'പാർലമെന്റിനെ മത്സ്യച്ചന്തയാക്കരുത്'; ഡെറിക് ഒബ്രിയന് മറുപടിയുമായി കേന്ദ്രമന്ത്രി


മുഖ്താർ അബ്ബാസ് നഖ്വി | Photo: ANI

ന്യൂഡൽഹി: സാലഡ് ഉണ്ടാക്കുന്നത് പോലെ കേന്ദ്ര സർക്കാർ പാർലമെന്റിൽ ബില്ലുകൾ പാസാക്കിയെടുക്കുന്നു എന്ന തൃണമൂൽ കോൺഗ്രസ് എം.പി ഡെറിക് ഒബ്രിയന്റെ പരാമർശത്തിന് മറുപടിയുമായി കേന്ദ്രമന്ത്രി മുഖ്താർ അബ്ബാസ് നഖ്വി.

തൃണമൂൽ കോൺഗ്രസ് നേതാവിന് സാലഡ് അലർജിയാണെങ്കിൽ അദ്ദേഹം മീൻ കറി ഉണ്ടാക്കിക്കോട്ടെ. പക്ഷെ പാർലമെന്റിനെ ഒരു മത്സ്യച്ചന്തയാക്കി മാറ്റരുതെന്ന് മുഖ്താർ അബ്ബാസ് നഖ്വി പറഞ്ഞു. പാർലമെന്റിനെ തകർക്കാൻ വേണ്ടി ഇത്തരത്തിൽ ഗൂഢാലോചനയോടെ പ്രവർത്തിക്കുന്നവരെ ഇതിന് മുമ്പ് കണ്ടിട്ടില്ല. നിങ്ങൾ പാർലമെന്റിന്റെ പാരമ്പര്യത്തെയാണ് കളങ്കപ്പെടുത്തുന്നത്. കേന്ദ്രമന്ത്രി കൂട്ടിച്ചേർത്തു.

കേന്ദ്ര സർക്കാർ പാർലമെന്റിൽ മതിയായ ചർച്ചകൾ നടത്താതെ വളരെ വേഗത്തിൽ തന്നെ നിരവധി ബില്ലുകൾ പാസാക്കിയെക്കുന്നുവെന്നാരോപിച്ചാണ് തൃണമൂൽ എം.പി. രംഗത്തെത്തിയത്. സാലഡ് പോലെ കേന്ദ്രം ബില്ലുകൾ പാസ്സാക്കിയെടുക്കുന്നു എന്നായിരുന്നു അദ്ദേഹത്തിന്റെ പ്രസ്താവന. എന്നാൽ പിന്നീട് ഈ പ്രസ്താവനയ്ക്കെതിരെ ബി.ജെ.പി. നേതാക്കൾ രംഗത്തെത്തിയപ്പോൾ അദ്ദേഹം അത് തിരുത്തി. സാലഡാണ് പ്രശ്നമെങ്കിൽ അത് മാറ്റി ദോക്ല (ഗുജറാത്തി പലഹാരം) എന്നാക്കാം എന്നായിരുന്നു അദ്ദേഹത്തിന്റെ പരിഹാസ പ്രസ്താവന.

പാർലമെന്റ് സമ്മേളനത്തിൽ കേന്ദ്രം പാസാക്കിയെടുത്ത ബില്ലുകളും പാസാക്കാൻ വേണ്ടിയെടുത്ത സമയവും ചേർത്തുകൊണ്ടുള്ള ചിത്രം പങ്കുവെച്ച് കൊണ്ടായിരുന്നു ഡെറിക് ഒബ്രിയേന്റെ ട്വീറ്റ്.

പാർലമെന്റ് സമ്മേളനം പലപ്പോഴായി പ്രതിപക്ഷ ബഹളത്തിൽ നിർത്തി വെക്കുകയായിരുന്നു. പെഗാസസ് വിഷയത്തിൽ ചർച്ച വേണമെന്നാവശ്യപ്പെട്ട് പ്രതിപക്ഷം നിരന്തരം പ്രതിഷേധിച്ചിരുന്നു.


Content Highlights: Derek O’Brien can have fish curry. But don’t turn Parliament into fish market - mukthar abbas naqvi


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

1 min

താലികെട്ടിനു തൊട്ടുമുമ്പ് വിവാഹത്തില്‍നിന്ന് പിന്മാറി വധു; പിറ്റേന്ന് പഴയ സുഹൃത്തുമായി വിവാഹം

Jan 28, 2023


john brittas mp

1 min

മോദിയുടേയും അദാനിയുടേയും വളർച്ച സമാന്തര രേഖ പോലെ,രാജ്യത്തെ പദ്ധതികൾ എല്ലാംപോയത് അദാനിക്ക്-ബ്രിട്ടാസ്

Jan 28, 2023


Mentalist Aadhi
Premium

15:03

അതീന്ദ്രിയ ശക്തികളോ മനസ്സ് വായിക്കാനോ ഉള്ള കഴിവോ മെന്റലിസത്തിന് ഇല്ല

Jan 25, 2023

Most Commented