്വക്കേറ്റ് ജനറല്‍ ആവശ്യപ്പെട്ടിരുന്നു.

ഈ 112 സര്‍ക്കാര്‍ അഭിഭാഷകരുടെ കാലാവധി ഈ മാസം മുപ്പതാം തീയ്യതി അവസാനിക്കാനിരിക്കെയാണ് അഡ്വക്കേറ്റ് ജനറല്‍ കത്ത് നല്‍കിയത്. മുഖ്യമന്ത്രിയുടെ തീരുമാനത്തോടെ ജൂലൈ 31 വരെ ഈ അഭിഭാഷകര്‍ക്ക് കാലാവധി നീട്ടി ലഭിക്കും. പുതിയ സര്‍ക്കാര്‍ അഭിഭാഷകരെ കണ്ടെത്തുന്നതിനുള്ള നടപടികളും പുരോഗമിക്കുകയാണ്. പുതുതായി നിയമിക്കേണ്ടവരുടെ പട്ടിക ഉടന്‍ കൈമാറാന്‍ അഡ്വക്കേറ്റ് ജനറലിനോട് സര്‍ക്കാര്‍ ആവശ്യപ്പെട്ടതായയാണ് സൂചന.

നിലവിലുളള സര്‍ക്കാര്‍ അഭിഭാഷകരില്‍ മൂന്നില്‍ രണ്ട് പേര്‍ക്കെങ്കിലും പുറത്തുപോകേണ്ടി വന്നേക്കാം. ഒഴിവാക്കേണ്ടവരെ കണ്ടെത്തുന്നതിനുള്ള മാര്‍ഗരേഖ തയ്യാറായതായി സര്‍ക്കാര്‍ വൃത്തങ്ങള്‍ മാതൃഭൂമി ന്യൂസിനോട് പറഞ്ഞു.

Content Highlights:Government Pleaders term will be extended to one month


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022

Most Commented