'അവര്‍ രക്തദാഹികളെന്ന് ഞാന്‍ പറയും' - കലാപ മേഖലയില്‍ ജോലിചെയ്ത പോലീസ് ഉദ്യോഗസ്ഥന്റെ അനുഭവം


'അതിര്‍ത്തി കടന്ന് സമയോചിതമായി പ്രവര്‍ത്തിച്ചു എന്നതിന്റെ പേരില്‍ വലിയ അഭിനന്ദനമാണ് എനിക്ക് ലഭിക്കുന്നത്. പക്ഷെ ഒരു ഹീറോ പരിവേഷത്തിന്റെ ആവശ്യം എനിക്കില്ല'

Neeraj Kumar|Twitter

ല്‍ഹിയില്‍ കലാപം പൊട്ടിപ്പുറപ്പെട്ട ദിവസങ്ങളില്‍ ആ പ്രദേശത്ത് ഡ്യൂട്ടിയില്‍ ഉണ്ടായിരുന്ന പൊലീസ് ഉദ്യോഗസ്ഥനായ നീരജ് കുമാര്‍ ജദൗന്‍ ഐപിഎസിന്റെ അനുഭവക്കുറിപ്പ്..

ഫെബ്രുവരി 25ന് ബോര്‍ഡര്‍ ചെക്ക് പോയിന്റില്‍ പട്രോളിങിലായിരുന്നു ഞാന്‍. അതിനിടെയാണ് കര്‍വാള്‍ നഗറില്‍ നിന്നും വെടിയൊച്ച കേട്ടത്. ഞാന്‍ നില്‍ക്കുന്നതില്‍ നിന്നും വെറും 200 മീറ്റര്‍ അകലെയായിരുന്നു അത്.

നിര്‍ത്തിയിട്ടിരിക്കുന്ന വാഹനത്തിന് തീകൊളുത്തുന്ന 40-50 പേരടങ്ങുന്ന ഒരുകൂട്ടം ആളുകളെയാണ് അവിടെ ഞാന്‍ കണ്ടത്. അതില്‍ ചിലര്‍ ഒരു വീടിനുള്ളിലേക്ക് പെട്രോള്‍ ബോംബ് എറിയുന്നതും കണ്ടു.

ഇന്ത്യയില്‍ പൊലീസുകാര്‍ക്ക് പ്രവര്‍ത്തന പരിധി കടന്ന് ജോലി ചെയ്യാന്‍ മുന്‍കൂര്‍ അനുമതി നിര്‍ബന്ധമാണ്. എന്നിരുന്നാല്‍ക്കൂടി അവരെ തടയണമെന്ന് എനിക്ക് തോന്നി. എന്റെ പ്രവര്‍ത്തനപരിധി കടക്കുകയാണ് ഞാന്‍, അവിടെ എന്ത് നടക്കുമെന്ന് അറിയില്ല, എന്നാലും ഉണ്ടാവാന്‍ പോവുന്ന അപകടത്തെക്കുറിച്ച് അധികം ആലോചിക്കാതെ അതിര്‍ത്ത് കടന്ന് പോവാനായിരുന്നു എന്റെ തീരുമാനം. എന്റെ ജീവിതത്തിലെ തന്നെ ഏറ്റവും ഭയാനകമായ സമയമായിരുന്നു ആ 15 സെക്കന്റ്. ഭാഗ്യവശാല്‍ എന്റെ പരിസരത്തുണ്ടായിരുന്ന സഹപ്രവര്‍ത്തകരും എനിക്ക് പിന്നാലെ വന്നു.

ആയുധധാരികളായ അക്രമിസംഘത്തോട് കാര്യങ്ങള്‍ സമാധാനപരമായി ചര്‍ച്ച ചെയ്യാന്‍ ശ്രമിച്ചെങ്കിലും പരാജയപ്പെട്ടു. അക്രമം തുടര്‍ന്നാല്‍ പോലീസ് വെടിവെക്കുമെന്ന് ഞങ്ങള്‍ അവരോട് പറഞ്ഞു. എന്നാല്‍ കേട്ടയുടന്‍ അവര്‍ ഞങ്ങള്‍ക്ക് നേരെ കല്ലെറിയാന്‍ ആരംഭിച്ചു.

അക്രമികളുടെ കൈയില്‍ ആയുധങ്ങളുണ്ടായിരുന്നു.പിന്തിരിയാന്‍ പറഞ്ഞിട്ടും അവര്‍ കൂട്ടാക്കിയില്ല. രക്തദാഹികളായി അവര്‍ തെരുവുകള്‍ കേറിയിറങ്ങുകയായിരുന്നുയ പൊലീസിന് നേരെ പോലും അവര്‍ കല്ലെറിഞ്ഞു. കെട്ടിടങ്ങള്‍ക്ക് തീവെയ്ക്കാന്‍ തയ്യാറായാണ് അവര്‍ എത്തിയത്. നിരവധി മുളകള്‍ കൊണ്ടുള്ള കെട്ടിടങ്ങള്‍ ഉണ്ടായിരുന്ന ആ മേഖലയില്‍ ഏതെങ്കിലും ഒരു കെട്ടിടത്തിന് തീകൊളുത്തിയാല്‍ പിന്നെ അത് വ്യാപകമായി പടരുമായിരുന്നു. അങ്ങനെ സംഭവിച്ചിരുന്നെങ്കില്‍ ഡല്‍ഹിയിലെ മരണസംഖ്യ എത്രയോ മടങ്ങ് കൂടിയേനെ.

അവരെ പിന്തിരിപ്പിക്കുന്നത് ഞങ്ങളെ സംബന്ധിച്ച് ഏറെ ശ്രമകരമായിരുന്നു. എന്നിരുന്നാല്‍ കൂടി ഏരെ നേരത്തെ കയ്യാങ്കളിക്കും പ്രതിരോധത്തിനും ശേഷം അക്രമികളെ തടയാനും പിന്തിരിപ്പിക്കാനും ഞങ്ങള്‍ക്ക് സാധിച്ചു.

അതിര്‍ത്തി കടന്ന് സമയോചിതമായി പ്രവര്‍ത്തിച്ചു എന്നതിന്റെ പേരില്‍ വലിയ അഭിനന്ദനമാണ് എനിക്ക് ലഭിക്കുന്നത്. പക്ഷെ ഒരു ഹീറോ പരിവേഷത്തിന്റെ ആവശ്യം എനിക്കില്ല. പൗരന്മാരെ സംരക്ഷിക്കുക എന്ന കടമ മാത്രമേ ഞാന്‍ ചെയ്തിട്ടുള്ളൂവെന്ന് നീരജ് ബിബിസി പ്രതിനിധിയോട് പ്രതികരിച്ചു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented