ഹരിയാണയില്‍ കോളറ ബാധിച്ച് 9 വയസുകാരന്‍ മരിച്ചു; മുന്നൂറോളം പേര്‍ക്ക് രോഗം


പ്രതീകാത്മക ചിത്രം: ഫോട്ടോ | PTI

ന്യൂഡല്‍ഹി: ഹരിയാണയിലെ പഞ്ച്ഗുള ജില്ലയിലെ അഭയ്പൂരില്‍ വയറിളക്കം ബാധിച്ച് ഒന്‍പതുവയസുകാരന്‍ മരിച്ചു. വയറിളക്കം വ്യാപകമായ പഞ്ച്ഗുളയില്‍ ഇതുവരെ മുന്നൂറോളം പേരെയാണ് രോഗം ബാധിച്ചത്. നൂറോളം പേര്‍ ആശുപത്രിയിലാണ്.

ഡോക്ടര്‍മാരുടെ അശ്രദ്ധയാണ് കുട്ടിയുടെ മരണകാരണമെന്ന് ബന്ധുക്കള്‍ ആരോപിച്ചു. ചൊവ്വാഴ്ച രാത്രി ആശുപത്രിയില്‍ പ്രവേശിപ്പിച്ച കുട്ടിയെ പിറ്റേന്നു രാവിലെ തന്നെ ഡിസ്ചാര്‍ജ് ചെയ്തു. ഉച്ചയോടെയായിരുന്നു മരണം.

ബുധനാഴ്ചയാണ് ജില്ലയില്‍ ആദ്യരോഗം റിപ്പോര്‍ട്ട് ചെയ്തത്. പിന്നാലെ നൂറോളം പേരെ വയറിളക്കം ബാധിച്ച് മെഡിക്കല്‍ ക്യാമ്പുകളില്‍ പ്രവേശിപ്പിച്ചു. ഇതില്‍ 46 പേര്‍ കുട്ടികളാണ്. കുടിവെള്ളത്തില്‍ ഓടയിലെ വെള്ളം കലര്‍ന്നതാണ് രോഗകാരണമെന്നാണ് സംശയിക്കുന്നത്. പരിശോധനാ ഫലങ്ങള്‍ പുറത്തുവന്നതോടെയാണ് കോളറ ബാധയാണെന്ന് വ്യക്തമായത്. പഞ്ച്ഗുള ജില്ലാ മെഡിക്കല്‍ ഓഫീസര്‍ വ്യാഴാഴ്ച പ്രദേശം സന്ദര്‍ശിച്ചു.

പ്രദേശത്തെ അടിസ്ഥാന സൗകര്യങ്ങള്‍ പരിതാപകരമാണെന്നും ശുചിത്വത്തില്‍ ഏറെ പിന്നാക്കം നില്‍ക്കുന്ന പ്രദേശമാണിതെന്നും മെഡിക്കല്‍ ഓഫീസര്‍ മുക്ത കുമാര്‍ വ്യക്തമാക്കി. "തുറന്നു കിടക്കുന്ന ഓടയ്ക്ക് സമീപത്താണ് കുടിവെള്ള ടാങ്ക്. വീടുകളിലെ മാലിന്യങ്ങള്‍ ഈ ഓടയിലേക്കാണ് വന്നുചേരുന്നത്. മലിനജലം കുടിവെള്ളത്തില്‍ കലര്‍ന്നതാകും കോളറ വ്യാപനത്തിന് കാരണമായത്." അദ്ദേഹം പറഞ്ഞു.

Content Highlights: Cholera outbreak in Haryana; 9 year old boy dies


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented