കോവിഡ് 'ദൈവനിശ്ചയം'; സാമ്പത്തിക ഞെരുക്കത്തിന് അത് കാരണമായേക്കാം - ധനമന്ത്രി


Photo:Twitter|Ministry of Finance

ന്യൂഡല്‍ഹി: കോവിഡ് മഹാമാരി ജിഎസ്ടി വരുമാനത്തെ ബാധിച്ചുവെന്നും നടപ്പ് സാമ്പത്തിക വര്‍ഷത്തില്‍ 2.35 ലക്ഷം കോടിയുടെ കുറവുണ്ടായെന്നും ധനമന്ത്രി നിര്‍മല സീതാരാമന്‍. ജിഎസ്ടി കൗണ്‍സില്‍ യോഗത്തിന് ശേഷം നടന്ന വാര്‍ത്താസമ്മേളനത്തിലാണ് അവര്‍ ഇക്കാര്യം അറിയിച്ചത്.

കോവിഡ് ദൈവനിശ്ചയമാണെന്നും അത് സാമ്പത്തിക ഞെരുക്കത്തിന് കാരണമായേക്കാമെന്നും അവര്‍ പറഞ്ഞു.' ഈ വര്‍ഷം നമ്മള്‍ അസാധാരണമായ ഒരു സാഹചര്യത്തെ അഭിമുഖീകരിക്കുന്നു. ദൈവ പ്രവൃത്തിയെയാണ് നമ്മള്‍ നേരിട്ടുകൊണ്ടിരിക്കുന്നത്. നമുക്ക് ഒരു സാമ്പത്തിക തളര്‍ച്ച കാണാന്‍ സാധിക്കും' നിര്‍മല പറഞ്ഞു.

മാര്‍ച്ചില്‍ 13,806 കോടി രൂപ അനുവദിച്ചതുള്‍പ്പടെ 2020 സാമ്പത്തിക വര്‍ഷത്തില്‍ 1.65 ലക്ഷം കോടി രൂപയാണ് സംസ്ഥാനങ്ങള്‍ക്ക് ജിഎസ്ടി നഷ്ടപരിഹാരമായി കേന്ദ്രം നല്‍കിയത്. ജിഎസ്ടി നഷ്ടപരിഹാരത്തിനായി ശേഖരിച്ച സെസ് 95,444 കോടി രൂപ മാത്രമാണെന്നും ധനമന്ത്രി പറഞ്ഞു.

കോവിഡ് പ്രതിസന്ധിയില്‍ ജിഎസ്ടി വരുമാനക്കുറവിന് കേന്ദ്രം നഷ്ടപരിഹാം നല്‍കുന്നില്ലെന്ന സംസ്ഥാനങ്ങളുടെ വ്യാപക പരാതി നിലനില്‍ക്കെയാണ് ഇന്ന് ജിഎസ്ടി കൗണ്‍സില്‍ ചേര്‍ന്നത്. ലോക്ക്ഡൗണിനെ തുടര്‍ന്ന് പല സംസ്ഥാനങ്ങളും കടുത്ത സാമ്പത്തിക പ്രതിസന്ധിയിലാണ്.

റിസര്‍വ് ബാങ്കില്‍ നിന്ന് സംസ്ഥാനങ്ങള്‍ വായ്പ എടുക്കുന്നത് അടക്കമുള്ള നിര്‍ദേശങ്ങള്‍ ജിഎസ്ടി കൗണ്‍സില്‍ യോഗത്തില്‍ ഉയര്‍ന്നുവന്നു.

'രണ്ട് ഓപ്ഷനുകള്‍ സംസ്ഥാനങ്ങള്‍ക്ക് മുന്നില്‍വെച്ചിട്ടുണ്ട്. റിസര്‍വ് ബാങ്ക് വഴി ഞങ്ങള്‍ സൗകര്യമൊരുക്കാം. ഇക്കാര്യത്തില്‍ ആലോചിക്കാനും തീരുമാനമെടുക്കാനും സംസ്ഥാനങ്ങള്‍ ഏഴ് ദിവസം അനുവദിച്ചു. അതിന് ശേഷം വീണ്ടും ഒരു ചെറിയ യോഗം ചേര്‍ന്ന് തീരുമാനമെടുക്കും. ഈ വര്‍ഷം രണ്ട് പ്രതിമാസ പേയ്‌മെന്റുകളാണ് വൈകുന്നത്. ഞങ്ങള്‍ക്ക് ഈ വര്‍ഷത്തെ സാവകാശം മാത്രമേ വേണ്ടതുള്ളൂ. അടുത്ത വര്‍ഷം ഏപ്രിലില്‍ ജിഎസ്ടി കൗണ്‍സിലിന് പേയ്‌മെന്റുകള്‍ വീണ്ടും പരിശോധിക്കാനാകും' നിര്‍മല പറഞ്ഞു.

ബിജെപിയിതര പാര്‍ട്ടികള്‍ ഭരിക്കുന്ന സംസ്ഥാനങ്ങള്‍ ജിഎസ്ടി കുടിശിക നല്‍കാന്‍ കേന്ദ്രത്തിന് നിയമപരമായ ബാധ്യതയുണ്ടെന്ന് പറഞ്ഞു. നികുതി വരുമാനത്തില്‍ കുറവുണ്ടെങ്കില്‍ അത്തരം ബാധ്യതയില്ലെന്ന് കേന്ദ്രം അവകാശപ്പെട്ടു.

Content Highlights: Covid Act of God-may result in contraction of economy-Nirmala Sitharaman

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
modi

1 min

ചൈനയെ നേരിടാന്‍ ബ്രഹ്മപുത്രയ്ക്ക്‌ അടിയിലൂടെ തുരങ്കം; റോഡ്, റെയില്‍ പാത: രാജ്യത്ത് ഇതാദ്യം

May 19, 2022


D Imman

1 min

കുറച്ചുവർഷങ്ങളായി അനുഭവിച്ച വെല്ലുവിളികൾക്കുള്ള പരിഹാരം; പുനർവിവാഹത്തേക്കുറിച്ച് ഡി.ഇമ്മൻ

May 18, 2022


hyderabad encounter

1 min

ഹൈദരാബാദ് കൂട്ടബലാത്സംഗ കേസിലെ പ്രതികള്‍ കൊല്ലപ്പെട്ടത് വ്യാജ ഏറ്റുമുട്ടലില്‍- സുപ്രീം കോടതി സമിതി

May 20, 2022

More from this section




Most Commented