അംഗണവാടി ജീവനക്കാര്‍ക്ക് സൂപ്പര്‍വൈസറാകാന്‍ 10 വര്‍ഷം പ്രവൃത്തിപരിചയം വേണോ?- സുപ്രീം കോടതി


ബി. ബാലഗോപാല്‍/മാതൃഭൂമി ന്യൂസ്

സുപ്രീം കോടതി | ഫോട്ടോ:സാബു സ്‌കറിയ മാതൃഭൂമി

ന്യൂഡല്‍ഹി: അംഗണവാടികളിലെ ജീവനക്കാരില്‍ സൂപ്രവൈസര്‍മാരായി സ്ഥാനക്കയറ്റം ലഭിക്കാന്‍ പത്ത് വര്‍ഷത്തെ പ്രവൃത്തിപരിചയം അനിവാര്യമാണോ എന്ന് വ്യക്തമാക്കാന്‍ സംസ്ഥാന സര്‍ക്കാരിനോട് സുപ്രീം കോടതി നിര്‍ദേശിച്ചു. ജസ്റ്റിസ് അജയ് രസ്‌തോഗിയുടെ അധ്യക്ഷതയിലുള്ള ബെഞ്ചാണ് സംസ്ഥാന സര്‍ക്കാരിനോട് നിലപാട് ആരാഞ്ഞത്.

സൂപ്പര്‍വൈസര്‍ തസ്തികയിലെ നാല്പത് ശതമാനം അംഗണവാടി ജീവനക്കാരില്‍ നിന്നാണ് തിരഞ്ഞെടുക്കുന്നത്. പത്താം ക്ളാസ് പാസ്സായവർക്കും പത്ത് വര്‍ഷം അംഗണവാടികളില്‍ ജോലിചെയ്തിട്ടുളളവര്‍ക്കുമാണ് ഇതില്‍ 29 ശതമാനം സീറ്റുകള്‍ നീക്കിവെച്ചിരിക്കുന്നത്. ബാക്കിയുള്ള പതിനൊന്ന് ശതമാനം സീറ്റുകളില്‍ ബിരുദധാരികളെ നിയമിക്കാം എന്നാണ് വ്യവസ്ഥ. ഈ പതിനൊന്ന് ശതമാനം സീറ്റുകളില്‍ പ്രവേശനം ലഭിക്കാന്‍ അംഗണവാടികളില്‍ പത്ത് വര്‍ഷത്തെ പ്രവൃത്തിപരിചയം നിര്‍ബ്ബന്ധമാണോ എന്ന കാര്യത്തിലാണ് സുപ്രീം കോടതി വ്യക്തത തേടിയത്.

സൂപ്പര്‍വൈസര്‍ തസ്തികയിലേക്ക് നേരിട്ട് പ്രവേശനം ലഭിക്കുന്നവര്‍ക്ക് ബിരുദം മാത്രമാണ് സര്‍ക്കാര്‍ നിശ്ചയിച്ചിരിക്കുന്ന യോഗ്യതയെന്ന് ഹര്‍ജിക്കാര്‍ക്കുവേണ്ടി ഹാജരായ ശ്രീറാം പറക്കാട്ടില്‍ വാദിച്ചു. 2013 ലെ ഭേദഗതിക്ക് ശേഷം അംഗണവാടി ജീവനക്കാരില്‍ നിന്ന് സൂപ്പര്‍വൈസര്‍ തസ്തികയിലേക്ക് നിയമിക്കുന്നവര്‍ക്ക് പ്രവൃത്തിപരിചയം അനിവാര്യമല്ലെന്നും അദ്ദേഹം വാദിച്ചു. എന്നാല്‍ അംഗണവാടി ജീവനക്കാര്‍ക്കായി മാറ്റിവച്ചിരിക്കുന്ന 40 ശതമാനം സീറ്റുകളില്‍ എല്ലാവര്‍ക്കും പത്ത് വര്‍ഷത്തെ പ്രവൃത്തി പരിചയം അനിവാര്യമാണെന്ന് സംസ്ഥാന സര്‍ക്കാരും പി.എസ്.സിയും വാദിച്ചു. സംസ്ഥാന സര്‍ക്കാരിന് വേണ്ടി സ്റ്റാന്റിംഗ് കോണ്‍സല്‍ ജി പ്രകാശും പിഎസ്സി ക്ക് വേണ്ടി വിപിന്‍ നായരും ഹാജരായി.

Content Highlights: Do Anganwadi Workers Need 10 Years of Work Experience to become a Supervisor? - Supreme Court


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented