കാര്‍ഷിക നിയമങ്ങള്‍ സുപ്രധാന ചുവടുവെപ്പ്; ദോഷകരമായി ബാധിക്കുന്നവരെ സംരക്ഷിക്കണം- ഐഎംഎഫ്


പ്രതീകാത്മക ചിത്രം | Photo: ANI

ന്യൂഡല്‍ഹി: ഇന്ത്യയുടെ പുതിയ കാര്‍ഷിക നിയമങ്ങള്‍, കാര്‍ഷിക മേഖലയിലെ നവീകരണത്തിന്റെ സുപ്രധാന ചുവടുവെപ്പിനെ പ്രതിനിധീകരിക്കുന്നവയാണെന്ന് അന്താരാഷ്ട്ര നാണയനിധി (ഐ.എം.എഫ്.). എന്നാല്‍, പുതിയ സംവിധാനത്തിലേയ്ക്കുള്ള മാറ്റം ഏറ്റവും ദോഷകരമായി ബാധിക്കുന്നവരെ സംരക്ഷിക്കണമെന്നും അന്താരാഷ്ട്ര നാണയനിധി അഭിപ്രായപ്പെട്ടു.

കാര്‍ഷിക നിയമങ്ങള്‍ക്ക് ഇന്ത്യയിലെ കാര്‍ഷിക മേഖലയുടെ നവീകരണത്തില്‍ സുപ്രധാനമായ ഒരു ചുവടുവെപ്പിനെ പ്രതിനിധീകരിക്കാന്‍ കഴിയുമെന്നാണ് കരുതുന്നതെന്ന് ഐ.എം.എഫ്. കമ്മ്യൂണിക്കേഷന്‍ ഡയറക്ടര്‍ ജെറി റൈസിനെ ഉദ്ധരിച്ച് വാര്‍ത്താ എജന്‍സിയായ പിടിഐ റിപ്പോര്‍ട്ട് ചെയ്തു. ഇതുമൂലം കര്‍ഷകര്‍ക്ക് വില്‍പ്പനക്കാരുമായി നേരിട്ട് കരാറിലേര്‍പ്പെടാം, ഇടനിലക്കാരെ ഒഴിവാക്കി കൂടുതല്‍ വരുമാനം നേടാം. ഇത് കാര്യക്ഷമത വര്‍ധിപ്പിക്കുകയും ഗ്രാമീണ മേഖലയുടെ വളര്‍ച്ചയെ സഹായിക്കുകയും ചെയ്യുന്നുവെന്ന് റൈസ് കൂട്ടിച്ചേര്‍ത്തു.



എന്നാല്‍, പുതിയ സംവിധാനത്തിലേക്ക് മാറുമ്പോള്‍ അത് ഏറ്റവും മോശമായി ബാധിക്കുന്നവരെ സംരക്ഷിക്കുക എന്നത് പ്രധാനമാണെന്നും ഐ.എം.എഫ്. വക്താവ് പറഞ്ഞു. പരിഷ്‌കാരങ്ങള്‍ ബാധിക്കുന്നവര്‍ക്ക് തൊഴില്‍ ഉറപ്പാക്കണമെന്നും അദ്ദേഹം കൂട്ടിച്ചേര്‍ത്തു. കാര്‍ഷിക നിയമങ്ങള്‍ക്കെതിരായ പ്രതിഷേധം 50 ദിവസം പിന്നിടുന്ന സാഹചര്യത്തിലാണ് ഐ.എം.എഫ്. ഇക്കാര്യത്തില്‍ പ്രതികരിക്കുന്നത്.

Content Highlights: Farm Laws Potentially Significant, Those Affected Must Be Protected: IMF


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022

Most Commented