സി.എ.എ .വിരുദ്ധ പ്രക്ഷോഭകാരിയുടെ ചിത്രം വരച്ചവര്‍ അസമില്‍ അറസ്റ്റില്‍


അനീതിക്കെതിരെയുള്ള ചെറുത്തുനില്‍പ്പിന്റെ പ്രതീകം എന്ന നിലയ്ക്കാണ് അഖിലിന്റെ ചിത്രം വരച്ചതെന്ന് ചിത്രകാരനും ഡല്‍ഹി കോളേജ് ഒഫ് ആര്‍ട്സിലെ അദ്ധ്യാപകനുമായ ദ്രുപജിത് ശര്‍മ്മ പറഞ്ഞു.

മതിലിൽ വരച്ച ചിത്രം | Photo Courtesy: telegraphindia.com|india|art-on-caa-detainee-gets-whitewashed-in-bjp-ruled-assam|cid|1798013

ഗുവാഹട്ടി: സി.എ.എ. വിരുദ്ധ പ്രക്ഷോഭത്തിന് ജയിലിലടയ്ക്കപ്പെട്ട വിദ്യാര്‍ത്ഥി നേതാവിന്റെ ചിത്രം പൊതുസ്ഥലത്ത് വരച്ചതിന് നാല് ചിത്രകാരന്മാരെയും ഒരു വിദ്യാര്‍ത്ഥി നേതാവിനെയും അസം പോലിസ് അറസ്റ്റ് ചെയ്തു. നാലു മണിക്കൂറിനു ശേഷം ഇവരെ വിട്ടയച്ചെങ്കിലും പോലിസ് ഇവരെക്കൊണ്ട് ചിത്രം മായ്പിച്ചതായി ദ ടെലഗ്രാഫ് റിപ്പോര്‍ട്ട് ചെയ്തു.

അസമില്‍ സി.എ.എ. വിരുദ്ധ പ്രക്ഷോഭത്തിന് നേതൃത്വം നല്‍കിയ അഖില്‍ ഗൊഗൊയ് എന്ന വിദ്യാര്‍ത്ഥി നേതാവിന്റെ ചിത്രമാണ് അംഗ ആര്‍ട്ട് കളക്റ്റിവ് എന്ന ചിത്രകാരന്മാരുടെ കൂട്ടായ്മ ഗുവാഹട്ടിയിലെ ദേശീയ പാത 37-ലുള്ള സുരക്ഷാ മതിലിന്മേല്‍ വരച്ചത്. അനീതിക്കെതിരെയുള്ള ചെറുത്തുനില്‍പ്പിന്റെ പ്രതീകം എന്ന നിലയ്ക്കാണ് അഖിലിന്റെ ചിത്രം വരച്ചതെന്ന് ചിത്രകാരനും ഡല്‍ഹി കോളേജ് ഒഫ് ആര്‍ട്സിലെ അദ്ധ്യാപകനുമായ ദ്രുപജിത് ശര്‍മ്മ പറഞ്ഞു. 2019 ഡിസംബറില്‍ അറസ്റ്റ് ചെയ്യപ്പെട്ട അഖില്‍ ഇപ്പോഴും ജയിലിലാണ്.

പോലിസുകാരുടെ സാന്നിദ്ധ്യത്തിലാണ് തങ്ങളെക്കൊണ്ട് ചിത്രം മായ്പിച്ചതെന്ന് ശര്‍മ്മ പറഞ്ഞു. ചിത്രം വരയ്ക്കാന്‍ ആറു മണിക്കൂര്‍ എടുത്തെങ്കില്‍, മായ്ച്ചു കളയാന്‍ അഞ്ചു മിനിറ്റേ വേണ്ടി വന്നുള്ളുവെന്നും ശര്‍മ്മ ചൂണ്ടിക്കാട്ടി. പൊതുസ്ഥലത്ത് ചിത്രം വരയ്ക്കണമെങ്കില്‍ മുന്‍കൂര്‍ അനുമതി വാങ്ങണമെന്ന് പറഞ്ഞാണ് പോലിസ് തങ്ങളെ ബുധനാഴ്ച അറസ്റ്റ് ചെയ്തതെന്ന് ശര്‍മ്മ പറഞ്ഞു.

അതേസമയം, പൊതുസ്ഥലത്ത് ഭുപെന്‍ ഹസാരികയെപ്പോലുള്ള കലാകരന്മാരുടെ പടം വരയ്ക്കുന്നതിന് പ്രശ്നമില്ലെന്നും എന്നാല്‍ പ്രക്ഷോഭകാരികളുടെ പടം വരയ്ക്കാനാവില്ലെന്നുമാണ് പോലിസിന്റെ നിലപാടെന്നും ശര്‍മ്മ പറഞ്ഞു. പോലിസ് നടപടി ആവിഷ്‌കാര സ്വാതന്ത്ര്യത്തിന്റെ നിഷേധമാണെന്ന് അസമിലെ വിദ്യാര്‍ത്ഥി സംഘടനയായ സത്ര മുക്തി സംഗ്രാം സമിതി കുറ്റപ്പെടുത്തി.

Content Highlights: CAA detainee on wall art, Artists arrested in Assam

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented