അന്തര്‍വാഹിനിയുടെ വിവരം ചോര്‍ത്തൽ; രണ്ട് കമാന്‍ഡര്‍മാര്‍ ഉള്‍പ്പടെ ആറുപേര്‍ക്കെതിരെ കുറ്റപത്രം


പ്രതീകാത്മകചിത്രം| Photo: AFP

ന്യൂഡല്‍ഹി: ഇന്ത്യയുടെ കിലോ ക്ലാസ് അന്തര്‍വാഹിനിയുമായി ബന്ധപ്പെട്ട രഹസ്യവിവരങ്ങള്‍ പുറത്തുള്ളവര്‍ക്ക് കൈമാറിയതിന് നാവികസേനയിലെ രണ്ട് കമാന്‍ഡര്‍മാര്‍ ഉള്‍പ്പെടെ ആറുപേര്‍ക്കെതിരെ സി.ബി.ഐ. കുറ്റപത്രം സമര്‍പ്പിച്ചു. നാവികസേനയില്‍നിന്ന് വിരമിച്ച രണ്ട് ഉദ്യോഗസ്ഥന്മാരുടെ പേരും കുറ്റപത്രത്തിലുണ്ട്. അഴിമതി നിരോധന നിയമപ്രകാരവും ഐ.പി.സി. പ്രകാരവുമാണ് ആറുപേര്‍ക്കുമെതിരെ കുറ്റം ചുമത്തിയിരിക്കുന്നത്.

ഇന്ത്യയുടെ കിലോ ക്ലാസ് അന്തര്‍വാഹിനികളുമായി ബന്ധപ്പെട്ട മീഡിയം റീഫിറ്റ് ലൈഫ് സെര്‍ട്ടിഫിക്കേഷന്‍(എം.ആര്‍.എല്‍.സി.) പദ്ധതിയുടെ വാണിജ്യവിവരങ്ങള്‍ പണത്തിനു വേണ്ടി പുറത്തുനിന്നുള്ളവര്‍ക്ക് ഇവര്‍ കൈമാറുകയായിരുന്നെന്ന് സി.ബി.ഐ. വ്യക്തമാക്കി. നാവിക സേനയില്‍നിന്ന് വിരമിച്ച രണ്‍ദീപ് സിങ്, എസ്.ജെ. സിങ് എന്നിവരെ സെപ്റ്റംബര്‍ മൂന്നിന് അറസ്റ്റ് ചെയ്തതിന് പിന്നാലെയാണ് കേസ് പുറത്തെത്തുന്നത്. തുടര്‍ന്ന് നടത്തിയ അന്വേഷണത്തില്‍ രണ്‍ദീപിന്റെ ഉടമസ്ഥതയിലുള്ളിടത്തുനിന്ന് ഏകദേശം രണ്ടുകോടി രൂപ കണ്ടെടുത്തുവെന്നാണ് ഉന്നതവൃത്തങ്ങള്‍ നല്‍കുന്ന വിവരം.

പിന്നീട് നടത്തിയ അന്വേഷണത്തിന്റെ അടിസ്ഥാനത്തില്‍, വെസ്റ്റേണ്‍ നേവല്‍ കമാന്‍ഡ് ഹെഡ് ക്വാട്ടേഴ്‌സിലെ കമാന്‍ഡര്‍ അജിത് കുമാര്‍ പാണ്ഡേയെയും സി.ബി.ഐ. അറസ്റ്റ് ചെയ്തു. ഇവിടെത്തന്നെ അജിത് കുമാര്‍ പാണ്ഡേയുടെ കീഴില്‍ ജോലി ചെയ്യുന്ന മറ്റൊരു കമാന്‍ഡറെയും സി.ബി.ഐ. പിന്നീട് അറസ്റ്റ് ചെയ്തു. ഈ രണ്ട് കമാന്‍ഡര്‍മാരും കിലോ ക്ലാസ് അന്തര്‍വാഹിനികളുമായി ബന്ധപ്പെട്ട രഹസ്യ സ്വഭാവമുള്ള വാണിജ്യവിവരങ്ങള്‍, വിദേശ കമ്പനികള്‍ക്കു വേണ്ടി പ്രവര്‍ത്തിച്ചിരുന്ന വിരമിച്ച നാവിക ഉദ്യോഗസ്ഥര്‍ക്കു കൈമാറുകയായിരുന്നെന്നാണ് സി.ബി.ഐ. വൃത്തങ്ങള്‍ വ്യക്തമാക്കുന്നത്.

ഇക്കൊല്ലം ആദ്യമാണ് എസ്.ജെ. സിങ് നാവികസേനയില്‍നിന്ന് വിരമിച്ചത്. ഇന്ത്യയിലെ നാവിക സേനാ പദ്ധതികളില്‍ താല്‍പര്യമുള്ള കൊറിയന്‍ കമ്പനിക്കു വേണ്ടിയാണ് നിലവില്‍ സിങ് ജോലി ചെയ്യുന്നത്. ഒരു റിയര്‍ അഡ്മിറല്‍ ഉള്‍പ്പെടെ കുറഞ്ഞത് പന്ത്രണ്ടോളം പേരെ ഈ കേസുമായി ബന്ധപ്പെട്ട് ചോദ്യം ചെയ്തിരുന്നു.

content highlights: charge sheet against six including two commanders in submarine info leakage case

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022


meena

1 min

'എന്റെ ജീവിതം കൂടുതല്‍ മനോഹരമാക്കിയ മഴവില്ല്';വിദ്യാസാഗറിനെ കുറിച്ച് അന്ന് മീന പറഞ്ഞു

Jun 29, 2022

Most Commented