'ഡല്‍ഹിയിലെ ജനങ്ങളോടുള്ള അവഹേളനം'; ലെഫ്റ്റനന്റ് ഗവര്‍ണറെ വിമര്‍ശിച്ച് കെജ്‌രിവാള്‍


അരവിന്ദ് കെജ്രരിവാൾ| ഫേട്ടോ:എ.എൻ.ഐ

ന്യൂഡല്‍ഹി: ഡല്‍ഹി ലെഫ്റ്റനന്റ് ഗവര്‍ണര്‍ അനില്‍ ബൈജാലിനെ വിമര്‍ശിച്ച് മുഖ്യമന്ത്രി അരവിന്ദ് കെജ്‌രിവാള്‍. കഴിഞ്ഞ റിപ്പബ്ലിക് ദിനത്തിലെ കാര്‍ഷിക സംഘര്‍ഷവുമായി ബന്ധപ്പെട്ട കേസുകള്‍ വാദിക്കാന്‍ ഡല്‍ഹി സര്‍ക്കാര്‍ തയ്യാറാക്കിയ പബ്ലിക് പ്രോസിക്യൂട്ടര്‍മാരുടെ പാനല്‍ ലെഫ്റ്റനന്റ് ഗവര്‍ണര്‍ തള്ളിക്കളഞ്ഞിരുന്നു. ഇതാണ് കെജ്‌രിവാളിനെ പ്രകോപിപ്പിച്ചത്. സര്‍ക്കാര്‍ തയ്യാറാക്കിയ അഭിഭാഷക പാനലിനെ തള്ളിയ ലെഫ്റ്റനന്റ് ഗവര്‍ണര്‍, ഡല്‍ഹി പോലീസ് തയ്യാറാക്കിയ പാനല്‍ അംഗീകരിക്കുകയും ചെയ്തിരുന്നു.

'മന്ത്രിസഭയെടുത്ത തീരുമാനങ്ങള്‍ റദ്ദാക്കുകയെന്നാല്‍ ഡല്‍ഹിയിലെ ജനങ്ങളെ അപമാനിക്കുന്നതിന് തുല്യമാണ്. ഡല്‍ഹിയില്‍ ജനങ്ങള്‍ സ്വീകരിച്ചത് ആം ആദ്മി പാര്‍ട്ടിയെയാണ്. ബി.ജെ.പി ദയനീയമായി പരാജയപ്പെടുകയാണുണ്ടായത്. രാജ്യം ബി.ജെ.പി ഭരിക്കട്ടെ, ഡല്‍ഹിയിലെ കാര്യങ്ങള്‍ ആം ആദ്മിക്ക് വിടൂ. ഇത്തരത്തിലുള്ള ഇടപാടുകള്‍ ഡല്‍ഹി ജനതയെ അപമാനിക്കുന്നതിന് തുല്യമാണ്. ബി.ജെ.പി ജനാധിപത്യത്തെ ബഹുമാനിക്കാന്‍ പഠിക്കണം'-അരവിന്ദ് കെജ്രരിവാള്‍ ട്വീറ്റ് ചെയ്തു.

ജനുവരി 26-നുണ്ടായ അക്രമത്തെ തുടര്‍ന്ന് കര്‍ഷകര്‍ക്കെതിരെ രജിസ്റ്റര്‍ ചെയ്ത കേസുകളില്‍ പബ്ലിക് പ്രോസിക്യൂട്ടര്‍മാരാകാനുള്ള അഭിഭാഷകരുടെ പാനല്‍ കഴിഞ്ഞ തിങ്കളാഴ്ചയാണ് കെജ്‌രിവാളിന്റെ നേതൃത്വത്തില്‍ ചേര്‍ന്ന മന്ത്രിസഭ തയ്യാറാക്കിയത്. എന്നാല്‍ സര്‍ക്കാര്‍ തയ്യാറാക്കിയ പട്ടിക തള്ളിയ ഗവര്‍ണര്‍, ഡല്‍ഹി പോലീസിന്റെ പട്ടിക അംഗീകരിക്കുകയും ചെയ്തു.

വിഷയം രാഷ്ട്രപതിക്ക് അയച്ചിരുന്നെങ്കിലും അടിയന്തര പ്രാധാന്യമുള്ളത് ആയതിനാല്‍ തന്റെ അധികാരം ഉപയോഗിച്ച് ഡല്‍ഹി പോലീസ് നല്‍കിയ 11 അഭിഭാഷകരുടെ പട്ടികയ്ക്ക് അംഗീകാരം നല്‍കുകയായിരുന്നെന്ന് ബൈജാല്‍ ഡല്‍ഹി സര്‍ക്കാരിന് അയച്ച കത്തില്‍ പറയുന്നുണ്ട്.

വിഷയത്തില്‍ പ്രതികരണവുമായി ഉപമുഖ്യമന്ത്രി മനീഷ് സിസോദിയയും രംഗത്തെത്തിയിട്ടുണ്ട്. അഭിഭാഷകരെ തിരഞ്ഞെടുക്കുന്നതില്‍ കേന്ദ്രസര്‍ക്കാരിന്റെ താല്‍പര്യം എന്താണെന്ന് അദ്ദേഹം ആരാഞ്ഞു. അഭിഭാഷകരെ പോലും കേന്ദ്രമാണ് തിരഞ്ഞെടുക്കുന്നതെങ്കില്‍ പിന്നെന്തിനാണ് ഡല്‍ഹിയില്‍ തിരഞ്ഞെടുക്കപ്പെട്ട സര്‍ക്കാരെന്നും സിസോദിയ ചോദിച്ചു.

Content Highlights: delhi cm arvind kejariwal aganist lieutenant anil baijal

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented