ജാതിവിവേചനം; തമിഴ്‌നാട്ടില്‍ ദളിത് പഞ്ചായത്ത് പ്രസിഡന്റ് തറയിലിരുത്തി


തമിഴ്‌നാട്ടിൽ പഞ്ചായത്ത് പ്രസിഡന്റ് രാജേശ്വരിയെ നിലത്തിരുത്തിയതുമായി ബന്ധപ്പെട്ട് സമൂഹമാധ്യമങ്ങളിൽ പ്രചരിക്കുന്ന ചിത്രം | Photo: twitter.com|jsamdaniel

ചെന്നൈ: തമിഴ്നാട്ടിലെ കുഡല്ലൂരില്‍ ദളിത് വിഭാഗത്തില്‍ നിന്നുള്ള പഞ്ചായത്ത് പ്രസിഡന്റിന് നേരിടേണ്ടിവന്നത് കടുത്ത ജാതിവിവേചനം. തെര്‍ക്കുതിട്ടെ ഗ്രാമപഞ്ചായത്ത് പ്രസിഡന്റ് രാജേശ്വരിക്കാണ് വിവേചനം നേരിടേണ്ടി വന്നത്. പഞ്ചായത്ത് യോഗത്തില്‍ മറ്റുള്ളവര്‍ കസേരയിലിരുന്നപ്പോള്‍ പ്രസിഡന്റിനെ തറയില്‍ ഇരുത്തി.

വൈസ് പ്രസിഡന്റിന്റെ നേതൃത്വത്തില്‍ നടന്ന യോഗത്തില്‍ തന്നോട് നിലത്തിരിക്കാന്‍ ആവശ്യപ്പെട്ടതായി പഞ്ചായത്ത് പ്രസിഡന്റ് രാജേശ്വരി പറഞ്ഞു. ദളിത് വിഭാഗത്തില്‍ നിന്നുള്ളയാളായതിനാലാണ് ഇത്തരത്തില്‍ പെരുമാറിയതെന്നും അവര്‍ ആരോപിച്ചു. പ്രസിഡന്റ് എന്ന നിലയില്‍ ഉത്തരവാദിത്തങ്ങള്‍ നിറവേറ്റാന്‍ വൈസ് പ്രസിഡന്റ് സമ്മതിച്ചില്ലെന്നും രാജേശ്വരി ആരോപിച്ചു.



'പഞ്ചായത്ത് യോഗം നടക്കുമ്പോഴെല്ലാം തറയിലാണ് ഇരുത്തിയത്. മേല്‍ജാതിക്കാരായ പഞ്ചായത്ത് വൈസ് പ്രസിഡന്റും മറ്റ് അംഗങ്ങളും കസേരകളിലിരിക്കും. സ്വാതന്ത്ര്യദിനത്തില്‍ പതാക ഉയര്‍ത്താന്‍ പോലും അനുവദിച്ചില്ല'.- അവര്‍ പറഞ്ഞു.

ജനുവരിയിലാണ് രാജേശ്വരിയെ പ്രസിഡന്റായി തിരഞ്ഞെടുത്തത്. തെര്‍ക്കുതിട്ടെ പഞ്ചായത്തില്‍ ആകെയുള്ള 500 കുടുംബങ്ങളില്‍ 100 കുടുംബങ്ങളാണ് പട്ടികജാതി വിഭാഗത്തില്‍ നിന്നുള്ളത്. പഞ്ചായത്ത് പ്രസിഡന്റ് സ്ഥാനം പട്ടിക ജാതി വിഭാഗത്തിന് സംവരണം ചെയ്തിരിക്കുകയാണ്.

സംഭവം വിവാദമായതോടെ വൈസ് പ്രസിന്റ് മോഹന്‍ രാജനെതിരേ എസ്സി, എസ്ടി വിഭാഗങ്ങള്‍ക്കെതിരായ അതിക്രമങ്ങള്‍ തടയല്‍ നിയമ പ്രകാരം കേസെടുത്തു. പഞ്ചായത്ത് സെക്രട്ടറിയേയും സസ്‌പെന്റ് ചെയ്തു. എന്നാല്‍ ആരോപണം നിഷേധിച്ച് വൈസ് പ്രസിഡന്റ് മോഹന്‍ രാജന്‍ രംഗത്തെത്തി. രാജേശ്വരി സ്വന്തം ഇഷ്ടപ്രകാരമാണ് നിലത്തിരുന്നതെന്നാണ് മോഹന്‍ രാജന്‍ പറഞ്ഞത്.

Content Highlights: Dalit panchayat president made to sit on floor in Tamil Nadu's Cuddalore


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented