ഉത്തരാഖണ്ഡില്‍ നൂറോളം ചൈനീസ് സൈനികര്‍ നിയന്ത്രണ രേഖ മറികടന്നു; സംഭവം കഴിഞ്ഞമാസം


ഇന്ത്യ - ചൈന അതിർത്തി | Photo: AP

ന്യൂഡല്‍ഹി: ചൈനയുടെ പീപ്പിള്‍സ് ലിബറേഷന്‍ ആര്‍മി (പി.എല്‍.എ.) സൈനികര്‍ ഉത്തരാഖണ്ഡില്‍ യഥാര്‍ഥ നിയന്ത്രണ രേഖ മറികടന്ന് ഇന്ത്യന്‍ അതിർത്തിയിലേക്ക് കടന്നതായി റിപ്പോര്‍ട്ട്. ഓഗസ്റ്റ് മുപ്പതിനാണ് സംഭവം നടന്നത്.

നൂറോളം വരുന്ന സൈനികര്‍ ബാരാഹോതി സെക്ടറിലെ യാര്‍ഥ നിയന്ത്രണ രേഖ കടന്ന് ഉള്ളിലേക്ക് കടക്കുകയും കുറച്ചുമണിക്കൂറുകള്‍ ചിലവഴിച്ച ശേഷം മടങ്ങിപ്പോവുകയും ചെയ്യുകയായിരുന്നെന്ന് ഉന്നത വൃത്തങ്ങളെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

ചൈനീസ് നീക്കത്തിന് പിന്നാലെ ഇന്ത്യ മറുപടിയെന്നോണം പ്രദേശത്ത് പട്രോളിങ് നടത്തി. അതേസമയം, ചൈനീസ് സൈന്യത്തിന്റെ കടന്നുകയറ്റത്തെ കുറിച്ച് ഔദ്യോഗിക പ്രസ്താവനകള്‍ ഉണ്ടായിട്ടില്ല.

അതിര്‍ത്തിയിലെ രണ്ട് നിര്‍ണായക പ്രദേശങ്ങളില്‍നിന്ന് സമ്പൂര്‍ണ സൈനിക പിന്മാറ്റത്തിന് ഇന്ത്യയും ചൈനയും സമ്മതിച്ചിട്ടുണ്ടെങ്കിലും കിഴക്കന്‍ ലഡാക്കിലെ പല മേഖലകളിലും ഇരു രാജ്യങ്ങളും തമ്മില്‍ സംഘര്‍ഷം നിലനില്‍ക്കുന്നുണ്ട്. ഈ പശ്ചാത്തലത്തിലാണ് ചൈനീസ് സൈനികരുടെ കടന്നുകയറ്റം എന്നതും ശ്രദ്ധേയമാണ്.

യഥാര്‍ഥ നിയന്ത്രണ രേഖയെ കുറിച്ച് വ്യത്യസ്തമായ ധാരണ വെച്ചുപുലര്‍ത്തുന്നതിനാല്‍ ബാരാഹോതി സെക്ടറില്‍ ഇരു രാജ്യങ്ങളുടെ ഭാഗത്തുനിന്നും ചെറിയതോതിലുള്ള കടന്നുകയറ്റങ്ങള്‍ സംഭവിക്കാറുണ്ടെന്ന് ഉന്നതവൃത്തങ്ങള്‍ സൂചിപ്പിക്കുന്നു. എന്നാല്‍ ഓഗസ്റ്റ് 30-ന് യഥാര്‍ഥ നിയന്ത്രണ രേഖ കടന്നെത്തിയ ചൈനീസ് സൈന്യത്തിന്റെ എണ്ണമാണ് ഇന്ത്യന്‍ അധികൃതരെ അമ്പരപ്പിച്ചത്.

content highlights: chinese army crossed lac in uttarakhand


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented