കോവിഡ് 19 ഇളവുകള്‍ ; തൊഴിലാളികൾക്കുള്ള രജിസ്‌ട്രേഷനും ക്വാറന്റീനും ബിഹാര്‍ നിര്‍ത്തലാക്കി


Image Credits: PTI

പട്‌ന: മറ്റ് സംസ്ഥാനങ്ങളില്‍ നിന്ന് തിരിച്ചെത്തുന്നവര്‍ക്കുള്ള രജിസ്‌ട്രേഷനും 14 ദിവസത്തെ ഇന്‍സ്റ്റിറ്റിയൂഷനല്‍ ക്വാറന്റീനും നിര്‍ത്തിവെച്ച് ബീഹാര്‍ സര്‍ക്കാര്‍. രാജ്യവ്യാപമായി ലോക്ക്ഡൗണ്‍ ഇളവുകള്‍ പ്രഖ്യാപിച്ചതിനെ തുടര്‍ന്നാണ് നടപടി.

ഇതുവരെ ഏകദേശം 29 ലക്ഷം കുടിയേറ്റ തൊഴിലാളികളാണ് സംസ്ഥാനത്തേക്ക് തിരിച്ചെത്തിയത്. ഇതില്‍ 8.77 ലക്ഷം പേര്‍ 14 ദിവസത്തെ ക്വാറന്റീന്‍ പൂര്‍ത്തിയാക്കി വീടുകളിലേക്ക് പോയി. 5.30 ലക്ഷം കുടിയേറ്റ തൊഴിലാളികള്‍ ബ്ലോക്ക്, ജില്ലാ തല ക്വാറന്റീന്‍ സെന്ററുകളില്‍ നിരീക്ഷണത്തിലാണ്.

തിങ്കളാഴ്ച മുതല്‍ മറ്റ് സംസ്ഥാനങ്ങളില്‍ നിന്ന് വരുന്നവരെ ഇന്‍സ്റ്റിറ്റിയൂഷനല്‍ ക്വാറന്റീന്‍ പാര്‍പ്പിക്കുന്നതിനുള്ള രജിസ്‌ട്രേഷന്‍ നിര്‍ത്തിവെച്ചിരിക്കുകയാണ്.

''രാജ്യമാകെ നിയന്ത്രണങ്ങള്‍ മാറ്റിയിരിക്കുന്ന സാഹചര്യത്തില്‍ എന്തിനാണ് കുടിയേറ്റ തൊഴിലാളികള്‍ക്കായി രജിസ്‌ട്രേഷന്‍ ഏര്‍പ്പെടുത്തുന്നത്. ഇപ്പോള്‍ ബസ്, ട്രെയിന്‍, കാര്‍ എന്നിങ്ങനെ ഏത് വാഹനത്തിലൂടെയും സഞ്ചരിക്കാം. അങ്ങനെയെങ്കില്‍ എങ്ങനെയാണ് കുടിയേറ്റ തൊഴിലാളികളെ തിരിച്ചറിയാന്‍ സാധിക്കുക''- സംസ്ഥാന ദുരന്ത നിവാരണ വിഭാഗം പ്രിന്‍സിപ്പല്‍ സെക്രട്ടറി പ്രത്യായ അമൃത് ചോദിച്ചു.

സഞ്ചാരം നിയന്ത്രിക്കുകയോ നിര്‍ത്തലാക്കുകയോ ചെയ്ത സാഹചര്യത്തിലാണ് കുടിയേറ്റക്കാരായ തൊഴിലാളികളെ ക്വാറന്റീനില്‍ പാര്‍പ്പിച്ചിരുന്നത്. നിലവിലുള്ള ക്വാറന്റീന്‍ സെന്ററുകള്‍ രജിസ്റ്റര്‍ ചെയ്ത് അവസാനമായി എത്തിയവരുടെ 14 ദിവസത്തെ ക്വാറന്റീന്‍ പൂര്‍ത്തിയാക്കിയാല്‍ ജൂണ്‍ 15 ന് ശേഷം അവസാനിപ്പിക്കാനാണ് തീരുമാനിച്ചിരിക്കുന്നത്. അതേസമയം പ്രാഥമികാരോഗ്യ കേന്ദ്രങ്ങള്‍ വഴി നിലവിലെ ആരോഗ്യപരിശോധനകള്‍ തുടരുമെന്നും അദ്ദേഹം പറഞ്ഞു.

ബീഹാറിലേക്ക് മടങ്ങിയെത്തിയ നിരവധി തൊഴിലാളികള്‍ക്ക് കോവിഡ് പോസിറ്റീവ് സ്ഥിരീകരിച്ച സമയത്താണ് സര്‍ക്കാരിന്റെ ഈ തീരുമാനം.

Content Highlights: Covid 19 lock down bihar stops registration and quarantine for migrants


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Aravind Kejriwal

1 min

ഗുജറാത്തില്‍ എഎപി അധികാരത്തിലെത്തും; ഐ.ബി റിപ്പോര്‍ട്ടുണ്ട്, അവകാശവാദവുമായി കെജ് രിവാള്‍

Oct 2, 2022

Most Commented