പ്രധാനമന്ത്രി മോദി
ന്യൂഡൽഹി:ബി.ജെ.പി. ഭരിക്കുന്ന സംസ്ഥാനങ്ങളിൽ ഭരണവിരുദ്ധവികാരമുയരുന്നുണ്ടെങ്കിൽ മറികടക്കാൻ അടിയന്തരനടപടി സ്വീകരിക്കണമെന്ന് മുഖ്യമന്ത്രിമാരോട് പ്രധാനമന്ത്രി നരേന്ദ്രമോദി.
2004-ൽ ‘ഇന്ത്യ തിളങ്ങുന്നു’ എന്ന പ്രചാരണവുമായി തിരഞ്ഞെടുപ്പിനെ നേരിട്ടതിനുശേഷമുണ്ടായ തിരിച്ചടി ആവർത്തിക്കപ്പെടരുത്. താഴെത്തട്ടിലെ ജനങ്ങളുമായി പ്രവർത്തകരും നേതാക്കളും അടുത്ത ബന്ധം പുലർത്തണമെന്നും മോദി നിർദേശിച്ചു.
കഴിഞ്ഞദിവസം ഡൽഹിയിൽ ലോക്‌സഭാതിരഞ്ഞെടുപ്പിനുള്ള ഒരുക്കങ്ങൾ ചർച്ചചെയ്യാൻചേർന്ന ബി.ജെ.പി. ഉന്നതതല യോഗത്തിലാണ് നിർദേശങ്ങൾ നൽകിയത്.
പ്രവർത്തകരും നേതാക്കളും താഴെത്തട്ടിലെ യാഥാർഥ്യങ്ങൾ ഉൾക്കൊള്ളണം. ബി.ജെ.പി. ഭരിക്കുന്ന സംസ്ഥാനങ്ങളിൽ സർക്കാർവിരുദ്ധവികാരമുണ്ടെങ്കിൽ അത് അനുകൂലവികാരമാക്കി മാറ്റണം. പ്രവർത്തകർക്കും നേതാക്കൾക്കും അമിതമായ ആത്മവിശ്വാസമുണ്ടാകരുതെന്ന് പ്രധാനമന്ത്രി പറഞ്ഞു.
2004-ലെ പ്രചാരണം തിരിച്ചടിയുണ്ടാക്കിയ കാര്യം ഉദാഹരണമായി മോദി ചൂണ്ടിക്കാട്ടി. പ്രചാരണവും താഴെത്തട്ടിലെ യാഥാർഥ്യങ്ങളും തമ്മിൽ പൊരുത്തപ്പെടാതെപോയതോടെയാണ് എൻ.ഡി.എ.ക്ക് അന്ന് ഭരണത്തുടർച്ച ലഭിക്കാതെപോയത്. ഇത് ആവർത്തിക്കരുത്.
ബി.ജെ.പി. ഭരിക്കുന്ന സംസ്ഥാനങ്ങളിൽ നേതൃഘടനയിൽ സംഘടനാപരമായ ഇടപെടലുകളും അഴിച്ചുപണികളും ആവശ്യമുണ്ടെങ്കിൽ നടപ്പാക്കണം. യോഗത്തിൽ ബി.ജെ.പി. ദേശീയാധ്യക്ഷൻ ജെ.പി. നഡ്ഡ, കേന്ദ്രമന്ത്രിമാരായ രാജ്നാഥ് സിങ്, അമിത് ഷാ തുടങ്ങിയവർ പങ്കെടുത്തു.
Content Highlights: Don't be overconfident in the election; Don't repeat 2004 experience - pm modi
Also Watch
RELATED STORIES
.jpg?$p=e03567c&f=1x1&w=100&q=0.8)
.jpg?$p=fc20cf2&f=1x1&w=100&q=0.8)
IN CASE YOU MISSED IT
.jpg?$p=48405e6&f=1x1&w=100&q=0.8)
.jpg?$p=09765ef&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..