.jpg?$p=82d833c&f=16x10&w=856&q=0.8)
Photo: ANI
നാസിക്: മഹാരാഷ്ട്രയിലെ നാസിക്കിലുള്ള കെമിക്കല്‍ ഫാക്ടറിയില്‍ ഞായറാഴ്ചയുണ്ടായ വന്‍ തീപ്പിടിത്തത്തില്‍ ഒരാള്‍ മരിച്ചു. ഒരു സ്ത്രീയാണ് മരണപ്പെട്ടത്. 14 പേര്‍ക്ക് പരിക്കുണ്ട്. പരിക്കേറ്റ 14 പേരെ അടുത്തുള്ള ആശുപത്രികളിലെത്തിച്ചു. ഇതില്‍ നാല് പേരുടെ നില ഗുരുതരമാണ്.
ഞായറാഴ്ച രാവിലെ 11 മണിയോടെയാണ് നാസിക് ജില്ലയിലെ ഗാട്പുരിയിലുള്ള മുണ്ടേഗാവ് ഗ്രാമത്തില്‍ സ്ഥിതിചെയ്യുന്ന ഫാക്ടറിയില്‍ തീപ്പിടിത്തമുണ്ടായത്. ഫാക്ടറിയിലെ ബോയിലര്‍ പൊട്ടിത്തെറിച്ചതിന് പിന്നാലെയാണ് തീപ്പിടിത്തമുണ്ടായത്.
അഗ്നിരക്ഷാ സേനയും ദുരന്തനിവാരണ സേനയും സ്ഥലത്തെത്തിയിരുന്നു. അപകടത്തിന്റെ യഥാര്‍ത്ഥ കാരണം ഇനിയും കണ്ടെത്തിയിട്ടില്ല. ഫാക്ടറിയില്‍ നിന്ന് അതിശക്തമായ പൊട്ടിത്തെറിയാണുണ്ടായത് അടുത്തുള്ള ഗ്രാമങ്ങളില്‍ വരെ ഇതിന്റെ ശബ്ദം കേട്ടിരുന്നു.
സാധാരണ ഫാക്ടറിയില്‍ 25 ഓളം പേര്‍ ജോലിക്കെത്താറുണ്ട്. പുതുവര്‍ഷ ദിനവും ഞായറാഴ്ചയുമായതിനാല്‍ ജീവനക്കാരില്‍ മിക്കവരും ഉണ്ടായിരുന്നില്ല. മാത്രവുമല്ല ഓട്ടോമാറ്റിക് യന്ത്രങ്ങളുള്ള ഫാക്ടറിയായതിനാല്‍ ഇവിടെ അധികം ജീവനക്കാരുണ്ടാവാറില്ല.
Content Highlights: Fire breaks out in a factory in Nashik
RELATED STORIES
.jpg?$p=79c0b37&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=50d4e95&f=1x1&w=100&q=0.8)
.jpg?$p=79c0b37&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
%20(1).jpg?$p=a29f0c8&q=0.8&f=16x11&w=104)
.jpg?$p=79c0b37&q=0.8&f=16x11&w=104)
_(1).jpg?$p=0ef4838&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..