പശ്ചിമ ബംഗാളില്‍ അടുത്ത തിരഞ്ഞെടുപ്പില്‍ ബിജെപി അധികാരം പിടിക്കും- ജെ.പി. നഡ്ഡ


Photo: PTI

ന്യൂഡല്‍ഹി: പശ്ചിമബംഗാളില്‍ 2026ലെ നിയമസഭാ തിരഞ്ഞെടുപ്പില്‍ ബിജെപി അധികാരത്തില്‍ വരുമെന്ന് ദേശീയ അധ്യക്ഷന്‍ ജെ.പി. നഡ്ഡ. ഇക്കഴിഞ്ഞ തിരഞ്ഞെടുപ്പില്‍ ബിജെപി ബംഗാളില്‍ ചുരുങ്ങിയ കാലംകൊണ്ട് വലിയ മുന്നേറ്റമുണ്ടാക്കിയെന്നും അദ്ദേഹം പറഞ്ഞു. പശ്ചിമബംഗാളിലെ ബിജെപി പ്രവര്‍ത്തക സമിതിയെ ഓണ്‍ലൈനില്‍ അഭിസംബോധന ചെയ്യുകയായിരുന്നു നഡ്ഡ.

പശ്ചിമബംഗാളില്‍ ബിജെപി ചുരുങ്ങിയ സമയംകൊണ്ട് വലിയൊരു ദൂരം പിന്നിട്ടുകഴിഞ്ഞു. 2014ല്‍ വെറും രണ്ട് സീറ്റും 18 ശതമാനം വോട്ടുമാണ് ബിജെപി നേടിയത്. 2016ല്‍ മൂന്നു സീറ്റും 10.16 ശതമാനം വോട്ടും നേടി. 2019ല്‍ 40.25 ശതമാനം വോട്ടും 18 ലോകസഭാ സീറ്റുകളുമാണ് നേടിയത്.



അതേസമയം, അടുത്തിടെ നടന്ന നിയമസഭാ തിരഞ്ഞെടുപ്പില്‍ ബിജെപിയുടെ വോട്ട് 38.1 ശതമാനമായി ഉയരുകയും 77 സീറ്റുകള്‍ നേടുകയും ചെയ്തു, നഡ്ഡ ചൂണ്ടിക്കാട്ടി. അടുത്ത അഞ്ചു വര്‍ഷംകൊണ്ട് പശ്ചിമബംഗാളില്‍ ബിജെപി വലിയ മുന്നേറ്റമുണ്ടാക്കുമെന്നും സര്‍ക്കാര്‍ രൂപവത്കരിക്കുമെന്നും നഡ്ഡ പറഞ്ഞു.

പശ്ചിമബംഗാളില്‍ തിരഞ്ഞെടുപ്പ് ഫലപ്രഖ്യാപനത്തിനു ശേഷം തൃണമൂല്‍ കോണ്‍ഗ്രസ് അതിഗുരുതരമായ രാഷ്ട്രീയാതിക്രമങ്ങളാണ് അഴിച്ചുവിട്ടതെന്നും നഡ്ഡ പറഞ്ഞു. ബിജെപി പ്രവര്‍ത്തകരുടെ 1,399 വസ്തുവകകള്‍ നശിപ്പിക്കപ്പെട്ടു. 676 കവര്‍ച്ചകള്‍ നടന്നു. 108 കുടുംബങ്ങള്‍ക്ക് നേരെ ഭീഷണിയുണ്ടായി. സ്ത്രീകള്‍ക്കു നേരെ വലിയ അതിക്രമങ്ങളുണ്ടായി. ഇക്കാര്യങ്ങളെല്ലാം നടന്നത് ഒരു വനിതാ മുഖ്യമന്ത്രിയുടെ കീഴിലാണ്, നഡ്ഡ പറഞ്ഞു.

തൃണമൂല്‍ കോണ്‍ഗ്രസും മമത ബാനര്‍ജിയുടെ അഴിമതിയുടെ പര്യായങ്ങളാണെന്ന് നഡ്ഡ ആരോപിച്ചു. വാക്‌സിന്റെ കാര്യത്തില്‍ പോലും പശ്ചിമബംഗാളില്‍ അഴിമതിയാണ് അരങ്ങേറുന്നത്. സംസ്ഥാനത്ത് വ്യാജ വാക്‌സിനുകള്‍ വിതരണം ചെയ്യപ്പെടുന്നു. എംപിമാര്‍ക്കു പോലും ലഭിച്ചത് വ്യാജ വാക്‌സിനുകളാണെന്നും വ്യജവാക്‌സിന്‍ വിതരണമാണ് സംസ്ഥാനത്ത് നടക്കുന്നതെന്നും നഡ്ഡ ആരോപിച്ചു.

Content Highlights: BJP will form govt in West Bengal in next five years: Nadda


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented