കോവിഡ് ബാധിച്ച ഡല്‍ഹിയിലെ മാധ്യമപ്രവര്‍ത്തകന്റെ ദുരവസ്ഥ പങ്കുവെച്ച് രാഹുല്‍ ഗാന്ധി


കോവിഡ് ബാധിച്ച തന്റെ കുടുംബത്തിന്റെ ദുരവസ്ഥയെക്കുറിച്ചുള്ള വീഡിയോ മാധ്യമപ്രവര്‍ത്തകനായ അജയ് ഝാ സമൂഹമാധ്യമങ്ങളില്‍ പങ്കുവെച്ചിരുന്നു.

-

ന്യൂഡല്‍ഹി: ഡല്‍ഹിയില്‍ കോവിഡ് ബാധിച്ച് ചികിത്സയില്‍ കഴിയുന്ന മാധ്യമപ്രവര്‍ത്തകന്റെ ദുരവസ്ഥ പങ്കുവെച്ച് രാഹുല്‍ ഗാന്ധി. ചികിത്സയിലുള്ള അജയ് ഝായെ പോലുള്ള ആയിരക്കണക്കിന് സഹോദരരുടെ വേദനയില്‍ പങ്കുചേരുന്നെന്നും ചികിത്സിക്കാനും സംരക്ഷിക്കാനും സാധ്യമായതെല്ലാം ചെയ്യുമെന്നും രാഹുല്‍ ട്വിറ്ററില്‍ കുറിച്ചു.

കോവിഡ് ബാധിച്ച തന്റെ കുടുംബത്തിന്റെ ദുരവസ്ഥയെക്കുറിച്ചുള്ള വീഡിയോ മാധ്യമപ്രവര്‍ത്തകനായ അജയ് ഝാ സമൂഹമാധ്യമങ്ങളില്‍ പങ്കുവെച്ചിരുന്നു. കുടുംബത്തിലെ എല്ലാവര്‍ക്കും കോവിഡ് ബാധിച്ചിരിക്കുന്നു, പത്ത് ദിവസത്തിനിടെ കുടുംബത്തിലെ രണ്ട് പേര്‍ കോവിഡ് ബാധിച്ച് മരിച്ചു. ചികിത്സ ലഭ്യമായില്ലെന്നും മരണപ്പെട്ടവരുടെ മൃതദേഹം കൊണ്ടുപോവാന്‍ ആരും വന്നില്ലെന്നും അജയ് ഝാ പറഞ്ഞു.

അജയ് ഝായുടെ വാക്കുകള്‍

'ഞാന്‍ അജയ് ഝാ, മാധ്യമപ്രവര്‍ത്തകനാണ്. എന്റെ ഭാര്യയ്ക്കും രണ്ട് പെണ്‍മക്കള്‍ക്കുമുള്‍പ്പെടെ കുടുംബത്തിലെ എല്ലാവര്‍ക്കും കോവിഡ് ബാധ സ്ഥിരീകരിച്ചിരിക്കുന്നു. കഴിഞ്ഞ പത്ത് ദിവസത്തിനുള്ളില്‍ അടുത്ത ബന്ധുക്കളായ രണ്ട് പേര്‍ കോവിഡ് ബാധിച്ച് മരിച്ചു. ഇവരുടെ മൃതദേഹങ്ങള്‍ മണിക്കൂറുകളോളം വീട്ടില്‍ സൂക്ഷിക്കേണ്ടിവന്നു. ഏറെ നേരത്തിനുശേഷം മാത്രമാണ് ആംബുലന്‍സ് എത്തി മൃതദേഹങ്ങള്‍ കൊണ്ടുപോയത്. കോവിഡിനെ നേരിടാന്‍ എല്ലാ സൗകര്യങ്ങളും ഉണ്ടെന്നാണ് മുഖ്യമന്ത്രി അരവിന്ദ് കെജ്രിവാള്‍ പറയുന്നത്. എന്നാല്‍ സത്യത്തില്‍ ഇവിടെ ഒരു സൗകര്യവുമില്ല. ഞാനും കുടുംബവും ദുരിതത്തിലാണ്. ഞങ്ങള്‍ക്ക് സഹായം ആവശ്യമാണ്. ധൈര്യമായിരിക്കാന്‍ ശ്രമിക്കുന്നുണ്ടെങ്കിലും എന്ത് സംഭവിക്കുമെന്നറിയില്ല. തനിക്ക് അഞ്ചും ഒമ്പതും വയസ്സ് പ്രായമുള്ള പെണ്‍കുഞ്ഞുങ്ങളുണ്ട്. ഞങ്ങള്‍ക്ക് ചികിത്സയും മറ്റ് സഹായങ്ങളും ആവശ്യമുണ്ട്. ആരെങ്കിലും ഞങ്ങളെ സഹായിക്കാന്‍ മുന്നോട്ടുവരുമെന്ന് പ്രതീക്ഷിക്കുന്നു.'

ഡല്‍ഹിയില്‍ ഇതുവരെ 27000ല്‍പരം ആളുകള്‍ക്കാണ് കോവിഡ് ബാധ സ്ഥിരീകരിച്ചിരിക്കുന്നത്. 761 പേര്‍ കോവിഡ് ബാധിച്ച് മരിച്ചിട്ടുണ്ട്.

Content Highlights: Delhi reporter's heart breaking video shared by Rahul Gandhi, Journalist Ajay Jha

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented