പ്രതീകാത്മക ചിത്രം | Photo : ANI
ഗാന്ധിനഗര്‍: നല്ല വസ്ത്രങ്ങളും സണ്‍ഗ്ലാസും ധരിച്ചതിന് ഗുജറാത്തില്‍ ദളിത് യുവാവിന് മര്‍ദനം. ബനാസ്‌കാണ്ഠ ജില്ലയിലാണ് സംഭവം. ഉയര്‍ന്ന ജാതിയില്‍പ്പെട്ട ഒരുസംഘം ആളുകളാണ് ജിഗര്‍ ഷെഖാലിയ എന്ന യുവാവിനെ മര്‍ദിച്ചതെന്ന് പോലീസ് അറിയിച്ചു. ചൊവ്വാഴ്ചയാണ് അക്രമസംഭവം ഉണ്ടായത്. യുവാവിനെ രക്ഷിക്കാനുള്ള ശ്രമത്തിനിടെ ജിഗറിന്റെ അമ്മയ്ക്കും പരിക്കേറ്റു. ഇരുവരും ആശുപത്രിയില്‍ ചികിത്സയിലാണ്.
യുവാവ് നല്‍കിയ പരാതിയുടെ അടിസ്ഥാനത്തില്‍ ഏഴ് പേര്‍ക്കെതിരെ പ്രാഥമിക അന്വേഷണ റിപ്പോര്‍ട്ട് ഫയല്‍ ചെയ്തു. ചൊവ്വാഴ്ച രാവിലെ വീടിനുപുറത്ത് നില്‍ക്കുമ്പോള്‍ സംഘം തന്നെ സമീപിക്കുകയും ശകാരിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തതായി ജിഗര്‍ പരാതിയില്‍ പറയുന്നു. അന്ന് രാത്രി ഗ്രാമത്തിലെ ക്ഷേത്രത്തിന് പുറത്ത് നില്‍ക്കുമ്പോള്‍ ആറ് പേര്‍ അടുത്തെത്തുകയും നല്ല വസ്ത്രങ്ങളും സണ്‍ഗ്ലാസും ധരിക്കുന്നതെന്തിനെന്ന് ചോദിച്ച് കയ്യിലിരുന്ന വടികള്‍ കൊണ്ട് മര്‍ദിക്കുകയും ചെയ്തു. രക്ഷിക്കാന്‍ ഓടിയെത്തിയ അമ്മയെ മര്‍ദിക്കുകയും ഭീഷണിപ്പെടുത്തുകയും ചെയ്തതായും പരാതിയിലുണ്ട്.
ഇന്ത്യന്‍ ശിക്ഷാനിയമത്തിന്റെ വിവിധ വകുപ്പുകള്‍ അനുസരിച്ചാണ് ഏഴ് പേര്‍ക്കെതിരെ കേസെടുത്തിട്ടുള്ളത്. ഷെഡ്യൂള്‍ഡ് കാസ്റ്റ്‌സ് ആന്‍ഡ് ഷെഡ്യൂള്‍ഡ് ട്രൈബ്‌സ്ആക്ട് പ്രകാരമുള്ള വകുപ്പുകളും പ്രതികള്‍ക്കെതിരെ ചുമത്തിയിട്ടുണ്ട്. എന്നാല്‍, ഇതുവരെ പ്രതികളില്‍ ആരേയും അറസ്റ്റ് ചെയ്തിട്ടില്ല.
Content Highlights: Dalit Man Thrashed For Dressing Up And Wearing Sunglasses, Gujarat
Also Watch
RELATED STORIES
.jpg?$p=58db1bc&f=1x1&w=100&q=0.8)
IN CASE YOU MISSED IT
.jpg?$p=8dfe23b&f=1x1&w=100&q=0.8)
.jpg?$p=8dfe23b&q=0.8&f=16x11&w=104)
.jpg?$p=1990e2a&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..