ഇന്ത്യൻ വിദേശകാര്യ സെക്രട്ടറിയുടെ സന്ദർശനത്തിനു പിന്നാലെ പ്രതിരോധ മന്ത്രിയെ നേപ്പാളിലേക്കയച്ച് ചൈന


നേപ്പാൾ സന്ദർശിക്കുന്ന ഇന്ത്യയുടെ വിദേശകാര്യ സെക്രട്ടറി ഹർഷ് ശ്രിങ്ഗ്ല |​ ഫോട്ടോ: എ.എൻ.ഐ

ന്യൂഡല്‍ഹി: ഇന്ത്യയുടെ വിദേശകാര്യ സെക്രട്ടറി ഹര്‍ഷ് ശ്രിങ്ഗ്ല കാഠ്മണ്ഡു സന്ദര്‍ശിച്ചതിനു പിന്നാലെ പ്രതിരോധ മന്ത്രിയെ നേപ്പാളിലേയ്ക്കയച്ച് ചൈന. നേപ്പാള്‍ വിദേശകാര്യ മന്ത്രാലയമാണ് ചൈനീസ് പ്രതിരോധ മന്ത്രി വേയ് ഫിങ്‌ഹെയുടെ സന്ദര്‍ശനം സംബന്ധിച്ച് ഔദ്യോഗിക പ്രഖ്യാപനം നടത്തിയത്.

നേപ്പാളുമായുള്ള ഉഭയകക്ഷി ബന്ധം ശക്തിപ്പെടുത്തുക എന്ന ലക്ഷ്യത്തോടെയായിരുന്നു ഇന്ത്യന്‍ വിദേശകാര്യ സെക്രട്ടറിയുടെ കാഠ്മണ്ഡു സന്ദര്‍ശനം. ഇതിനു തൊട്ടുപിന്നാലെയാണ് ചൈനീസ് പ്രതിരോധ മന്ത്രി ഒരു ദിവസത്തെ സന്ദര്‍ശനത്തിന് നേപ്പാളിലെത്തുമെന്ന പ്രഖ്യാപനം ഉണ്ടായത്. നവംബര്‍ 29ന് ആണ് വേയ് ഫിങ്‌ഹെ നേപ്പാളിലെത്തുക.

പ്രസിഡന്റ് ബിദ്യ ദേവി ഭണ്ഡാരി, പ്രധാനമന്ത്രി ശര്‍മ ഒലി, സൈനിക മേധാവി ജനറല്‍ പൂര്‍ണ ചന്ദ്ര ഥാപ്പ എന്നിവരുമായി വേയ് ഫിങ്‌ഹെ കൂടിക്കാഴ്ച നടത്തും. പ്രതിരോധ മന്ത്രിയുടെ നേപ്പാള്‍ സന്ദര്‍ശനം സംബന്ധിച്ച ചൈന ഇതുവരെ ഔദ്യോഗിക പ്രഖ്യാപനങ്ങളൊന്നും നടത്തിയിട്ടില്ല.

ഇന്ത്യന്‍ കരസേനാ മേധാവി മേധാവി ജനറല്‍ എം.എം. നരവണെ, റോ മേധാവി സാമന്ത് ഗോയല്‍ എന്നിവരുടെ സന്ദര്‍ശനത്തിനു പിന്നാലെയാണ് വിദേശകാര്യ സെക്രട്ടറി നേപ്പാള്‍ സന്ദര്‍ശിച്ചത്. ആശയവിനിമയം, അടിസ്ഥാനസൗകര്യ വികസനം തുടങ്ങിയവയടക്കം ഇന്ത്യയും നേപ്പാളും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതു സംബന്ധിച്ച ചര്‍ച്ചകള്‍ക്കായിരുന്നു സന്ദര്‍ശനത്തില്‍ ഊന്നല്‍.

Content Highlights: China sending defence minister to Nepal days after Indian foreign secretary’s visit

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


Dileep, sharath

1 min

ദിലീപിന്റെ സുഹൃത്ത് ശരതിനെ അറസ്റ്റ് ചെയ്ത് ജാമ്യത്തിൽ വിട്ടു; നടിയെ ആക്രമിച്ച കേസിലെ 'വിഐപി'

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022

More from this section




Most Commented