കുട്ടികള്‍ക്കുളള കോവിഡ് പ്രതിരോധ വാക്‌സിന്‍; പരീക്ഷണങ്ങള്‍ പുരോഗമിക്കുന്നു


പ്രതീകാത്മക ചിത്രം | ഫോട്ടോ: ANI

ന്യൂഡല്‍ഹി: ക്ലിനിക്കല്‍ പരീക്ഷണത്തിന്‍ പങ്കെടുക്കുന്ന രണ്ട് മുതല്‍ ആറുവയസ്സുവരെ പ്രായമുള്ള കുട്ടികള്‍ക്ക് കോവാക്‌സിന്റെ രണ്ടാമത്തെ ഡോസ് അടുത്ത ആഴ്ചമുതല്‍ വിതരണം ചെയ്‌തേക്കും. ആറുമുതല്‍ പന്ത്രണ്ട് വയസ്സിനിടയിലുള്ള കുട്ടികള്‍ക്ക് ഇതിനോടകം തന്നെ കോവാക്സിന്റെ രണ്ടാമത്തെ ഡോസ് നല്‍കിയിട്ടുള്ളതായി ന്യൂഡല്‍ഹി എയിംസ് അധികൃതര്‍ അറിയിച്ചു. 18 വയസ്സിന് താഴെയുള്ളവര്‍ക്ക് വാക്സിന്‍ പരീക്ഷണം നടക്കുന്ന കേന്ദ്രങ്ങളിലൊന്നാണ് ന്യൂഡല്‍ഹി എയിംസ്.

കുട്ടികള്‍ക്കുള്ള വാക്സിന്‍ സെപ്റ്റംബറില്‍ ലഭ്യമായേക്കുമെന്ന് നേരത്തെ എയിംസ് ഡയറക്ടര്‍ ഡോ. രണ്‍ദീപ് ഗുലേറിയ പറഞ്ഞിരുന്നു. വിവിധ പ്രായത്തിലുമുള്ള 175 കുട്ടികളെ അവരുടെ പ്രായത്തിനനുസരിച്ച് തരം തിരിച്ചാണ് പരീക്ഷണം നടത്തുന്നത്. വാക്സിന്റെ രണ്ടാം ഡോസ് എല്ലാവര്‍ക്കും നല്‍കി പരീക്ഷണം പൂര്‍ത്തിയാക്കിയ ശേഷം ഓഗസ്റ്റ് അവസാനത്തോടെ ഇടക്കാല റിപ്പോര്‍ട്ട് സമര്‍പ്പിക്കും. ഇതിന് ശേഷമായിരിക്കും വാക്സിന്‍ കുട്ടികള്‍ക്ക് എത്രത്തോളം സുരക്ഷിതമാണെന്ന് വിലയിരുത്തുന്നത്.

18 വയസ്സിന് താഴെയുള്ള കുട്ടികള്‍ക്കുള്ള കോവിഡ് വാക്‌സിനുകളുടെ ക്ലിനിക്കല്‍ പരീക്ഷണങ്ങള്‍ പൂര്‍ത്തിയായിക്കൊണ്ടിരിക്കുകയാണെന്ന് നേരത്തെ കേന്ദ്ര സര്‍ക്കാര്‍ ഡല്‍ഹി ഹൈക്കോടതിയെ അറിയിച്ചിരുന്നു. ഭാരത് ബയോടെക്കിന്റെ കോവാക്സിന്‍ കൂടാതെ മറ്റൊരു ഇന്ത്യന്‍ കമ്പനിയായ സൈഡസ് കാഡിലയുടെ കുട്ടികള്‍ക്കുള്ള വാക്സിന്റെയും ക്ലിനിക്കല്‍ പരീക്ഷണങ്ങള്‍ രാജ്യത്ത് നടന്നുവരികയാണ്.

Content Highlights: Covid vaccine trial for children in progress ahead of third wave

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022

Most Commented