'മുഖ്യ സാമ്പത്തിക ജ്യോതിഷി'യെ നിയമിക്കുന്നത് നന്നാകും; നിര്‍മല സീതാരാമനെ പരിഹസിച്ച് പി.ചിദംബരം, p chidambaram, nirmala sitaraman

14 July 2022, 11:49 AM IST

പി.ചിദംബരം | Photo: PTI

ന്യൂഡല്‍ഹി: കേന്ദ്ര ധനകാര്യമന്ത്രി നിര്‍മല സീതാരാമനെതിരേ രൂക്ഷവിമർശനവുമായി മുതിര്‍ന്ന കോണ്‍ഗ്രസ് നേതാവ് പി. ചിദംബരം. സ്വന്തം കഴിവിലും ഉപദേശികളുടെ കഴിവിലും വിശ്വാസമില്ലാത്ത മന്ത്രി, ഗ്രഹങ്ങളെ ആശ്രയിക്കുകയാണെന്നും അവര്‍ ഒരു സാമ്പത്തിക ജ്യോതിഷിയെ നിയമിക്കുന്നത് നന്നാകുമെന്നുമാണ് ചിദംബരത്തിന്റെ പരിഹാസം.

സ്‌പേസ് ടെലിസ്‌കോപ്പുമായി ബന്ധപ്പെട്ട് നിര്‍മല സീതാരാമന്‍ കഴിഞ്ഞ ദിവസം ട്വീറ്റ് ചെയ്തതിനെതുടര്‍ന്നാണ് ചിദംബരം മറുപടിയുമായി രംഗത്തുവന്നത്.

പണപ്പെരുപ്പം 7.01ശതമാനവും തൊഴിലില്ലായ്മ 7.8 ശതമാനവും രേഖപ്പെടുത്തിയ സന്ദര്‍ഭത്തില്‍ ധനകാര്യ മന്ത്രി ഗ്രഹങ്ങളുടെ ചിത്രം ട്വീറ്റ് ചെയ്തതില്‍ ഞങ്ങള്‍ക്ക് അത്ഭുതമില്ലെന്നാണ് ചിദംബരത്തിന്റെ ട്വീറ്റ്.

മന്ത്രി ഒരു 'മുഖ്യ സാമ്പത്തിക ജ്യോതിഷി'യെ നിയമിക്കുന്നതാണ് നല്ലതെന്നും ചിദംബരം പറഞ്ഞു. നേരത്തെ മന്ത്രിക്കെതിരെ കോണ്‍ഗ്രസും രംഗത്തുവന്നിരുന്നു. തകര്‍ന്ന് കിടക്കുന്ന രാജ്യത്തിന്റെ സാമ്പത്തിക മേഖലയെ ശക്തിപ്പെടുത്തുന്നതിനേക്കാള്‍ മന്ത്രിക്ക് താത്പര്യം യുറാനസ്, പ്ലൂട്ടോ എന്നീ ഗ്രങ്ങളിലൊക്കെയാണെന്നാണ് കോണ്‍ഗ്രസ് വിമര്‍ശിച്ചത്.

Content Highlights: p chidambaram, nirmala sitaraman

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)