600 കോടിയുടെ നിക്ഷേപ തട്ടിപ്പ്; തമിഴ്‌നാട്ടിൽ ബി.ജെ.പി. നേതാവിനും സഹോദരനുമെതിരേ കേസ്


മാതൃഭൂമി ന്യൂസ്, ചെന്നൈ

നിക്ഷേപിക്കുന്ന പണം നിശ്ചിത കാലയളവില്‍ ഇരട്ടിയായി നല്‍കാം എന്ന് ഉറപ്പ് നല്‍കിയായിരുന്നു തട്ടിപ്പ്.

വിക്ടറി ഫിനാൻസിന്റെ ഓഫീസ് | സ്ക്രീൻ ഗ്രാബ്

തഞ്ചാവൂര്‍: നിക്ഷേപ പദ്ധതിയുടെ പേരില്‍ 600 കോടി രൂപയുടെ തട്ടിപ്പ് നടത്തിയതിന് തമിഴ്നാട്ടിലെ തഞ്ചാവൂര്‍ സ്വദേശികളായ ബിജെപി നേതാവിനും സഹോദരനും എതിരേ കേസ്. 'ഹെലിക്കോപ്റ്റര്‍ സഹോദരങ്ങള്‍' എന്നപേരില്‍ തഞ്ചാവൂരില്‍ അറിയപ്പെട്ട എം.ആര്‍. ഗണേഷ്, എം.ആര്‍.സ്വാമിനാഥന്‍ എന്നിവര്‍ക്കേതിരെയാണ് പോലീസ് കേസെടുത്തത്. നിക്ഷേപിക്കുന്ന പണം നിശ്ചിത കാലയളവില്‍ ഇരട്ടിയായി നല്‍കാം എന്ന് ഉറപ്പ് നല്‍കിയായിരുന്നു തട്ടിപ്പ്. ഇവര്‍ ഒളിവിലാണ്. ഇവരുടെ സഹായിയെ അറസ്റ്റ് ചെയ്തു

കുറച്ച് വര്‍ഷം മുന്‍പ് കുംഭകോണത്ത് ഇരുവരും ചേര്‍ന്ന് വിക്ടറി ഫിനാന്‍സ് എന്ന സ്ഥാപനം തുടങ്ങി. അതു വഴിയായിരുന്നു തട്ടിപ്പ് നടത്തിയത്. നിക്ഷേപിക്കുന്ന തുക ഒരു വര്‍ഷത്തിനകം ഇരട്ടിയാക്കി തിരിച്ചു തരാം എന്ന ഉറപ്പ് നല്‍കി നൂറിലധികം പേരില്‍ നിന്ന് പണം കൈക്കലാക്കി. പണം വാങ്ങാനായി ഏജന്റ്മാരെയും നിയോഗിച്ചിരുന്നു. ഇങ്ങനെ ആകെ 600 കോടി രൂപയോളം സമാഹരിച്ചു.

ആദ്യ ഘട്ടത്തില്‍ കുറച്ചു പേര്‍ക്ക് പണം ഇരട്ടിയായി തിരിച്ച് നല്‍കി. ഇത് ആളുകളില്‍ വിശ്വാസ്യത ഉണ്ടാകാന്‍ കാരണമായി. ഒരു ലക്ഷം രൂപ മുതല്‍ 15 കോടി രൂപ വരെ ഓരോരുത്തരും വിക്ടറി ഫിനാന്‍സില്‍ നിക്ഷേപിച്ചു. എന്നാല്‍, കഴിഞ്ഞ കുറച്ചുമാസമായി ആളുകള്‍ പണം തിരിച്ച് ചോദിക്കുമ്പോള്‍ സഹോദരങ്ങള്‍ ഗുണ്ടകളെ വിട്ടും രാഷ്ട്രീയ സ്വാധീനം കാട്ടിയും ഭീഷണിപ്പെടുത്തി. പണം തിരികെ നല്‍കിയുമില്ല.

15 കോടി രൂപ നഷ്ടപ്പെട്ട ജാഫറുള്ളയുടേയും ഭാര്യ ഫൈരാജ് ഭാനുവിന്റെയും പരാതിയില്‍ പോലീസ് കേസ് റജിസ്റ്റര്‍ ചെയ്തു. കേസന്വേഷണത്തിന് തഞ്ചാവൂര്‍ ജില്ലാ ക്രൈംബ്രാഞ്ച് പ്രത്യേക സംഘത്തെ നിയോഗിച്ചു. വിക്ടറി ഫിനാന്‍സിന്റെ മാനേജര്‍ ശ്രീകാന്തിനെ അറസ്റ്റ് ചെയ്തു. മുഖ്യ പ്രതികളായ സഹോദരങ്ങള്‍ ഒളിവിലാണ്. ഇവരുടെ 11 ആഡംബര വാഹനങ്ങള്‍ പോലീസ് കസ്റ്റഡിയില്‍ എടുത്തു.

നാട്ടില്‍ പാല്‍ ശുദ്ധീകരണ പ്ലാന്റ് തുടങ്ങിയും സ്വകാര്യ ഹെലിപ്പാഡ് നിര്‍മിച്ച് സ്വന്തമായി ഹെലിക്കോപ്റ്റര്‍ വാങ്ങിയുമെല്ലാം നാട്ടുകാരുടെ ആദരവും വിശ്വാസ്യതയും നേടിയെടുക്കാന്‍ സഹോദരങ്ങള്‍ ശ്രമിച്ചു. അര്‍ജുന്‍ എന്ന പേരില്‍ ഏവിയേഷന്‍ കമ്പനിയും റജിസ്റ്റര്‍ ചെയ്തു. പ്രതി ഗണേഷിനെ ബി.ജെ.പി. വ്യാപാര സംഘടനാ നേതൃസ്ഥാനത്ത് നിന്ന് പുറത്താക്കിയതായി ബി.ജെ.പി. തഞ്ചാവൂര്‍ ജില്ലാ ഭാരവാഹികള്‍ അറിയിച്ചു.

Content Highlights: Case registered agianst BJP leader and his brother for fraud

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented