മുന്‍ ചീഫ് ജസ്റ്റീസ് രഞ്ജന്‍ ഗൊഗോയ് അസമിൽ ബിജെപിയുടെ മുഖ്യമന്ത്രി സ്ഥാനാര്‍ഥിയായേക്കാം-തരുണ്‍ ഗോഗോയ്


മുന്‍ ചീഫ് ജസ്റ്റിസിന് രാജ്യസഭയിലേക്ക് പോകാനാകുമെങ്കില്‍ അദ്ദേഹം ബിജെപിയുടെ മുഖ്യമന്ത്രി സ്ഥാനാര്‍ഥിയാവാനും തയ്യാറാകുമെന്നും തരുണ്‍ ഗൊഗോയ് പരിഹസിച്ചു.

ജസ്റ്റീസ് രഞ്ജൻ ഗൊഗോയ്. PTI

ദിസ്പുർ: അടുത്ത വര്‍ഷം നടക്കാനിരിക്കുന്ന അസം തിരഞ്ഞെടുപ്പില്‍ ബിജെപിയുടെ മുഖ്യമന്ത്രി സ്ഥാനാര്‍ഥി മുന്‍ സുപ്രീം കോടതി ചീഫ് ജസ്റ്റിസ് രഞ്ജന്‍ ഗൊഗോയ് ആയേക്കുമെന്ന് അസം മുന്‍ മുഖ്യമന്ത്രി തരുണ്‍ ഗൊഗോയ്. ശനിയാഴ്ചയാണ് കോണ്‍ഗ്രസ്സ് നേതാവ് തരുണ്‍ ഗൊഗോയ് ഇത്തരത്തിലുള്ള പ്രസ്താവനയുമായി രംഗത്തു വന്നിരിക്കുന്നത്.

"മുഖ്യമന്ത്രി സ്ഥാനത്തേക്കുള്ള ബിജെപിയുടെ സ്ഥാനാര്‍ഥി പട്ടികയില്‍ രഞ്ജന്‍ ഗൊഗോയുടെ പേരുണ്ടെന്നാണ് എനിക്ക് ചില കേന്ദ്രങ്ങളില്‍ നിന്ന് അറിയാന്‍ കഴിഞ്ഞത്. അസം മുഖ്യമന്ത്രി സ്ഥാനാര്‍ഥിയായി അദ്ദേഹത്തെയാണ് ബിജെപി മുന്‍നിര്‍ത്താനൊരുങ്ങുന്നതെന്ന് ഞാന്‍ സംശയിക്കുന്നു", തരുണ്‍ ഗൊഗോയ് മാധ്യമങ്ങളോട് പറഞ്ഞു.



മുന്‍ ചീഫ് ജസ്റ്റിസിന് രാജ്യസഭയിലേക്ക് പോകാനാകുമെങ്കില്‍ അദ്ദേഹം ബിജെപിയുടെ മുഖ്യമന്ത്രി സ്ഥാനാര്‍ഥിയാവാനും തയ്യാറാകുമെന്നും തരുണ്‍ ഗൊഗോയ് പരിഹസിച്ചു.

"എല്ലാം രാഷ്ട്രീയമാണ്. അയോധ്യ രാം മന്ദിര്‍ കേസിലെ ഗൊഗോയുടെ വിധി പ്രഖ്യാപനത്തില്‍ ബിജെപി സന്തുഷ്ടരായിരുന്നു. അങ്ങനെ പടിപടിയായി പതിയെ രാജ്യസഭാ സ്ഥാനാര്‍ഥിത്വവും സ്വീകരിച്ച് അദ്ദേഹം രാഷ്ട്രീയത്തിലേക്ക് രംഗപ്രവേശനം ചെയ്യുകയായിരുന്നു. എന്ത്‌കൊണ്ടാണ് അദ്ദേഹം രാജ്യസഭാ സ്ഥാനാര്‍ഥിത്വം നിഷേധിക്കാതിരുന്നത്. മനുഷ്യാവകാശ സംഘടനയുടെ ചെയര്‍മാനാവാന്‍ അദ്ദേഹത്തിന് എളുപ്പം കഴിയുമായിരുന്നല്ലോ. അദ്ദേഹത്തിന് രാഷ്ട്രീയ മോഹങ്ങളുണ്ടായിരുന്നു. അതുകൊണ്ടാണ് അദ്ദേഹം നാമനിര്‍ദേശം സ്വീകരിച്ചത്", തരുണ്‍ ഗൊഗോയ് ആരോപിച്ചു.

content highlights: Ex Chief justice Ranjan Gogoi may be BJP’s Assam CM candidate, says Tarun Gogoi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022

Most Commented