ന്യൂഡല്‍ഹി: രാജ്യത്തെ ഇന്ധന വിലയില്‍ കേന്ദ്രസര്‍ക്കാരിനെ പരിഹസിച്ച് മുതിര്‍ന്ന കോണ്‍ഗ്രസ് നേതാവ് പി ചിദംബരം. കഴിഞ്ഞ 19 ദിവസമായി പെട്രോള്‍-ഡീസല്‍ വില മാറ്റമില്ലാതെ തുടരുകയാണ്. ഇതിനുതൊട്ടുമുമ്പു വരെ റെക്കോര്‍ഡ് കുതിപ്പിലായിരുന്ന ഇന്ധനവിലയില്‍ ഇപ്പോള്‍ വര്‍ധനവില്ലാത്തത് എന്താണെന്ന ചോദ്യവുമായാണ് ചിദംബരത്തിന്റെ ട്വീറ്റ്.
18 ദിവസംമുമ്പ് ജൂലായ് 19 മുതല്‍ പാര്‍ലമെന്റ് വര്‍ഷകാല സമ്മേളനം ആരംഭിച്ചു. സഭ ചേരുന്നതിനാലാണോ ഇന്ധന വില കൂട്ടാത്തതെന്നാണ് ചിദംബരത്തിന്റെ ആദ്യ ചോദ്യം. പെഗാസസ് ചാര സോഫ്റ്റ് വെയര്‍ ഉപയോഗിച്ച് ഫോണ്‍ കോളുകള്‍ ചോര്‍ത്തുന്നതിനാല്‍ എണ്ണക്കമ്പനി മേധാവികൾക്ക് പരസ്പരം സംസാരിക്കാനാവാത്തതാണോ വില മാറ്റമില്ലാതെ തുടരുന്നതെന്നും ചിദംബരം ചോദിച്ചു. ഓഗസ്റ്റ് 15 വരെ ഇവരെല്ലാം ക്വാറന്റീനിലായതിനാലാണോ അതോ ഈ മൂന്ന് വസ്തുതയും ഇന്ധന വില വര്‍ധിപ്പിക്കാതിരിക്കാന്‍ കാരണമാണോയെന്നും ചിദംബരം ട്വിറ്റ് ചെയ്തു.
രാജ്യത്തെ ഇന്ധന വില വര്‍ധവില്‍ കേന്ദ്രസര്‍ക്കാരിനെതിരേ രാജ്യസഭയിലും ലോക്‌സഭയിലും കോണ്‍ഗ്രസ് വലിയ പ്രതിഷേധം ഉയര്‍ത്തിയിരുന്നു. വില വര്‍ധനവില്‍ പ്രതിഷേധിച്ച് വര്‍ഷകാല സമ്മേളനത്തിനായി രാഹുല്‍ ഗാന്ധി ഉള്‍പ്പെടെയുള്ള കോണ്‍ഗ്രസ് നേതാക്കള്‍ പാര്‍ലമെന്റിലേക്ക് സൈക്കിള്‍ ചവിട്ടിയെത്തി പ്രതിഷേധിച്ചിരുന്നു.
content highlights: Chidambaram takes dig at govt over fuel prices
Also Watch
RELATED STORIES
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..