ബാബറി മസ്ജിദ് തകര്‍ക്കല്‍; ആസൂത്രിതമല്ല, ആ നിമിഷത്തെ പ്രേരണയാല്‍ സംഭവിച്ചത്- കോടതി


ബാബറി മസ്ജിദ് ഫയൽ ചിത്രം | photo: Mathrubhumi

ന്യൂഡല്‍ഹി: 28 വര്‍ഷം പഴക്കമുള്ള ബാബറി മസ്ജിദ് കേസില്‍ പ്രതികളെ എല്ലാവരെയും കോടതി കുറ്റവിമുക്തരാക്കിയിരിക്കുന്നു. ബാബറി മസ്ജിദ് തകര്‍ക്കല്‍ ആസൂത്രിതമായിരുന്നില്ലെന്നും സംഭവത്തിനു പിന്നില്‍ ഗൂഢാലോചന ഇല്ലെന്നുമാണ് കോടതി കണ്ടെത്തിയിരിക്കുന്നത്‌.

ആ നിമിഷത്തിലെ പ്രേരണയാല്‍ അത് സംഭവിക്കുകയായിരുന്നു. അതിനാല്‍ ഈ സംഭവത്തിനു പിന്നില്‍ ഗൂഢാലോചന നടന്നിട്ടില്ല- എന്ന് വിധിന്യായം വായിച്ചുകൊണ്ട്‌ സി.ബി.ഐ. കോടതി ജഡ്ജി എസ്.കെ. യാദവ് വ്യക്തമാക്കി. കുറ്റാരോപിതരായ നേതാക്കള്‍, ബാബറി മസ്ജിദ് തകര്‍ക്കുന്നത് തടയാന്‍ ശ്രമിച്ചിരുന്നുവെന്നും കോടതി നിരീക്ഷിച്ചു.

2,300 പേജുകളാണ് വിധിന്യായത്തിലുള്ളത്. ബാബറി മസ്ജിദ് തകര്‍ത്തതില്‍ വി.എച്ച്.പിക്ക് (വിശ്വ ഹിന്ദു പരിഷത്ത്)പ്രത്യക്ഷമോ പരോക്ഷമായോ പങ്കില്ലെന്നും വിധിന്യായത്തില്‍ പറയുന്നു. അജ്ഞാതരായ ആളുകള്‍ പിന്നില്‍നിന്ന് കല്ലെറിയുകയായിരുന്നുവെന്നും കോടതി നിരീക്ഷിച്ചു.

കോടതിയുടെ മറ്റ് പ്രധാന നിരീക്ഷണങ്ങള്‍

  • പ്രതികള്‍ക്കെതിരെ മതിയായ തെളിവില്ല
  • സി.ബി.ഐ. സമര്‍പ്പിച്ച വീഡിയോകളുടെയും ഓഡിയോകളുടെയും ആധികാരികത തെളിയിക്കാനായില്ല
  • ബാബറി മസ്ജിദിന്റെ താഴികക്കുടത്തിനു മുകളില്‍ കയറിയവര്‍ സാമൂഹിക വിരുദ്ധരാണ്.
  • പ്രസംഗത്തിന്റെ ഓഡിയോ വ്യക്തമല്ല
1992 ഡിസംബര്‍ ആറിനാണ് ബാബറി മസ്ജിദ് തകര്‍ക്കപ്പെട്ടത്. മുതിര്‍ന്ന ബി.ജെ.പി. നേതാക്കളായ എല്‍.കെ. അദ്വാനി, മുരളി മനോഹര്‍ ജോഷി, ഉമാഭാരതി എന്നിങ്ങനെ 48 പ്രതികളായിരുന്നു കേസിലുണ്ടായിരുന്നത്. എന്നാല്‍ ഇവരില്‍ 16 പേര്‍ ഇപ്പോള്‍ ജീവനോടെയില്ല. ജീവിച്ചിരിക്കുന്ന 32 പേരെയാണ് ലഖ്‌നൗവിലെ സി.ബി.ഐ. കോടതി വെറുതെ വിട്ടത്.

content highlights: court acquitts all accused in babri demolition case

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


Sajjanar

5 min

നായകനില്‍നിന്ന് വില്ലനിലേക്ക്‌; പോലീസ് വാദങ്ങള്‍ ഒന്നൊന്നായി പൊളിഞ്ഞു, വ്യാജ ഏറ്റുമുട്ടല്‍ എന്തിന്?

May 21, 2022


modi

5 min

ലോകത്തെ മുഴുവൻ ഊട്ടുമെന്ന് പ്രഖ്യാപനം,തിരുത്തല്‍; ഗോതമ്പിൽ മോദി ട്രാക്ക് മാറ്റിയതെന്തിന്?

May 20, 2022

More from this section




Most Commented