നിരോധനം മറികടന്ന് പടക്കം പൊട്ടിച്ചു, ഒപ്പം വൈക്കോല്‍ കത്തിക്കലും; ഡല്‍ഹിയില്‍ വായു മലിനീകരണം രൂക്ഷം


Photo: Twitter.com|ANI

ന്യൂഡൽഹി: ദീപാവലി ദിനത്തിൽ ഡൽഹിയിലും സമീപപ്രദേശങ്ങളിലും വായുമലിനീകരണം രൂക്ഷമായി. നിരോധനം മറികടന്ന് പടക്കം പൊട്ടിച്ചതും അയൽസംസ്ഥാനങ്ങളിൽ വൈക്കോൽ കത്തിക്കുന്നതുമാണ് മലിനീകരണതോത് ഉയരാൻ കാരണമായത്.

വായു ഗുണനിലവാര സൂചികയിൽ (എ.ക്യു.ഐ) ശനിയാഴ്ച 414 ആണ് ഡൽഹിയിൽ രേഖപ്പെടുത്തിയത്. ഇത് ഗുരുതരമായ വിഭാഗത്തിലാണ്. കഴിഞ്ഞദിവസം 339-ഉം വ്യാഴാഴ്ച 314-ഉം ഉണ്ടായിരുന്നതാണ് ഒറ്റദിവസം കൊണ്ട് ഇത്രയും ഉയർന്നത്.

നഗരത്തിലെ വായു മലിനീകരണത്തിൽ 32 ശതമാനവും വൈക്കോൽ കത്തിക്കുന്നത് മൂലമാണെന്നാണ് കാലാവസ്ഥ വിദഗ്ധരുടെ കണ്ടെത്തൽ. നഗരത്തിലെ എല്ലാ പ്രദേശങ്ങളിലും പിഎം(പാർട്ടിക്കുലേറ്റ് മാറ്റർ) 2.5 മലിനീകരണതോത് 400 കടന്നു. ഒട്ടേറെ മേഖലകളിൽ ഇത് 500-ന് അടുത്താണ്. പലയിടത്തും ശ്വാസതടസം അടക്കമുള്ള ആരോഗ്യപ്രശ്നങ്ങൾ നേരിട്ടതായും കാഴ്ച മറഞ്ഞതായും ജനങ്ങൾ പറഞ്ഞു. ശാന്തമായ കാറ്റ് വീശുന്നത് സ്ഥിതി ഗുരുതരമാക്കിയെന്നാണ് കാലാവസ്ഥ വിദഗ്ധരുടെ അഭിപ്രായം.

കഴിഞ്ഞവർഷം ദീപാവലി ദിനത്തിൽ 337 ആയിരുന്നു ഡൽഹിയിലെ വായു ഗുണനിലവാര സൂചിക. എന്നാൽ തൊട്ടടുത്ത ദിവസങ്ങളിൽ മലിനീകരണതോത് ഉയർന്നിരുന്നു. മലിനീകരണം കുറയ്ക്കാനായി ഇത്തവണ ഡൽഹിയിലും സമീപപ്രദേശങ്ങളിലും നവംബർ 30 വരെ ദേശീയ ഹരിത ട്രിബ്യൂണൽ പടക്കങ്ങൾക്ക് നിരോധനമേർപ്പെടുത്തിയിരുന്നു.

Content Highlights:delhi air quality on diwali day

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


modi

5 min

ലോകത്തെ മുഴുവൻ ഊട്ടുമെന്ന് പ്രഖ്യാപനം,തിരുത്തല്‍; ഗോതമ്പിൽ മോദി ട്രാക്ക് മാറ്റിയതെന്തിന്?

May 20, 2022


Kylian Mbappe likely to stay at Paris Saint-Germain

1 min

എംബാപ്പെയ്ക്ക് വമ്പന്‍ ഓഫറുമായി പി.എസ്.ജി; താരം പാരിസില്‍ തുടര്‍ന്നേക്കും

May 21, 2022

More from this section




Most Commented