സംശയിക്കേണ്ട, ഷാരൂഖ്‌ നിങ്ങളുടെ കടയുടെ പരസ്യത്തിലും അഭിനയിക്കും; വൈറലായി കാഡ്ബറി പരസ്യം


ഷാരൂഖ് ഖാൻ പരസ്യത്തിൽ. photo: cadbury celebrations|youtube screen grab

ന്യൂഡല്‍ഹി: കോവിഡ് മഹാമാരി തീര്‍ത്ത പ്രതിസന്ധിയില്‍ നിന്ന് കരകയറാന്‍ സാധിക്കാത്ത രാജ്യത്തെ ചെറുകിട-ഇടത്തരം കച്ചവടര്‍ക്ക് ദീപാവലി ഉത്സവകാലത്ത് കൈത്താങ്ങേകാന്‍ കാഡ്ബറിയുടെ പുതിയ പരസ്യം. രാജ്യത്തെ ഏറ്റവും വലിയ ബ്രാന്‍ഡ് അംബാസഡറായ ബോളിവുഡ് താരം ഷാരുഖിനെ ദീപാവലി കാലത്ത്‌ ഏതു ചെറിയ കടകളുടെയും ബ്രാന്‍ഡ് അംബാസഡറാക്കി മാറ്റാവുന്ന തരത്തിലാണ് കാഡ്ബറിയുടെ പരസ്യം.

വ്യത്യസ്തമായ പരസ്യത്തിലൂടെ പരസ്യ മേഖലയില്‍ പുതിയ പരീക്ഷണങ്ങള്‍ക്കാണ് കാഡ്‌ബെറി വഴിവെക്കുന്നത്. ദീപാവലി ആഘോഷമാക്കാന്‍ കടകളില്‍ നിന്ന് പുതിയ വീട്ടുപകരണങ്ങള്‍, ഇലക്ട്രോണിക്‌സ്, ചെരുപ്പുകള്‍ എന്നിവയുടെ വില്‍പനയ്ക്ക് പ്രചാരം നല്‍കുന്നതാണ് പരസ്യം. 'ഇത് കാഡ്ബറിയുടെ പരസ്യം മാത്രമല്ല' എന്ന രണ്ടര മിനിറ്റോളം നീങ്ങുന്ന പരസ്യചിത്രം ഇതിനോടകം വൈറലായും മാറി.

മെഷീന്‍ ലേണിങ് സാങ്കേതിക വിദ്യ ഉപയോഗിച്ച് ഷാരൂഖിന്റെ മുഖഭാവവും ശബ്ദവും പരസ്യത്തില്‍ പുനഃരാവിഷ്‌കരിക്കാന്‍ സാധിക്കും. ഇതുവഴി രാജ്യത്തെ ഏത് പ്രാദേശിക കച്ചവടക്കാര്‍ക്കും തങ്ങളുടെ കടയുടെ പേരില്‍ ഷാരുഖിന്റെ പരസ്യം നിര്‍മിക്കാനാകും. കോവിഡ് പ്രതിസന്ധിയില്‍ നഷ്ടത്തിലായ ചെറുകിട കച്ചവടക്കാര്‍ക്ക് ദീപാവലി കാലത്ത് കൂടുതല്‍ ഉപഭോക്താക്കളെ തങ്ങളുടെ കടയിലേക്ക് ആകര്‍ഷിക്കാന്‍ ഇത്തരം പരസ്യത്തിലൂടെ സാധിക്കുമെന്നും കാഡ്ബറി കണക്കുകൂട്ടുന്നു.

കാഡ്‌ബെറി വെബ്‌സൈറ്റിലൂടെ ഓരോ സ്ഥലത്തിന്റെയും പിന്‍കോഡ് ഉപയോഗിച്ചാണ് കച്ചവടക്കാര്‍ക്ക് അവരവരുടെ കടയുടെ പ്രചാരത്തിനുള്ള പരസ്യം നിര്‍മിക്കാന്‍ സാധിക്കുക. അതേസമയം എല്ലാ കടകളും ഇതില്‍ ഉള്‍ക്കൊള്ളിക്കാന്‍ പ്രയാസകരമാണെന്നും കമ്പനി പരസ്യത്തില്‍ പറയുന്നു. ചെറിയ കച്ചവടക്കാരെ പ്രോത്സാഹിപ്പിക്കാനുള്ള കാഡ്ബറിയുടെ ശ്രമത്തെ അഭിനന്ദിച്ച് നിരവധി പേര്‍ യൂട്യൂബ് വീഡിയോയ്ക്ക് താഴെ അഭിപ്രായം രേഖപ്പെടുന്നുണ്ട്.

കോവിഡ് മഹാമാരിയുടെ കാലത്ത് നഷ്ടത്തിലായ വലിയ വ്യവസായ കമ്പനികളും മുന്‍നിര ബ്രാന്‍ഡുകളും തിരിച്ചുവരവിന്റെ പാതയിലാണ്. എന്നാല്‍ ചെറിയ-ഇടത്തരം കച്ചവടക്കാരെല്ലാം ഇപ്പോഴും കരകയറാന്‍ ബുദ്ധിമുട്ടുകയാണ്. ഇവര്‍ക്കെല്ലാം സഹായമേകാനാണ് പുതിയ പരസ്യമെന്ന് പറഞ്ഞാണ് കാഡ്ബറിയുടെ ദീപാവലി പരസ്യം ആരംഭിക്കുന്നത്. നമുക്ക് ചുറ്റുമുള്ള ചെറിയ കച്ചവടക്കാരും സന്തോഷകരമായ ദീപാവലി അര്‍ഹിക്കുന്നുണ്ടെന്ന ഷാരൂഖിന്റെ സന്ദേശത്തോടെയാണ് പരസ്യം അവസാനിക്കുന്നത്.

content highlights: Cadbury's viral Diwali ad, Shah Rukh Khan

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented