ഗുലാബ് ചുഴലിക്കാറ്റ് കരതൊട്ടു; ആന്ധ്രയിലും ഒഡീഷയിലും കനത്ത ജാഗ്രത


സഞ്ചാരപഥത്തില്‍ കേരളമില്ലെങ്കിലും ചൊവ്വാഴ്ചവരെ ശക്തമോ അതിശക്തമായതോ ആയ മഴയ്ക്കും കാറ്റിനും സാധ്യതയുണ്ട്.

ചുഴലിക്കാറ്റിനെ തുടർന്നുള്ള ജാഗ്രത നിർദേശത്താൽ കടലിൽ പോകാതെ വള്ളങ്ങൾ കരയിൽ കയറ്റിവച്ചിരിക്കുന്ന മത്സ്യത്തൊഴിലാളികൾ| ഫോട്ടോ: PTI

ന്യൂഡല്‍ഹി: ആന്ധ്രയിലും ഓഡീഷയിലും തീരം തൊട്ട് ഗുലാബ് ചുഴലിക്കാറ്റ്. മണിക്കൂറില്‍ 95 കിലോമീറ്റര്‍ വേഗതയോടെ പടിഞ്ഞാറ് ദിശയില്‍ സഞ്ചരിച്ച് അടുത്ത മൂന്ന് മണിക്കൂറിനുള്ളില്‍ ചുഴലിക്കാറ്റ് ആന്ധ്രയിലെ കലിംഗപട്ടണം- ഒഡീഷയിലെ ഗോപാല്‍പുര്‍ തീരം കടക്കുമെന്ന് ഇന്ത്യന്‍ കാലാവസ്ഥാ വകുപ്പ് അറിയിച്ചു.

നാല് മാസത്തിനിടെ ഒഡീഷയില്‍ വീശുന്ന രണ്ടാമത്തെ ചുഴലിക്കാറ്റാണ് ഗുലാബ്. നേരത്തെ യാസ് ചുഴലിക്കാറ്റ് സംസ്ഥാനത്ത് നാശനഷ്ടം വിതച്ചിരുന്നു. നിലവില്‍ അതീവ അപകടസാധ്യതയുള്ള നാല് ജില്ലകളില്‍ എല്ലാ സുരക്ഷ മുന്‍കരുതലുകളും എടുത്തിട്ടുള്ളതായി മുഖ്യമന്ത്രി നവീന്‍ പട്‌നായിക് വ്യക്തമാക്കി.

ഒഡീഷ ദുരന്ത നിവാരണ സേനയിലെ 42 ടീമിനെയും ദേശീയ ദുരന്ത നിവാരണ സേനയിലെ 24 സ്‌ക്വാഡിനെയും ഈ പ്രദേശങ്ങളില്‍ വിന്യസിച്ചിട്ടുണ്ട്. ഇതിന് പുറമെ സംസ്ഥാനത്തെ പോലീസും ഫയര്‍ഫോഴ്‌സും പ്രവര്‍ത്തന സജ്ജരായി രംഗത്തുണ്ട്. ചുഴലിക്കാറ്റ് പ്രദേശം കടന്ന് പോകുന്നത് വരെ ജനങ്ങളോട് വീടുകള്‍ക്കുള്ളില്‍ തന്നെ കഴിയാന്‍ മുഖ്യമന്ത്രി നവീന്‍ പട്‌നായിക് അഭ്യര്‍ഥിച്ചു.

സഞ്ചാരപഥത്തില്‍ കേരളമില്ലെങ്കിലും ചൊവ്വാഴ്ചവരെ ശക്തമോ അതിശക്തമായതോ ആയ മഴയ്ക്കും കാറ്റിനും സാധ്യതയുണ്ട്. ഞായര്‍, തിങ്കള്‍ ദിവസങ്ങളില്‍ പാലക്കാട് മുതല്‍ തെക്കോട്ടുള്ള ജില്ലകളില്‍ മഞ്ഞ ജാഗ്രതാനിര്‍ദേശം നല്‍കിയിട്ടുണ്ട്. ഞായര്‍, തിങ്കള്‍ ദിവസങ്ങളില്‍ മത്സ്യത്തൊഴിലാളികള്‍ കടലില്‍ പോകരുതെന്ന് ദുരന്തനിവാരണ അതോറിറ്റിയും അറിയിച്ചു.

Content Highlights: Cyclone Gulab Reaches Andhra Pradesh, Odisha

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
popular front

1 min

'ഇന്ത്യയില്‍ ഇസ്‌ലാമിക ഭരണത്തിന് ഗൂഢാലോചന നടത്തി'; PFI നേതാക്കളുടെ റിമാന്‍ഡ് റിപ്പോര്‍ട്ടില്‍ NIA

Sep 23, 2022


05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


amazon

3 min

74,999 രൂപയുടെ സാംസങ് ഗാലക്‌സി എസ്20 എഫ്ഇ 29,999 രൂപയ്ക്ക്; സ്മാര്‍ട്ട്‌ഫോണുകള്‍ക്ക് ഗംഭീര ഓഫറുകള്‍

Sep 24, 2022

Most Commented