'പരസ്യത്തിലെ വിളക്കുവില്‍പനക്കാരന്‍റെ പേര് മോദിയുടെ പിതാവിന്റേത്'; കാഡ്ബറിക്കെതിരെ ബഹിഷ്‌കരണാഹ്വാനം


ദീപാവലിക്ക് ഉപയോഗിക്കുന്ന വിളക്കുകള്‍ വില്‍ക്കുന്ന വഴിയോര കച്ചവടക്കാരനാണ് പരസ്യത്തില്‍ ദാമോദര്‍ എന്ന പേര്‌ നല്‍കിയിരിക്കുന്നത്

പരസ്യത്തിലെ കഥാപാത്രം | Photo: Screen Grab( Youtube/Cadburry Celebrations)

ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ പിതാവിന്റെ പേര് പരസ്യത്തില്‍ ഉപയോഗിച്ചെന്ന് ആരോപിച്ച് കാഡ്ബറി ചോക്ലേറ്റിനെതിരെ ബഹിഷ്‌കരണ ആഹ്വാനം. പരസ്യത്തിലെ ദരിദ്രനായ കച്ചവടക്കാരന്റെ പേര് 'ദാമോദര്‍' എന്ന് ഉപയോഗിച്ചതില്‍ പ്രതിഷേധിച്ചാണ് സാമൂഹിക മാധ്യമങ്ങളില്‍ ബഹിഷ്‌കരണ ആഹ്വാനം. ബഹിഷ്‌കരണം ആഹ്വാനം ചെയ്തുള്ള ഹാഷ്ടാഗ് ട്വിറ്ററില്‍ ട്രെന്‍ഡിങ്ങാണ്.

പരസ്യത്തില്‍ ദീപാവലിക്ക് ഉപയോഗിക്കുന്ന വിളക്കുകള്‍ വില്‍ക്കുന്ന വഴിയോര കച്ചവടക്കാരന്‍റെ പേര് ദാമോദര്‍ എന്നാണ്. ഡോക്ടര്‍ എന്ന കഥാപാത്രം കച്ചവടക്കാരന് ദീപാവലി ആശംസകള്‍ അര്‍പ്പിച്ചുകൊണ്ട് കാഡ്ബറി ചോക്ലേറ്റുമായി എത്തുന്നതാണ് പരസ്യത്തിലുള്ളത്. ഈ പരസ്യത്തിനെതിരേ വി.എച്ച്.പി. നേതാവ് പ്രാചി സാധ്വി അടക്കം രംഗത്തെത്തിയിട്ടുണ്ട്.

'ടി.വി. ചാനലുകളിലെ കാഡ്ബറി പരസ്യം നിങ്ങള്‍ സൂക്ഷ്മമായി ശ്രദ്ധിച്ചോ? സ്വന്തമായി കടയില്ലാത്ത ദരിദ്രനായ വിളക്കു കച്ചവടക്കാരന് ദാമോദര്‍ എന്നാണ് പേര്. പ്രധാനമന്ത്രി നരേന്ദ്രമോദിയുടെ പിതാവിന്റെ പേരുള്ളയാളെ മോശമായി ചിത്രീകരിക്കാനാണ് ഇത്തരത്തില്‍ പേര് നല്‍കിയിരിക്കുന്നത്. ചായ വില്‍ക്കുന്നയാളുടെ പിതാവ് വിളക്കുവില്‍പ്പനക്കാരന്‍'- പ്രാചി സാധ്വി ട്വീറ്റ് ചെയ്തു.

ആദ്യമായല്ല കാഡ്ബറി ചോക്ലേറ്റുകള്‍ക്കെതിരെ ബഹിഷ്‌കരണ ആഹ്വാനം ഉയരുന്നത്. ഇന്ത്യയില്‍ വില്‍ക്കുന്ന കാഡ്ബറി ഡയറി മില്‍ക്ക് ചോക്ലേറ്റില്‍ ബീഫ് ഉപയോഗിക്കുന്നുണ്ട് എന്ന് ആരോപിച്ചായിരുന്നു കഴിഞ്ഞ വര്‍ഷം ബഹിഷ്‌കരണ ആഹ്വാനം. ആസ്‌ട്രേലിയയില്‍ വില്‍പ്പന നടത്തുന്ന ഡയറി മില്‍ക്കിന്റെ വിവരങ്ങള്‍ അടങ്ങിയ സ്‌ക്രീന്‍ ഷോട്ട് ഉപയോഗിച്ചായിരുന്നു അന്ന് പ്രചാരണം. എന്നാല്‍, ഇന്ത്യയില്‍ വില്‍ക്കുന്ന ഡയറി മില്‍ക്ക് നൂറു ശതമാനം വെജിറ്റേറിയന്‍ ആണെന്നും ബീഫ് ഉപയോഗിക്കുന്നില്ലെന്നും അന്ന് കമ്പനി വ്യക്തിമാക്കിയിരുന്നു.

Content Highlights: Boycott Cadbury Sadhvi Prachi advertisement Damodar PM Narendra Modi's father


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gujarat

1 min

ഏഴാം തവണയും ഗുജറാത്ത്‌ പിടിച്ച് ബിജെപി: 152 സീറ്റില്‍ വ്യക്തമായ ലീഡ്‌

Dec 8, 2022


ജിനേഷ്‌

2 min

പീഡനക്കേസില്‍ പിടിയിലായ DYFI നേതാവിന്റെ ഫോണില്‍ 30 ഓളം സ്ത്രീകളുമായുള്ള വീഡിയോകള്‍,ലഹരിക്കൈമാറ്റം

Dec 7, 2022


10:28

EXPLAINED | വിഴിഞ്ഞം സമരം ഒത്തുതീർപ്പിനു പിന്നിലെന്ത്? വാഗ്ദാനങ്ങൾ എന്തൊക്കെ?

Dec 7, 2022

Most Commented