കമ്പ്യൂട്ടറും ട്വിറ്ററും കൊണ്ടല്ല, ഞങ്ങളുടെ രക്തംകൊണ്ടാണ് കോണ്‍ഗ്രസിനെ നിര്‍മിച്ചത്- ഗുലാം നബി ആസാദ്


ജമ്മു വിമാനത്താവളത്തിന് പുറത്ത് അണികൾ ഗുലാം നബി ആസാദിനെ സ്വീകരിച്ചപ്പോൾ |ഫോട്ടോ:ANI

ശ്രീനഗര്‍: പുതിയ രാഷ്ട്രീയ അധ്യായത്തിന് തുടക്കമിട്ടുകൊണ്ട് ജമ്മു കശ്മീരില്‍ ഗുലാം നബി ആസാദിന്റെ മെഗാ റാലി. നാല് പതിറ്റാണ്ട് നീണ്ട കോണ്‍ഗ്രസ് ബന്ധം കഴിഞ്ഞ ആഴ്ചയാണ് ഗുലാം നബി ഉപേക്ഷിച്ചത്. പുതിയ പാര്‍ട്ടിയുടെ പേരും കൊടിയും ജനങ്ങള്‍ തീരുമാനിക്കുമെന്ന് ജമ്മുവിലെ സൈനിക ഗ്രൗണ്ടില്‍ ഒരുമിച്ചുകൂടിയ തന്റെ അനുയായികളെ അഭിസംബോധന ചെയ്തുകൊണ്ട് ആസാദ് പറഞ്ഞു. തന്റെ പുതിയ പാര്‍ട്ടി ആദ്യം ജമ്മു കശ്മീര്‍ കേന്ദ്രീകരിച്ചാകും പ്രവര്‍ത്തിക്കുകയെന്ന് ആസാദ് നേരത്തെ പറഞ്ഞിരുന്നു.

കോണ്‍ഗ്രസ് നേതൃത്വത്തിനെതിരായ വിമര്‍ശനം ഗുലാം നബി ഇന്നും ആവര്‍ത്തിച്ചു. 'കോണ്‍ഗ്രസ് നിര്‍മിച്ചത് ഞാനടക്കമുള്ളവരുടെ രക്തം കൊണ്ടാണ്. അല്ലാതെ കമ്പ്യൂട്ടറും ട്വിറ്റും ഉപയോഗിച്ചല്ല. അവര്‍ ഞങ്ങളെ അപകീര്‍ത്തിപ്പെടുത്താന്‍ ശ്രമിക്കുകയാണ്. കമ്പ്യൂട്ടറിലും ട്വിറ്ററിലും ഒതുങ്ങി കൂടിയത് കൊണ്ടാണ് കോണ്‍ഗ്രസിനെ മൈതാനങ്ങളില്‍ കാണാതാകുന്നത്' ഗുലാം നബി പറഞ്ഞു.

പാര്‍ട്ടിയുടെ പേര് ഞാന്‍ തീരുമാനിച്ചിട്ടില്ല. ജമ്മു കശ്മീരിലെ ജനങ്ങള്‍ പാര്‍ട്ടിയുടെ പേരും പതാകയും തീരുമാനിക്കും. എല്ലാവര്‍ക്കും മനസ്സിലാകുന്ന ഒരു ഹിന്ദുസ്ഥാനി പേര് ഞാന്‍ എന്റെ പാര്‍ട്ടിക്ക് നല്‍കും. സമ്പൂര്‍ണ സംസ്ഥാന പദവി, ഭൂമിയുടെ അവകാശം, സ്വദേശി താമസത്തിനുള്ള തൊഴില്‍ എന്നിവ പുനഃസ്ഥാപിക്കുന്നതില്‍ തന്റെ പാര്‍ട്ടി ശ്രദ്ധ കേന്ദ്രീകരിക്കുമെന്നും അദ്ദേഹം കൂട്ടിച്ചേര്‍ത്തു.

കോണ്‍ഗ്രസ് വിട്ടശേഷം ആദ്യമായാണ് ഞായറാഴ്ച രാവിലെ ആസാദ് ജമ്മുവിലെത്തുന്നത്. ജമ്മു കശ്മീര്‍ തിരഞ്ഞെടുപ്പിന് ശേഷമാകും ദേശീയ രാഷ്ട്രീയത്തിലേക്കുള്ള ശ്രദ്ധയെന്ന് അദ്ദേഹം മാധ്യമങ്ങളോട് പറഞ്ഞു.

Content Highlights: Gave my blood to Congress-Ghulam Nabi Azad as he holds mega rally in Jammu


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022


BUS

1 min

ടൂറിസ്റ്റ് ബസ് എത്തിയത് വേളാങ്കണ്ണി യാത്രയ്ക്കുശേഷം; ഡ്രൈവര്‍ ക്ഷീണിതനായിരുന്നുവെന്ന് രക്ഷിതാക്കള്‍

Oct 6, 2022

Most Commented