Photo - ANI
ന്യൂഡല്‍ഹി: കൊറോണ വൈറസ് പ്രതിസന്ധിക്കിടെ ബിജെപി പ്രവര്‍ത്തകര്‍ രാജ്യത്തെ 11 കോടി ജനങ്ങള്‍ക്ക് ഒരു നേരത്തെ ഭക്ഷണം നല്‍കിയെന്ന് കേന്ദ്രമന്ത്രി അമിത് ഷാ. ബിജെപി ആസ്ഥാനത്തുനിന്ന് വെര്‍ച്വല്‍ ഒഡീഷ ജന്‍ സംവാദ് റാലിയെ അഭിസംബോധന ചെയ്യവെയാണ് അദ്ദേഹം ഇക്കാര്യം അവകാശപ്പെട്ടത്. 11 കോടി ജനങ്ങള്‍ക്ക് ഒരു നേരത്തെ ഭക്ഷണം നല്‍കിയതിന് ബിജെപി അധ്യക്ഷന്‍ ജെ.പി നഡ്ഡയേയും എല്ലാ പാര്‍ട്ടി പ്രവര്‍ത്തകരെയും അഭിനന്ദിക്കുന്നു. ദുരിതകാലത്ത് കുടിയേറ്റ തൊഴിലാളികളെ പാര്‍ട്ടി പ്രവര്‍ത്തകന്‍ സഹായിക്കുന്നതു കണ്ട താന്‍ അഭിമാന പുളകിതനായി.
ഇതിന്റെ പേരില്‍ പാര്‍ട്ടി അധ്യക്ഷനെയും മുഴുവന്‍ ടീമിനെയും പാര്‍ട്ടി പ്രവര്‍ത്തകരെയും ആത്മാര്‍ഥമായി അഭിനന്ദിക്കുന്നു. അധികാരം നേടുന്നതിന് വേണ്ടിയുള്ളതല്ല ബിജെപിയുടെ രാഷ്ട്രീയം. ജനങ്ങളുടെ പ്രശ്‌നങ്ങള്‍ മനസിലാക്കുന്നതിനാണ് ഇത്തരത്തിലുള്ള സംവാദങ്ങള്‍ നടത്തുന്നത്. ജനങ്ങള്‍ക്ക് വേണ്ടിയാണ് ബിജെപി പ്രവര്‍ത്തിക്കുന്നത്.
മനുഷ്യവര്‍ഗത്തിന് നേരെയുള്ള വലിയ വെല്ലുവിളിയാണ് കൊറോണ വൈറസ് വ്യാപനം. അതിനെ നേരിടാന്‍ സാമൂഹ്യ അകലം പാലിക്കാനാണ് പ്രധാനമന്ത്രി നരേന്ദ്ര മോദി നിര്‍ദ്ദേശിച്ചിട്ടുള്ളത്. എന്നാല്‍ രാജ്യത്തെ ജനങ്ങളും ബിജെപിയും തമ്മില്‍ ഒരിക്കലും അകലില്ല. പാര്‍ട്ടി അധ്യക്ഷന്‍ ജെ.പി നഡ്ഡയുടെ നേതൃത്വത്തില്‍ വെര്‍ച്വല്‍ റാലികള്‍ നടത്തി ജനങ്ങളുമായുള്ള ബന്ധം നിലനിര്‍ത്തുകയാണ് ബിജെപി ഇപ്പോള്‍ ചെയ്യുന്നത്. മഹാമാരിയുടെ കാലത്തുപോലും വെര്‍ച്വല്‍ റാലികളിലൂടെ പാര്‍ട്ടിക്ക് ജനങ്ങളുമായുള്ള ബന്ധം നിലനിര്‍ത്താന്‍ കഴിയുമെന്നാണ് നാം ലോകത്തിന് കാട്ടിക്കൊടുക്കുന്നത്.
കൊറോണ പോലെയുള്ള മഹാമാരികളുടെ കാലത്ത് എല്ലാ കുടിയേറ്റ തൊഴിലാളികളും ബന്ധുക്കളുടെ അടുത്തെത്താന്‍ ആഗ്രഹിക്കും. വിവിധ സംസ്ഥാന സര്‍ക്കാരുകള്‍ അവര്‍ക്കുവേണ്ടി ക്യാമ്പുകള്‍ തയ്യാറാക്കുകയും സൗകര്യങ്ങള്‍ ഒരുക്കുകയും ചെയ്തിരുന്നു. എല്ലാ സംസ്ഥാനങ്ങളും ഇക്കാര്യത്തില്‍ മികച്ച പ്രവര്‍ത്തനമാണ് കാഴ്ചവച്ചതെന്നും അദ്ദേഹം പറഞ്ഞു.
ഇന്ത്യന്‍ സൈന്യം പാക് അതിര്‍ത്തി കടന്ന് നടത്തിയ മിന്നലാക്രമണം സംബന്ധിച്ച പരാമര്‍ശവും അദ്ദേഹം ആവര്‍ത്തിച്ചു. പാക് അതിര്‍ത്തി കടന്ന് മിന്നലാക്രമണം നടത്താന്‍ പ്രധാനമന്ത്രി നരേന്ദ്രമോദി ഉത്തരവിട്ടു. അതിര്‍ത്തി ലംഘനം ഇന്ത്യ അംഗീകരിക്കില്ലെന്ന് ഇന്ന് ലോകരാജ്യങ്ങള്‍ തിരിച്ചറിയുന്നുവെന്നും അദ്ദേഹം പറഞ്ഞു.
Content Highlights: BJP workers provided food to over 11 crore people during coronavirus pandemic: Amit Shah
Also Watch
RELATED STORIES
.jpg?$p=5d1c0c1&f=1x1&w=100&q=0.8)
.jpg?$p=d711aab&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=a80322e&q=0.8&f=16x11&w=104)
.jpg?$p=1990e2a&q=0.8&f=16x11&w=104)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..