കോവിഡ് മൂലം അനാഥരായ കുട്ടികളുടെ വിദ്യാഭ്യാസ ചെലവ് ഡല്‍ഹി സര്‍ക്കാര്‍ ഏറ്റെടുക്കും


അരവിന്ദ് കെജ് രിവാൾ | Photo: PTI

ന്യൂഡല്‍ഹി: കോവിഡ് മൂലം മാതാപിതാക്കള്‍ മരിച്ച കുട്ടികള്‍ക്ക് 25 വയസ് തികയുന്നത് വരെ പ്രതിമാസം 2500 രൂപ വീതം നല്‍കുമെന്നും അവരുടെ വിദ്യാഭ്യാസ ചെലവ് സര്‍ക്കാര്‍ ഏറ്റെടുക്കുമെന്നും മുഖ്യമന്ത്രി അരവിന്ദ് കെജ്രിവാള്‍. ദരിദ്ര കുടുംബങ്ങളില്‍നിന്നുള്ള 72 ലക്ഷം പേര്‍ക്ക് ഈ മാസം 10 കിലോ സൗജന്യ റേഷന്‍ നല്‍കുമെന്നും അരവിന്ദ് കെജ്രിവാള്‍ പറഞ്ഞു.

" കോവിഡ് കാരണം നിരവധി കുട്ടികള്‍ക്ക് മാതാപിതാക്കളെ നഷ്ടപ്പെട്ടു. തങ്ങള്‍ തനിച്ചായിപ്പോയെന്നും നിസ്സഹായരാണെന്നും അത്തരം കുട്ടികള്‍ കരുതരുത്. ഞാന്‍ എല്ലായ്‌പ്പോഴും അവരോടൊപ്പം നില്‍ക്കുന്നു." - അരവിന്ദ് കെജ്രിവാള്‍ പറഞ്ഞു.

വരുമാനമുള്ള ഏക അംഗത്തെ നഷ്ടപ്പെട്ട കുടുംബങ്ങള്‍ക്ക് നേരത്തെ പ്രഖ്യാപിച്ച 50,000 രൂപയുടെ ഒറ്റത്തവണ സഹായത്തിന് പുറമേ പ്രതിമാസം 2,500 രൂപയും ലഭിക്കും. ഭര്‍ത്താവായിരുന്നു സമ്പാദിക്കുന്ന അംഗമെങ്കില്‍ ഭാര്യക്ക് സഹായം ലഭിക്കും. തിരിച്ചാണെങ്കില്‍ ഭര്‍ത്താവിന് സഹായം കിട്ടും. വ്യക്തി അവിവാഹിതനാണെങ്കില്‍ ഇത് മാതാപിതാക്കള്‍ക്കാണ് ലഭിക്കുക.

ഓരോ മാസവും അഞ്ച് കിലോ റേഷന്‍ സബ്‌സിഡി നിരക്കില്‍ നല്‍കുന്നുണ്ടെന്നും എന്നാല്‍ ഈ മാസം പാവപ്പെട്ട കുടുംബങ്ങള്‍ക്ക് ഇത് സൗജന്യമായി ലഭിക്കുമെന്നും അദ്ദേഹം പറഞ്ഞു. ഇതിന് പുറമേ അഞ്ച് കിലോ കൂടി കേന്ദ്ര പദ്ധതികള്‍ പ്രകാരം നല്‍കും. അതിനാല്‍ മൊത്തം 10 കിലോ റേഷന്‍ ഇത്തവണ സൗജന്യമായി ലഭിക്കുമെന്നും അദ്ദേഹം പറഞ്ഞു.

എല്ലാവര്‍ക്കും റേഷന്‍ കാര്‍ഡ് ഇല്ലെന്നും മാത്രമല്ല ഇത്തരം ഹ്രസ്വ കാലാവധിക്കുള്ളില്‍ അവ നല്‍കാനാവില്ലെന്നും അദ്ദേഹം പറഞ്ഞു. അതിനാല്‍, സൗജന്യ റേഷന്‍ ആവശ്യപ്പെടുന്ന പാവപ്പെട്ടവര്‍ അത് ലഭ്യമാക്കുമെന്നും ഡല്‍ഹി മുഖ്യമന്ത്രി കൂട്ടിച്ചേര്‍ത്തു.

Content Highlights: Delhi Announces Free Education For Children Orphaned By Covid


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented