അലഹാബാദ്: താന്‍ പോലീസ് കസ്റ്റഡിയിലാണെന്ന് മുന്‍ ഐഎഎസ് ഉദ്യോഗസ്ഥന്‍ കണ്ണന്‍ ഗോപിനാഥന്റെ ട്വീറ്റ്. ദേശീയ പൗരത്വ നിയമ ഭേദഗതിയുമായി ബന്ധപ്പെട്ട ഒരു പരിപാടിയില്‍ പങ്കെടുക്കാനായി എത്തിയ അദ്ദേഹത്തെ ഉത്തര്‍പ്രദേശിലെ അലഹാബാദ് വിമാനത്താവളത്തില്‍ വെച്ച് കസ്റ്റഡിയിലെടുത്തതായാണ് സൂചന.
കസ്റ്റഡിലെടുത്തതായുള്ള വിവരം കണ്ണന്‍ ഗോപിനാഥന് അദ്ദേഹത്തിന്റെ ട്വിറ്റര്‍ അക്കൗണ്ട് വഴി പുറത്തുവിടുകയായിരുന്നു.
അലഹാബാദ് എയര്‍പോര്‍ട്ടിന് പുറത്ത് കടക്കാന്‍ അനുവദിക്കുന്നില്ലെന്നും ഡല്‍ഹിയിലേക്ക് വിമാനം കയറാന്‍ പ്രേരിപ്പിക്കുന്നതായുമുള്ള കണ്ണന്‍ ഗോപിനാഥന്റെ ട്വീറ്റ് പിന്നാലെയെത്തി. എപ്പോള്‍ വേണമെങ്കിലും തിരികെ ഡല്‍ഹിയിലേക്ക് സൗജന്യ യാത്ര ഉത്തര്‍പ്രദേശ് സര്‍ക്കാര്‍ വാഗ്ദാനം ചെയ്യുന്നതായും കണ്ണന്‍ ഗോപിനാഥന് ട്വീറ്റിലൂടെ വ്യക്തമാക്കി.
യോഗി സര്‍ക്കാര്‍ സ്വന്തന്ത്ര്യമായ അഭിപ്രായപ്രകടനങ്ങളെ ഭയക്കുകയാണെന്നും യോഗി ആതിദ്യനാഥിനെ ടാഗ് ചെയ്തുകൊണ്ട് കണ്ണന്‍ ഗോപിനാഥന് കുറിച്ചു. താന്‍വീണ്ടും വരുമെന്നും ഉത്തര്‍പ്രദേശ് പോലീസിനോടായി കണ്ണന്‍ ഗോപിനാഥന് പറഞ്ഞു
രണ്ടാഴ്ചയ്ക്കിടെ ഇത് രണ്ടാം തവണയാണ് കണ്ണന്‍ ഗോപിനാഥനെ ഉത്തര്‍പ്രദേശ് സര്‍ക്കാര്‍ കസ്റ്റഡിയിലെടുക്കുന്നത്. പൗരത്വ നിയമ ഭേദഗതിയുമായി ബന്ധപ്പെട്ട സംഭവങ്ങളില്‍ രണ്ട് മാസത്തിനിടെ ഇത് മൂന്നാം തവണയാണ് കണ്ണന്‍ ഗോപിനാഥന് പോലീസ് കസ്റ്റഡിയിലാകുന്നത്.
ശനിയാഴ്ച അലഹാബാദിലെ സര്‍ദാര്‍ വല്ലഭായി പാട്ടേല്‍ സന്‍സ്ഥാനില്‍ ഉച്ചയ്ക്ക് രണ്ട് മണിക്ക് ദേശീയ പൗരത്വനിയമഭേദഗതിയുമായി ബന്ധപ്പെട്ടുള്ള ചര്‍ച്ചയില്‍ പങ്കെടുക്കുമെന്ന് കണ്ണന്‍ ഗോപിനാഥന് നേരത്തെ ട്വീറ്റ് ചെയ്തിരുന്നു.
എന്നാല്‍ ശനിയാഴ്ച ഉച്ചയ്ക്ക് 2 മണിക്ക് താന്‍ അലഹാബാദ് വിമാനത്താവളത്തിലാണെന്ന കണ്ണന്‍ ഗോപിനാഥന്റെ ട്വീറ്റ് വന്നു. തൊട്ടുപിന്നാലെ താന്‍ കസ്റ്റഡിയിലാണെന്നും അദ്ദേഹം ട്വീറ്റ് ചെയ്തു. കസ്റ്റഡിയിലാണെന്ന വിവരവും അദ്ദേഹം ട്വിറ്റര്‍ വഴി പുറത്തുവിടുകയായിരുന്നു
Ex-IAS officer Kannan Gopinathan again detained in Allahabad
