പ്രതീകാത്മക ചിത്രം | ഫോട്ടോ: പിടിഐ
ന്യൂഡല്‍ഹി: പുതിയ കോവിഡ് കേസുകള്‍ കുറയുന്ന സാഹചര്യത്തില്‍ ഡല്‍ഹിയില്‍ ഏര്‍പ്പെടുത്തിയ കടുത്ത നിയന്ത്രണങ്ങളില്‍ ഇളവുവരുത്തി. വാരാന്ത്യ കര്‍ഫ്യൂ പൂര്‍ണമായും പിന്‍വലിച്ചു. 50 ശതമാനം ആളുകളുമായി തീയേറ്ററുകള്‍ക്കും റസ്റ്റോറന്റുകള്‍ക്കും ബാറുകള്‍ക്കും പ്രവര്‍ത്തിക്കാം. മാര്‍ക്കറ്റുകളുടെ പ്രവര്‍ത്തനത്തിന് ഏര്‍പ്പെടുത്തിയ നിയന്ത്രണവും പിന്‍വലിച്ചു.
സ്‌കൂളുകളും കേളേജുകളും ഉടന്‍ തുറക്കില്ല. വിവാഹത്തില്‍ പങ്കെടുക്കാവുന്നവരുടെ എണ്ണം 20ല്‍ നിന്നും 200 ആക്കി ഉയര്‍ത്തി. ലഫ്റ്റനന്റ് ഗവര്‍ണര്‍ അനില്‍ ബെയ്ജാലിന്റെ അധ്യക്ഷതയില്‍ വ്യാഴാഴ്ച ചേര്‍ന്ന ഡല്‍ഹി ദുരന്തര നിവാരണ അതോറിറ്റി യോഗത്തിലാണ് നിയന്ത്രണങ്ങളില്‍ ഇളവുവരുത്തുന്നതില്‍ അന്തിമ തീരുമാനമുണ്ടായത്.
വാരാന്ത്യ കര്‍ഫ്യൂ പിന്‍വലിച്ചെങ്കിലും രാത്രി 10 മുതല്‍ രാവിലെ അഞ്ച് വരെയുള്ള രാത്രികാല കാര്‍ഫ്യൂ നിയന്ത്രണം ഡല്‍ഹിയില്‍ തുടരും. 50 ശതമാനം ജീവനക്കാരോടെ സര്‍ക്കാര്‍ ഓഫീസുകള്‍ക്കും സ്വകാര്യ ഓഫീസുകള്‍ക്കും പ്രവര്‍ത്തിക്കാനും അനുമതിയുണ്ട്.
Content Highlights : Delhi Lifts Weekend Curfew, Restaurants, Cinemas To Open At 50% Capacity
RELATED STORIES
IN CASE YOU MISSED IT
.jpg?$p=dd6a0d8&f=1x1&w=100&q=0.8)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..